سلام عليكم
حنان الماجد
فعلا السونار هو الوحيد اللي يقطع الشك باليقين
في حال الشك بخروج البويضه
الله لايحرمني منكم اخواتي ولا من سؤالكم عني ولا من دعواتكم ونعم الأخوات
اسأل الله لي ولكم الأولاد الذكور الصالحين عاجلا غير اجل
راح اقولكم ايش صار معايا اليوم الصباح
كلمت الدكتور عماد على الساعه 7 الفجر وقلتله عن أعراض التبويض اللي حسيت فيها قال يأختي لازم تتأكدي بالسونار احيانا العلامات مش دليل على خروج البويضه
وقلت خلاص يادكتور الساعه 10 الدكتوره تفتح العياده وبرجع اكشف سونار
وانا انتظر الدكتوره تفتح من الساعه 8 لحد الساعه 11 بدا الم التبويض معي وكل ماله يزيد وهنا تأكدت انه فعلا البويضه دوبها خرجت وهذا المها اللي اشعر فيه وزادت الحراره وألالم بس بدون افرازات وهنا تأكدت انها البويضه وتخرج
وصحيت زوجي على الساعه 11 ونص بعد مانزل الالم من الجنب الي أسفل الحوض وطلعت عالدكتوره ودخلت عليها 12 ماكان عندها احد
وعملت السونار وسبحان الله نفس ماتوقعت البويضه دوبها خرجت والجراب موجود ومُطبَّق على بعضه والرحم كله مويه وقالت دي دوبها خرجت البويضه
قلت انا من ساعه يادكتوره
قالت فعلا هو واضح انها من ساعه فقط لان الجراب موجود ومطبق على بعضه
اللي حابه اقوله
اخواتي لاتعتمدوا على الحراره والإفرازات اقسم بالله من كثر في الليل مالحراره مرتفعه والإفرازات زي زُلال البيض قطعت الشك باليقين انها خرجت
عشان كذا مافيه افضل من السونار
انا ماانفي انه العلامات هذي احيانا بتكون خروج البويضه ولكن مش مع الكل احيانا ننخدع فيها وبتكون البويضه باقي ماخرجت من الجراب لقناة فالوب
والعبره من طرح قصتي
لاتعتمدوا على العلامات تأكدوا بالسونار
سلام عليكم
حنان الماجد
فعلا السونار هو الوحيد اللي يقطع الشك باليقين
في حال الشك بخروج البويضه...
بجد اتنرفزت اتابع تبويض وسونار وفيه النهايه ولا شيء
حتى جلست كل فترة الدورة والتبويض على مويه زمزم
واكل عين جمل عشان التبويض وفي النهايه يروح الشهر بلا فايدة
بس ان شااااااء الله ربي كريم والشهر بتابع بدون ما احكيه
والله ياشوق حتى زوجي مصدوم يقول افكر احاول ادخل جو مافي حمل كإني مسحور يقول مو حاس بشيء
بس لمن قلتوا لي عادي وتصير تطمنت