ايوه جالسه مع اهلي وهم مايدرون عن شي بس شاكيين لان زوجي ماعاد جاء لاهلي مطنشهم وقالي لازم ننفصل والايام بيننا 
والله لا ليلي ليل ولا نهاري نهار 
كنت فرحانه اني بولد واجيب له الولد الي حلم فيه بس حظي زفت لاشغاله زينه ولا زوج يرحم ولا ناس تفهم 
يارب يارب تحنن قلب زوجي علي ولا يطلقني 
بنات خايفه موت للحين صوته العالي وصراخه في اذني 
الله يسامحه فجعني 

ورد ياعممممري انتي ربي يريح بالك ويطمن قلبك
بس يمكن حكي مو جاد بكلامه .. بس كان ودي انك من الاول ضليتي ببيتك مارحتي مده طويله لاهلك وحاولتي تسايسيه .. الله يهدي سركم ويسخره لكم سخرة العبد لسيده 
صلي وانا اختك وادعي بكل صلاة اللهم يامالك الملك ملكني قلب زوجي وادعي بكل شي

والله احنا الزوجات ننرحم مصيرنا معلق بهالرجاجيل الي معظمهم معدوم المسؤوليه واناني
انا اوقات احس راسي بينفجر ويتعب قلبي 
، اجل انا ترك وظيفته وباع كل مايملك عشان يدرس برا وتركنا بهالوضع!
لكن الله وحده المستعان يارب يفرج هم كل مهمومه

ماهو دايم الولد هو يجيب السعد والحظ للأم سبحان الله

ياورد اسمحي أقول لك وبدون أي حساسيه أنا عرفت الكثير عن شخصيتك هنا
ببداية حملك اهملتي بيتك بحجة الوحم وتنتظري شغالة جارتك بالأسبوع مره تجئ تنظف المطبخ
فتخيلي عاد بيت مليان أطفال وحفايظ يهمل أسبوع
بعدها فتحتي معه موضوع الشغالة وجلستي تلحي عليه بالطلعه والدخله لحد ماقدم لك ويوم جت خفتي من مشاكلها وقلتي ما أبيها !!
وبعدها رحتي عند اهلك واتصالات والمصروف ما يكفي وهذا كله ضغط عليه
وبعدها طلعتي بحكاية بولد بمستشفى خاص لدرجة قلتي تبي تتسلفي وأكيد فتحتي معه هالموضوع وأخذ وشد
لاحظي كل هذه الأحداث بخلال شهرين وثلاث فأي رجال بيتحمل !!!

أعذرك لنفسيتك وتعبك بالحمل ولكن لاتمني عليه بجيب لك الولد
الرجل الشرقي للأسف يبغى وحده تراعيه وتهتم فيه مثل الطفل وهو لأ
انتي أم لأطفال الآن وحكاية الطلاق سهله على الرجل وصعبة عليك
لهذا أوقفي كل اتصالاتك ومسجاتك وطلباتك حاليا
واتركيه فتره يرتاح فيها ويفكر بهدوء وحاولي تغيري طبيعتك الرجل يكره المرأه كثيرة الشكوى

لا تظني أكلمك وأنا مو حاسه فيك وتقولي عني أتفلسف
أكلمك من حياة عشتها وعانيتها شخصيا لحد مامن الله علي وعرفت احكم عقلي

الله يهدي النفوس يارب ويريحك

ام يسوفي الله يسمع منك ويكون مو جاد 
اه ياقلبي احنا منجد معلقين بهم ولو تطلقنا اكلونا الناس بالكلام غير انو الرجال ماهمه عياله يتزوج وينبسط وقمة الانانيه واحنا نعاف الزواج وقلوبنا معلقه باطفالنا ونراعي مشاعرهم ونحرم نفسنا من الزواج والله فرق بيننا
والله اوقات اتمنى اني مانخلقت انثى 
يالله رحمتك فيني 

ورد ما أظن غير إنه يهدد وإذا زعلان على بعدك يابنت الحلال ارجعي بيتك وأولدي في بيتك مو شرط عند أهلك بالذات إنك طبيعي المتوقع لك
وتري أنا بولد ببيتي وأنا ماعندي أحد يهتم بي ويسويلي غير أقوم لنفسي وربي يعين لازوج يفهم بسوالف الحريم وعيالي إذا ساعدو بشغلات بسيطة على قدهم وأنا مو أول مرة أولد ببيتي والحمد لله ربي يسهلها من عنده
إنت تركتيه فترة طويلة إنت والبنات ويمكن هذا السبب إلي معصبه