رمووزه

صادقه ياقلبي .. بس لان امي بكل حملاتها عوشرت عشان كذا وسوست قلت اسأل

الله يهون علينا تسلمين ياعسل



انامل

تسلمين ياقلبي والله يكفينا من هالعاشر كريه وثقيل بشكل فضيييع

الله يهون علينا ان شالله




سوزان

ههههههههههه لالا مااصدق .. من جده يقول ليش تراجعين اي والله ليش ههههههههههه

احنا مع المراجعات ونخاف ونبي الموعد بسرعه يجي عشان نتطمن .. الله لايضيع لنا تعب

والله ياجرج والله معذوره وصادقه برمضان مانحس بالصيام .. بس اليوم مررررره عطشت بشكل الله لايوريج

ربي يقويني واكمل الصيام ان شالله

فديتكم بنااااااااااااات كلكم الي رديتو علي


ترى السموحه مالي بالاقتباسات و اخاف اعدد بالاسم و انسى احد




دحين جبت ورقه و قلم و اكتب النواقص

اغراض الصيدليه حق البيبي قريت انو جنسون مو طيبه

فايش تقترحون بدالها غير حق مذركير؟؟

و قطن الصدر افضلها انفينت صح؟؟ سمعت مرة وحده هنا مدحتها



معليش بكريه علشان كدا مشاركاتي كلها اساله و ماعندي شئ مفيد


بنات تصدقون انه من شهر و نص ما رحت اراجع

رحت و انا بنص السابع تقريبا و بعدها سويت موعد على الاساس اكون بنص الثامن و مارحته لانه زوجي كان تعبان فماحبيت اتعبه و قلتله خلاص بروح بعد العيد

و صار اني سافرت و جيت لاهلي و موعدي هنا عندهم يوم الاربعاء باذن الله اكون داخله عالتاسع


يعني الثامن كله ماراجعت فيه و خايفه

سوزان

والله صادقه الولاده الطبيعه نعمممممممه ربي مايحرمنا منها ان شالله

لان القيصري راحتها بوقتها فقط .. لكن عقب تشوفين الموت
وربي اختي تعذبت ياحياتي عليهاا .. حتى من بعد 3 شهور تصييييييييح من مغص بطنها اقل شي تاكله يسبب غازات تعالي شوفي كيف تتلوى من الالم ربي ياجرهم ان شالله




اي اسم

ليه جونسون مو طيبه ..!!!

بالنسبه لقطن الصدر انا شريت ببكري ماركة بيجون وتعالي شوفي الكرتونه جديده مااستخدمتهااا .. حتى المستشفى عطوني ولا استخدمتها ولا ادري حق وشو تستخدم خخخخخ

بالنسبه بعدة الشاور لو تبين بديل عن مذركير وجونسون عندج شيكوو رااائعه البودره والشامبو ولمناديل المعطره انا مجربتهم ريحتهم خييااااال

حنين انا تمام انتي شخبارك؟؟
انامل اغراضك حلوه ماشاء الله تتهني فيهم
انا ماشريت ولا شي اذا دخلت السابع بدا اعجبتني مخده الرضاعه بشتريها
انا ادخل واطلع ولدي تعبان صدره الله يشفيه ..

اي اسم قصدك تبغين نقولك ايش اغراض الصيدلية
هذا الدفتر قدامي اللي كاتبة فيه اغراضي بقووولك وش كاتبة


مسحات طبية >>> سر النونو
اسيكنول الليمون>>> امسح فيه الاماكن الغامقة بالجسم
قطن دوائر>>> استخداااااااااامه كثير مرة
جلوسيد-جلسرين-كريم الفازلين-مزيل عرق-شامبو الشعر....>>>>طبعا اغراضك الشخصية
كريم ميبو>>> لالم الخياطة
غسول بيتادين >>>مطهر للمنطقة
قطن للصدر>>> افضل شيء بيجون
فوط لوتس>>>للايام الاولى من النفاس
فوط فام>>> اذا خف الدم الله يكرمك البسهم
رضاعة للنونو>>> بجيب الصغيرة 4مل كم حبة..وحدة ثانية صغنووونة 2مل عشان الموية
حلاّبة>>> مهمممممة بالايام الاولى صدرك يدر حليب والنونو مو كل وقت يبغى يرضع لازم تشفطين الحليب عشان مايعور صدرك
مجموعة جونسن>>> انا ماخذها اخذ للنونو مجموعة بيجون تدننننن للمواليد ريحتها خفيفة مرة ...واخذها من سنتر بوينت تجي طقم عينات صغيرة سائل استحمام وشامبو وبودرة
حليب للنونو>>> لازم تعودينه على الحليب الصناعي ...عاد الحليب الدكتور اللي يصرفه ..بالنسبة لي باخذ للنونو مثل حليب بنتي
الحمدلله دامه ناسبها ان شاء الله يناسب اختها

وسلامة قلبك ...هذا اللي عندي ..يااااااااااااااااليت الكروشااااات يذكروني اذا ناقصني شيء ...