السلام عليكم ورحمه الله وبركاته
الف الف مبروووك للي حملو واللي كشفو وطلع معاهم بنات او اولاد الله يباركلكم فيهم يارب
انا كنت مشاركه معاكم من قبل لمده شهرين واحسكم خواتي واحبكم مره وطامعه في دعواتكم
بنات انا بتطلق والسبب ان ام زوجي تسببلي مشاكل وقلبي منشلع على اطفالي انا وزوجي مبسوطين لكن ماقول الا حسبي الله ونعم الوكيل
على فكره ام زوجي شرانيه مع الناس كلهم مو بس انا
طامعه في دعواتكم يالغاليات
ورب الكعبه دايما ادعيلكم واحبكم
السلام عليكم ورحمه الله وبركاته
الف الف مبروووك للي حملو واللي كشفو وطلع معاهم بنات او اولاد الله...
اناطبعا ساكنة في بيت عمتي أم ريلي
بحكم إنها ما عندها إلا ولدين فهالولدين ساكنين عندها تبارك الله من يوم ما خذت ولدها ولا بحياتها ولا بحياتي فكرت تجرحني بكلمة
صايرة لي مثل الأم
ما تعز علي شي أبد
كل شهر ولا اسبوعين ألاقيها شارية لي شي
أو لبناتي
وما تغلي علينا شي
تآخذ لي من الغالي ولبناتي
و ياما ياما تساعد ريلي
حتى أهلي حاطتنهم فوق راسها و محترمتنهم جدا جدا
و أمي دااايم توصيني عليها من كثر ماهي الحمدلله شايلتني شيل
إللي صار أمس لما ريلي قال لها عن الولد
يتني و قالت لي سميه على إسم ولدي إللي مات
طبعا هي ميت لها ولد بعمر العشرين
انا سكتت وتنحت طبعا
ما كان في بالي أبدا أبدا
ما عرفت أرد عليها
طبعا هي طلبت مني ما أمرتني
بس والله لما شفت الكسرة في عيونها قلبي عورني
و كلمت أمي قالت لي ما امرتج انا آمرج تسمينه بإسمه
إنزين و عمر انا هالإسم بخاطري قبل أحمل
ريلي قال لي الشور عندج سميه إللي تبين
طبعا عمتي ما راح تزعل إذا ما سميته
مخي موقف من أمس
طبعا إسم ولدها إللي مات جابر
الإسم ما عليه بس خاطري بعمر
برايكم شو أسوي ولا شو أرد عليها