ام مشعل روحي لامك اسبوع واحد الين تشدين حيلك ، وعقب ارجعي لبيتك .. امهاتنا. ماعاد فيهم حمل ولا شدة علينا ولا على عيالنا لكنهم يضغطون على انفسهم ..
الله يخليهم لنا يارب ..

ام سعود قالوا لي بنوته لكني شاكه فيهم عشان قد. صارت معي بولدي قالوا لي بنوته وجبت صلوح ولدي , فماكثرت ملابس بناتيه ، اغلبها محايدة ..

اعذروني كروشات الصفحات تطير مايمدي الواحد يقرا

ياحريم
صحيح الحامل يوم تدخل التاسع
مآتقصر في المشروبات الدافئة
والشوربآت ..؟؟ <<~ بكرية :D

لين ..

اول مرة اسمع بهالشي ..
اهم شيء المشي واكل الرطب ..
الله يتمم لك يارب على خير ..

مشكورات كل الي ردوا علي بخصوص النفاس

وان شاء بروح عند الوالدة والله يعين ويكتب الي فيه الخير

ومشكورة رهرة عالصور مثل هذي الي حاطتها ببالي بس ابي طويلة لاني ما البس قصير ابد

ماتقصرين ياقلبي

ام تركي الحمدلله اجل هيييييييييييييييينه اشوى باقي جنينك ببطنك

المشكله للي فوق كل الشغل نفاس و نونو جديد وعندها 10 انفار لازم توكلهم ههههههه الله يعين ويحفظ لي ولكم و يكتب اجرنا جميعا




///


بنات بقولكم شغله احيانا اسويها لابغيت اشكل برمضان او بغيره


حطي قدر كبير مره اعملي فيه تكشينه مرق اللحم و الا الدجاج المتوفر عندك واتركيه يغلي اذا قدر ضغط او عادي انتو واستخدامكم

تكوني مقطعه خضار للايدام للاطفال يحبون عادة ايدام البطاطا ومعاه كوسا و فاصوليا و و خلوها خضار مشكله
وتكوني عاجنه للمرقوق ( اذا كنتي نفاس اكيد تبغين مرقوق )
قسمي المرقه ع 3 قدور

1- اضيفي المرق على الخضار للايدام
2- اضيفي ع قدر المرق الثاني شوربة الشوفان و الحب
3- افردي عجينة المرقوق وقطعيها وارميها جوات قدر المرق الثالث

وتكون قهوة البن على عين الغاز الرابعه :)

ربع ساعه تكون نضجت كل القدور
تكونين لفيتي كم حبة سنبوسه باللحمه اقليهم و صفيهم في صحن التقديم

طلعي لك خضروات السلطه انا مثلا اخذ جزرتين و خيارتين و فلفله رومي اقطعهم بالقطاعه او قطعوهم مستطيلات او مربعات ناعمه
و يكون عندك فاصوليا حمراء الخاصه بالسلطه تخلطينهم مع بعض وترشين عليهم ملعقه سكرر صغيره و ملعقة خل ابيض صغيره و رشة مح وفلفل اسود و علبة زبادي مع ملعقة مايونيز وممكن تحطين نص كوب لبن بدال الزبادي وحسب الكمية طبعا

و فيه سلطة الجرجير تغسلين الجرجير وتقطعينه مع طماطم و رشة ملح و تحطينهم في الصحن وتزينينهم بجبنة بيضاء تقطعينها مكعبات و ترشين عليها زيت زيتون وبالعافيه



التوت او العصيرات جهزيها من الظهرر


حطي سفرتك عندك شوربه وسلطه و سنبوسه لابو الشباب عندك ايدام ع خبز للصغار عندك مرقوق للنفاس :)

الله يجمع لنا بين الاجر والعافيه


اي خدمات هههههه احس اني طولتها اليوم