مساء الخير ياكروشات
اخباركم وحده وحده
مبروك لكل اللي عرف جنس الجنين
الله يتمم لكم ع خير ويحفظ اجنتكم من كل شر
اعذروني ع الانقطاع لكن جد انشغلت بحكاية السكر والانسولين
والحمد لله اموري مستقره ذي اليومين بعد ماكان مره هبوط ومره انخفاض يارب لك الحمد والشكر
الله يتمم لي ع خير ويحفظ لي جنيني من كل شر ويجعله بحوله وقوته سليما معافا
الاربعاء اللي فات كان موعدي بالحكومي ودخلت ع استشاري نساء وولاده
اخلاقه زفت مدري من اللي غاصبه وقايل داوم
رفض يقول لي باي اسبوع كل اللي قدرت اسحب منه اني بالرابع يقول المعلومات ذي وموعد الولاده
المحتمل راح ابلغك فيه بعد الاشعه التفصيليه للجنين اللي بعد شهرين
قلت له اكتب لي فيتامينات رفض يقول ماتحتاجينه
اول مره اسمع ان الحامل ماتحتاج لفيتامينات المفروض يوصف لي دام اني استعمل الحميه والانسولين
لازم فيتامينات مكمله
اداني موعد بعد شهر



اعذروني ع قصة حياتي
بسأل اللي بالرابع منكم وتراجع بحكومي ايش وصف لها فيتامينات
بشري ان شاء الله من الصيدلية
واعذروني ع الاطاله وقلة تواجدي بالتجمع

تدرون بنات انا استخدمت حمض الفوليك قبل الحمل وبعد الحمل استمريت عليه شهرين وعشره ايام وتركته
ليومكم هذا
ثقيل ع معدتي وسبب لك وانتم بكرامه امساك ماارتحت لين تركته
احيان احس بتأنيب الضمير لاني تركته بس ماكان بيدي

الله بس يحفظ لي جنيني من كل شر ويفرحني بشوفته بين احضاني سليما معافا

اليوم طلعت السوق ابغى اخذ لي بناطيل واسعه اجحاف بحق الحوامل اقمشه تجيب الهم والوان بني ورصاصي ليش كذا؟! وكمان ماطولت الجو حار وقفلت اخلاقي درجة الحراره بالليل٣١يارب ترحمنا ..ومن ناحية الثقل والله صرت اتعب بالسجود بطني من تحت تضايقني وفي السياره لو يطيح شي عند رجلي مااقدر انزل انكتم واضغط ع البطن ماعرف الوضع طبيعي ولا لا؟!

ام توتو مبروك الولددد..دوددي الله يطمن قلبك بشرينا بكره..الاء عسى المانع خير

قشطونه

ههههههه اي والله الوان تجيب الهم
لكن ماعليك انا اخذت اسود وكحليً وجينز من عند البطن مطاط عريض خاص بالحوامل

والبلايز بدعت فيها حاولت اخذ واسعه او وتتمطط يعني تنفعني شهزين و ٣ قدام

ومن ناحية الضغط لسى ماشوفتي شي 😣😣
اذكر ف بنتي اخر الشهور اصلي وانا جالسه مااقدر اركع ولا اسجد 😓
الله يكون بالعون


الْحَمْدُ لِلَّهِ عَدَدَ كُلِّ شَيْءٍ وَالْحَمْدُ لِلَّهِ مِلْءَ كُلِّ شَيْءٍ