الحمل عامل عمايله فيني
اقراء اقراء واتعايز ارد اذا رديت نقلني لصحفه الرد يوووه مشوااار


مبروك للبنات اللي عرفوا جنس البيبي
عقبالنا يارب


تاروخه انا تحمست امس وطبعا مضيعه كالعاده وانتي تقولين بالسبت وانا اكمل اقراء انتظر البشاره 😂اخر شي انتبهت انه بعدنا الجمعه ماصرنا السبت
عاد قلت يالله اليوم نفرح فيج


ام لولولي ترى الجنين يوم يكبر يصعب عليهم يشوفون نوعه
استهدي بالله وروحي تحمسنا وانتي ماتحمستي


يالله السونار وما ادراك ما السونار خصوصا يوم تتمنين شي وتخافين يطلع العكس وكله كوم هي تقولج ولد وانتي شاكه لآخر لحظه 😂😂


ربي يفرح المنتظرات ولد ويذوقها فرحه الولد يارب
يوم صار عندي ولد تصدقون ماحسيت باي فرق انا من محبين البنات أساسا وعندي بنوتين فديتهم ربي يرزق كل من تتمنى بنوته ببنوته عسل تونسها
احس اكثر ناس فرحت بالولد اكثر عني زوجي وولده وامي 😂
وزوجي صار عنده عنصر ذكوري فالبيت لانه زوجي مطلق وعنده ولد بس عند امه والولد كان ايام ماجبت ولدي عمره عشر او ١١ ناسيه من فرحته زارني فالمستشفى ويبشر كل حد جاني اخو 😂فديته ربي يحفظه ويخليه لخواته سند


قصيه قصه حياتي 😘

طينه
كللوووووووش اخيرا ختنتي جابر فديته
يالله كلها كم يوم ويكون بخير
انتي ختنتيه بالحلقه تراها تاخذ كم يوم وتطيح

صباح الخير
جنى وغلا انشالله اللبس يكون لولدك 💙 انا بصراحة صارت تلفتني ملابس الاولاد رغم انه حقت البنات احلى 😍 ولما الاقي لبس شوي تحسيه ولادي بس يجي على بنت باخد صراحة لبنتي وما اخلي في قلبي حسرة خخخ


اغاني الشتاء اجل من كلامكم عن اللزوجة اتوقع زوجي ماشالله ماعنده لزوجة ابدا ممكن المشكلة عنده في الحركه او انه لاقدر الله نطفه اغلبها انثوية وممكن المشكلة عندي انا بسبب تبويضي المتأخر الله اعلم


اتجاه الخير وام الحب عيشتونا معاكم لحظات حلوة بقصصكم عقبال اجي اقول قصتي وانه جاني ولد بعد بناتي🤩🤩


بدوشة يارب انك ترزقها بنواف وتفرح قلبها 💙💙

ابلة تاريخ بانتظار البشارة انا كمان موعدي اليوم والله يطمني على بنوتتي

صباح الخير اخواتي او مساء الخير
ادعوالي احمل هالشهر بالذكر الصالح السليم المعافى
والله يرزق الجميع صلاح الذرية وبرهم وهذا اهم من بنت او ولد بالاخر
الحمدلله دائما وابدا على نعمة الامومه الحمدلله ❤️