السلام عليكم

مساء الخير كيفكم

ماشاء الله يازين العافية ، صلي على الحبيب
الحمدلله على سلامتكم و ألف مبروك ماجاكم ، و يتربون في عزكم ،
الله يهون علينا جميع و يرزقنا بالأطفال السليميييييين ،

بكرة بادخل الثامن ، و الدكتورة قايلة لي العملية تقريبا بتكون في الأسبوع 37 ( يعني أول أسبوع في التاسع ) و انا الحين بالأسبوع 31 ، يعني ماعاد باقي شيء ، الله يعين ، و الله اني شايلة هم ذا العملية و ماغير أفكر ، و أتحلم فيها ذذ ،
بس شايلة هم و الله بعد أسبوعين موعدي و بأجهز شنطة المستشفى احتياط ، لأن السكر بدأ يلعب معي ، أيام يمشي مضبوط و أيام يرتفع ، لأنهم لو شافوا بالتحليل مرتفع بينوموني و مايخلوني لو إيش ، يايولدوني إذا مانزل ، او يخلوني تحت الملاحظة و يطمنون إلين ينزل ، يارب يمشي السكر مضبوط و مايتعبني .


بررررررد ذا اليومييييين و الله ثلجت ، مهما أدفي نفسي رجولي و يديني مثلجة ،

طيب سؤال حبوبات ، وش الحل للورك ، مرة متعبني ، ودي أشتغل باليت و أخلص بعض الأشغال ماأقدر أتحرك كثير ، وش أسوي تكفون ، فيه مرهم أو شيء ينفع لألم الورك ، الحمدلله أمي و أختي بيجوني خلال ذا الأسبوع و بيساعدوني في المستودع لأنه منحاس و تجهيز مكان الشغالة ، لأنها لها غرفة و حمام ، بس حايس قسمها مرة ، فبيساعدوني بترتيبه ربي يخليهم لي و يسعدهم ، بس باقي البيت أمي تقول جيبي شغالة بالساعات تجي تنظفه لك ، خلال ذا الشهر ، ياحبية قلبي أمي ماتبيني أتعب ، بس أنا من النوع اللي ماحك جلدك غير ظفرك ، ما أحس شغالات الساعات بيخلصون لي ، أحب أخلص شغلي بنفسي ، و أنا ماودي تجي شغالتي إلا و بيتي يبرق نظافة و يلمع ، علشان تتعود على النظافة ، قلت بأقسم الشغل على أيام و الله لايهينه زوجي يحرك لي الأشياء الثقيلة و الكنب علشان أنظف تحتها ، ياحليلي قبل الحمل كنت أدفها و أحركها و انظف اللي تحتها ، الحين ماعاد أقدر أحرك شيء ذذ ، الحمدلله شغل البيت مو إلى ذا الدرجة متعب ، لو أخلص من المستودع و قسم الشغالة بأرتااااااح من هم كبييير لانه هو اللي صدق منحاس .


شريت أغراض للنونو ، بس ماكثرت لأنه فيه من ملابس أخوانه قبل حقة الأربعين ، و يوم نزلت سنتر بوينت كلها لقيتها ثقيللللة مرة ، حرام و الله ، مااحب أثقل عليه يعني ولادتي بتصير على نص 3 ، فيه برد بس مو زي الحين ، و البيوت دافية ، بألبسه لبس داخلي كم طويل مع اللبس الخارجي و القبوع و أصلا بيكون طول وقته ملفوف ، يعني مايحتاج أثقل عليه ، و زيادة على كذا ، الدكتور قايل لي أنه صغير ، و أنا أخذت مقاسات من 0 إلى 3 أشهر ، لو طلع صغيور مرة ، بأقول لأمي و أنا بالمستشفى تنزل تاخذ له كم لبسة نيو بورن ، بما أني باقعد بالمستشفى 4 أيام أو 5 ، و أمي بتجي تزورني و بتشوف حجمه ، إذا اللي شريتها كبيرة تنزل تاخذ له صغيرة و أحلى شيء أنه السوق قريب من بيت أهلي ، مرات أمي و أختي يروحون له مشي ، بأنزل صور الأغراض في رد ثاني .

مساكم الله بالخير
ايش اخبار الكل ان شاء الله الكل بخير

الف الف الف مبروووووووووووووووووووووك على زيونه و صلي على الحبيب...الله يجعل مواليديهم من مواليد السعاده يارب

و عقبال الباقيين..شدو حيلكم ما بقى الا القليل

الله يعينا على التقل و المرض و الالام ..

و هذي أغراض النونو ، هذي تقريبا الملابس باقي الصيدلية و تجهيزات السرير و المروش و المدس و الشنطة و حوسة بسيطة الله يعين ، شريت هذي الأغراض مع لبستين لولدي اللي عمره 3 سنوات ، و جكيتين للصغير و الكبير و بجامة لهم ، طلعت بــ 1522 ريال ، طبعا كلها من سنتر بوينت ،

هذي الحمراء بآخذها للمستشفى ، لأن ماألسه إلا وقت الخروج بس ، يعني لبسة وحدة أحتاج للنونو ،











هذي الملابس الداخلية ، باقي أشتري له كم طويل ،



مخدة الراس ، منشفة ، بطانية صوف ، لهاية ( مصاصة ) ، سلاسل للمصاصة




مهادات لصق ، هذي اللون اللي لقيته للاولاد ، و أصلا كانت آخر حبة\




هنا لبس النونو الأصفر طقمت لأخوانه معه بجايم ، اموووووت في التطقيم ، تعجبني أشكالهم



هذي بجايم للكبير و الصغير




لبستين للصغير


باقي الكبير بأشتري له بإذن الله .


هذا روب و منشفة للصغير




هذا جكيت للحلو الكبير ربي يشفيه ، مهما ألبسه من ملابس إذا طلعنا من البيت يرتجف حبيبي من البرد ، ياقلبي عليه ، دعواتكم



و هذا حكيت الصغير ، كنا بالشقة و بنطلع لموعدي ، الحرارة كانت 6 ، برررررد ، على قولة أمي ، جايبة ولدك من الإسكيمو ذذ



و بكذا انتهييييت ، هاه وش رأيكم ؟

طبعا باااقي أغرااااض الله يعين ، ناقصني أشياء كثيرة ، باقي مهادات ، و بطانية و أشياء ثانية ربي يعين .