ورد السنين :

بقولكم ايش صار معاي هالاسبوعين اللي انقطعت فيهم جاء وقت الدورة وجت على وقتها لونها بني ومتقطعة رحت سويت لي شاي اعشاب قرفة وعشبة المدينة وحلبة وماادري ايش وشربت عنزروت ونفس الشي ماتنزل ثاني يوم على نفس الحال وثالث يوم دم خفيف قلت لخبطة ومن كثر التفكير بترك سالفة الحمل كلها وطلعت من المنتدى المهم بعد كم يوم طلعت نتيجة تحليل فيتامين د عندي واصل 8 يعني شبه منتهي قال المختبر راجعي الدكتور بااقرب وقت بيجيك هشاشة عظام واكتئاب ومارح تقدرين تمشين من كثر التعب من عظامك المهم عرفت سبب العصبية والنفسية والهم اللي كنت اعيشه فترة الله يرفع عني ويشفيني انتظرت الدورة تنزل وبدا معاي وجع شديد كاانه طلق في البطن والظهر ماكنت اقدر اجلس او انام منه وانقطعت الدورة وخفت لااروح اخذ فيتامينات واطلع حامل سويت تحليل وطلع خط خفيف بالمرة يااالله ينشاف وفرحت وفيني خوف استغفر الله من الاجهاضات الثلاث اللي قبل لانه يجيني بالاسبوع الرابع نفس الطلق ويتوقف الحمل على 6 اسابيع ..المهم رحت للدكتورة وقلت لها وضع فيتامين د قالت اذا فيه اشتباه حمل ممنوع اول ثلاث شهور وقالت روحي حللي دم ولارحت استغفر الله لاني حاسه اني بجهض فمابي اتعلق في اي امل الله يعوضني خير عاجلا غير آجل . تركت المستشفيات اسبوع ونص وحالتي الله يعلم فيها ورحت لموعد لي في المستشفى عشان الاورام الليفية وقلت للدكتور اني يمكن حامل قال كم لك قلت 6 اسابيع فحص بالسونار قال في شي صغير بالمرة يمكن انه كيس حمل قلت خلاص معناته اجهاض قال تفاءلي بالخير .. وسوا لي تحليل هرموني طلع نسبة كويسة ثاني مرة ارتفع شي بسيط بالمرة يعني شبه مارتفع وثالث مرة امس بدا ينزل دخلوني تنويم قالوا اللي في الرحم تجمع دموي والكيس والجنين احتمال لاسمح الله انهم خارج الرحم ولازم نتابعه قبل لاينفجر الانبوب لاقدر الله .. وطلعت من عندهم البارحة قبل لااصعد غرفة التنويم وانا منهارة ابكي عشان رابع مرة تكرر معاي هالحالة يتوقف الجنين على 4 اسابيع ويكتشفون في الاسبوع السادس انه خلاص واقف ورحت للبيت وبكيت وبكيت بحرقة اول شي عشان تعبت من الاجهاضات ثاني شي عشان قصة خارج الرحم اليوم جمعة مالقيت مستشفى خاص وجتني نغزات الظهر وخفت لايكون لاسمح الله الانبوب ورحت لهم وكشفت الدكتورة الله يوفقها سعودية حبوبة قالت لا الحمدلله الكيس داخل الرحم بس لاتتأملين فيه كثير لانك الحين في الاسبوع السابع وحجم الكيس صغير جدا ثلاث اسابيع وشكله متوقف قالت انتظري اسبوع واذا بدا عندك نزيف او اجهاض تعالي .. وهذي كل قصتي الله يلطف بحالي ويأجرني ويخلف علي بخير وكل من قالت آمين ... إنا لله وإنا اليه راجعون . اللهم آجرني في مصيبتي واخلف لي خيرا منها .. لاتنسوني من دعواتكم يعلم الله بنفسيتي وحالتي .

بقولكم ايش صار معاي هالاسبوعين اللي انقطعت فيهم جاء وقت الدورة وجت على وقتها لونها بني ومتقطعة...