زوجة السلطان وش المشد الي بتستخدمونه كل وحدة تفيدنا
انا مرة شريت من الصيدلية وصاررر ضيق يضاايق وبقوة

بقولكم قصتي يابنات انا اوول ماتزوجت وحملت فرح زوجي واهله مررره ماتتخيلون وش صار يوم ولدت بولدي كن عندي عرس في بيتي دخلت بيتي على الاستقبال من الكبير للصغير التورته واصوات الطراطيع وحواتي واصوات الزغااريد .. ماانسى ذاك اليوم لانه اول حفيد في العايله وحتى حمواتي ماداوموا ذااك الاسبوع كلهم ناموا عندي بالصاله بدون فراش حتى .فرحه بهالمولود ومرت الايام صح ولدي محبوب العايله لاكن ورب البيت ان زوجي عاااادي ماكان هالولد حررك فيه مشاعر الابو  اقصد مو متولع فيه عااادي جدا جدا  وحتى من ناحيتي كااان جدا جااف ماكن عندي ولد ولاشي وكل وقته برا مااشوفه كنت اقول في نفسي طيب عالاقل مايشتاق لولده وسبحان الله مرت الايام وحملت في بنتي وكنت عادي مبسوطه وماطولت حملت بالثانيه مااخفي عليكم اني تمنيت انها ولد اخو لولدي بس قلت يالله ربي جابها ...وكبرن هالبنات ..واقسم بالله ماشفت السعاده الا من بناتي الثنتين ابوهم يعشقهم عششق جنووون جنوون لدرجة ولدي صار يغار منهم بس وش اسوي البنات هم جذبوا قلب ابوهم كل وحده تقول انا اللي اعطيك وانا اللي ادلعك وانا اللي انام معك ويسفرنا عشانهم ويطلعنا عشانهم مرره يعشقهن يقولي مقدر لو يوم واحد مااشوفهن ولا احضنهن وبس يدخل البيت يدور لهم ويضمهم ويسولف معاهم كنهم كبااار سبحان الله وطلباتهم أوامر عنده  يقولي مايرجعني البيت الا هالاميرات وحده مسميها ملكة حياتي وحده مسميها  أميرتي  ..والله يابنات اني احمممد ربي واشكرره الف مررره ربي رزقني بهالبنتين لاني شفت السعاده بعدهن ورجع لي زوجي وصار يحن علينا بسببهن ..ماكنت ادري انها خيره للاسف ماكنت ادري بس تفكيرنا نبي ولد بس وجاهه ورضا للزوج ...مافكرنا ليش ربي اختار لنا هالبنت  وهو اعلم منا بالخير ...وربي سبحاانه احن علينا من امهاتنا سبحاان الله لك الحمد ولك الشكر يااارب 

نوف ماشاء الله تبارك الله
اذكري الله عليك وعلى بناتك وزوجك
الله يبارك لك فيهم ويسعدك ربي في الدنيا والاخرة
فعلا كل شي عنده بحكمة تبارك الله. 

ياسبحان الله ي نوف
فعلن البيت بدون بنات مافيه حيااه 💕💕
زوجي يموووت على بنته ومن هالحين يفكر يقول اخاف احب النونو اكثر منها
واخاف ازعلها واخاف تغار على اخوها
من هالحين عامل لها الف حساب
الله يحفظ لنا ذريتنا ويرزقنا برهم وصلاحهم يارب

ماشاء الله تبارك الرحمن نوف ربي يسخره لكم زود ويخليه لكم ويرزقك بباخو لولدك كان فيه خيره لكم
سبحان الله ماندري وش الخير به الحمد لله