عقبال ما ندخل التاسع يارب

تلال .. يابعد قلبي الله يسلمك احرجتيني بكلامك❤❤

ام زوجي احنا مسمين بنتي الاولى عليها واسم قدييم اهئ هالمره عاد انا الي باسميها لان من زمان عاجبني حنين .. 

يونا ربي يتمم لك ع خير ويهون عليك وعلينا كلنا

أم يسوفي 
يابعد قلبي الله لايحرمني منك يالغالية .

مرحبا كروشات 

اليوم رحت للسوق يقالك بتقضى للعيد لي انا وعيالي ووكلها ساعه ورجعت اشتريت بس لعيالي تعبت وجاني شد والم بالبطن ولالقيت كرسي اقعد عليه 😢
السوق زحمممممه وطفشت من كثر الناس ولا كملت الاغراض طلعت يبيلي كل يوم اروح اشتري حاجه وارجع
باقي يومين وادخل الثامن بصراحه ليتني تقضيت قبل السابع اهي اهي 



قريت مشاركاتكم وابي ارد عليكم بس ضيعت الاسماء اعذروني 

مشتاقه 
انا ماحلقت شعر بنتي وحلقت شعر ولدي والان شعرها كثيف وهو لا 
مو شرط الحلاقه تكثف الشعر طبيعه الشعر هي الي تحكم 

غصن لبان 

الله يعيننا يالموظفات هم البيبي والعيال والوظيفه بس انا بقدم رعايه مولود اذا قبلوها مو مشكله بقدم سنه واذا لا الله يعين مالنا غير الحضانه
ونطلب ساعه رضاعه نطلع فيها للبيبي وتكون اخر الدوام يعني ممكن تطلعين قبل نهايه الدوام بساعه 
والشغاله همممم حتى لو جت ماتقدرين تخلين البيبي معها ممكن الصغار لكن بيبي تخافين يطيح من يديها :( 

غيومه 
ماتشوفين شر يالغلا وان شاء الله تزيد المويا والله يتمم لك على خييير

ام يوسف 
انا مثلك مااحب احد يتدخل بتسميه عيالي 
كل واحد تعب وحمل هو المسؤول صح الزوج له حق لكن الغير لالا لا امه والا امي مالهم شغل يكفي انهم مسمين عيالهم يعطونا حريتنا بعد ترا كلنا تعبنا حمل وولاده هههههههههه
اهل زوجي واهلي ما عمرهم قالو سمي ولدك او بنتك باي اسم لاني ماعطيت احد مجال :) 
وزوجي تعجبه الاسماء الي اجيبها ويوافق واحيانا لا وندور غيره 



اما بخصوص اسماء الاولاد 
افكر باسم يوسف او ابراهيم او مهند حاليا 
 قلت ل زوجي بسمي ( تَيّم ) :(
بس رفض يقول اتركي عنك المسلسلات التركيه  وهذا اسم دلع ماينفع  للرجال 
وجاااري البحث عن اسماء جديده  

طولت عليكم بس تحملوني هههههههه

صباح الخير
العشر مباركة على الجميع ❤

الله يعيننا على الصيام والقيام ويبلغنا ليلة القدر
ويقومنا بالسلامة احنا وأجنتنا يا ربي يا كريم ❤❤❤