كيفكم صبايا..

أنا مع الطفش والتفكير بديت اجهز شنطة المستشفى الله يتمم على خير يارب..

حطيت فيها التالي..

1- 2 بجامة دافية
2- 2 سراويل داخليه
3- 4 كلوتات
4 - 5 حفائظ النفاس (احتياطا والا هم ان شاءالله بيوفرونها لي)
5 - فرشاة,معجون,شامبو,صابون
6 - لوشن ومعطر جسم وديدورانت
7- فرشاة شعر وبكلات ومشابك
8- كحل وعدة تضبيط الخشة :)
9- 2 شرابات
10 - 1 شبشب الله يكرمكم
11- منشفة
12- 2 قميص استقبال للضيوف
13- 2 ستيانات رضاعه
14 - مرة في قارورة للشرب
15 - مفرش سرير لاني اتقرف من مفارش المستشفى مهما كانت راقية ونظيفة
16 - بربتوز وقبعه وصدرية وفانيله داخليه ومهاد وبطانية خروج للبيبي ان شاءالله
17 - لفة استقبال البيبي باذن الله
18 - كريم تشققات الحلم
19 قطن الحلم
20 - شاحن جوال
21 - كاميرا ديجيتال (أفكر اخليها مع زوجي عشان ماتنسرق ما اضمنهم!!)

هذه تقريبا اغلب الاغراض اللي حطيتها وباقي الاغراض في اللسته مثل المرة راح احطها في اللحظات الاخيرة..

أمانه ذكروني اذا في شي ناقص ودعواتكم الله يسهل علي وعلى كل المسلمات ويقومنا جميعا بالسلامة يارب..

تقولون استعجلت بس والله لانها شي سهل مقارنة بكوم الاشياء اللي تنتظرني الفترة الجايه..

بيتي كله عمال وعندي شغل كثير في البيت من كل شي بس الله يسهل ويمديني اخلص قبل وقت الولاده يارب ياكريم..

في انتظاركم :)

فوفهـ

هلا فيكي ...الله يقووومك بالسلامة
بسالك ياقلبي
بنتي اللي بيديها اكزيميا

سيباميد اللي قلتي عنه اقدر اخذه كذا من الصيدلية ولا لازم استشارة طبيب
هالحين اذا جيت اروشها ..احط على يديها اكياس عشان الصابون مايعورها
ومن رمضان معها خفت يدها اليسار هالحين انتقل لليمين .ولاصابع رجولها...الله يكرمك اشووفها بدت تتقشر....الله يشفيها ياااااااارب

اقول قلبووو ممكن تقولين لي وش لهومك؟؟
لان احنا مانسوي لهوم
كلها حلبه ورشاد وبس
..
بعدين مره قلتي الوحده يبيلها تمريخ بعد الولاده وين تسوين هالمساج؟؟

عذووبه

انا مافكرت احط بجايم لي بالشنطه

بس دخلتي الفكره ببالي لان قمصان النفاس مو مريحه ابد ماتمغط عالجسم ولا تدفي صراحه

بس ان شالله بحط لي بجامتين وقميصين

مدري اشوف البنات يحرصون عالشيله ثقيله شوي تدفي راسج عقب ماتتروشين .. ذكروني عليها لان ببكري ماحطيتها خليت المنشفه ع راسي ولا نشف بعد

امممممممممم ناقصج مسك ابيض عشان تتعطرين فيه يتراوالي هو اخف من العطورات عشان مايجيج شمم ع مااظن

وبس هذا الي اذكره الحين

الله يهون علينا بتمامه ويساعدج ان شالله



انامل

هلا ياعسل

بالنسبه للهوم تفضلي



حلبه..حبه سودا..رشاد<<نفس المقداااار بالضبط
تحطين معاهم شوي ماش مطحون..شوي مره مطحونه..شوي يانسون..شوي شمر مطحون

تاكلينها طووول النفاس ملعقه وسط 3 مرات باليوم

واول عشر ايام تشربين منقوع الحلبه


وبس .. والحلبه مرررررررررره مفيده تقوي الظهر .. وتدر الحليب كثييير ماشالله وتساعد الطفل عالنمووو لانه ياخذه عن طريق الحليب


دعواتكم لامي بطولة العمر والصحه والعافيه ولي بتسهيل الولاده ياعسل


والترديد انا سويته بمشغل ضي للعنايه بالقدم بالخبر .. شغلهم رووعه مره وتحسين نفسج غير بعد الترديد عظامج ترجع..وانا سويت عندهم حمام فرعوني يعني مغربي بس مطور خخخ .. ومعاه الترديد .. بس قبل العيد جبنا عاملات من مشغل للبيت حف وخرابيط وقعدت تسولف لي الفلبينيه تقول انها تسوي مساج وترديد للوالده بس يكون بعد اسبوع من الولاده وعالرييق الصباح ماتاكلين ولا شي مدري حمستني
مع اني ببكري سويت الترديد اخر نفاسي يوم طهرت بس انصحج فيه بقووه

واذا تبين انا قبل كم صفحه حاطه رابط فيه معلومات عن عنون الصالون ورقمهم او ابحثي عنه بقوقل بتلاقينه


اتمنى اكون افدتج
وع فكره انتي من يومين سألتي عن كب كيك حلو وحطيت لج رابط الظاهر مانبتهتي له :)






تصبحون ع خير كروشات :)

عذبـــــــــة

الله يعينك على حوسة العمال ...
ماشااااااااء الله اغراضك تقريبا كلها جاهزة

اذكرك ياقلبي الموية اللي فيها المرة لو تكون زمزم افضل ولا تنسين تقرين فيها ايات تسهيل الولادة .....