ياعمري الله يعطيك العافيه 😊
انتظر تجربتك 😊
متى مافضيتي 😃

ماشاءالله تبارك الرحمن الله يحرسك وعيالك😍😍😍

والله شجعتيني مرررره وبديت افكر جد اي فرصة يفر ماراح افوتها

انا اللي شوي شايله همه واحد من عيالي الله يصلحه وضع معدته من شهور وانا مالقيت سبب الترجيع يرجع نافوره واعتمدت الاكل اكثر من الحليب يعني كوده يكون اثقل ويركد على المعده والحمدلله اموره تمام لكن دايم اخاف من الحليب اني اعتمد عليه كثير

هل عيالك في السفر اعتمدتي على الحليب ولا تعطينهم اكل ..اقصد كوجبة رئيسيه مو سناك؟؟

واذا تمشيتو وهم في العربيه مايغفون مع الدوران؟
لاني متخوفه من هالغفوات انهم يخربطون نوم الليل
وش سويتي لتدارك هالامر؟


انا صراحه جالسه اقنع زوجي اننا بنقدر نسيطر على الوضع ان شاءالله وهو يقول بيهبلون بنا مايصلحون الا اذا كملو ٣ سنوات

فلو اقتنع ورحنا بهم بيكون الشي في وجهي لو صار اي خربطه😁😅
لكن احيانا اقول ماعليه اهم شي نجرب مو معقوله اجلس مربطه لين يكملون ٣ سنوات وبنتي ياعمري نفسها تسافر

بس جد الله يعطيكم العافيه مررره عطيتوني امل اني باقدر وبنسيطر على الوضع


طيب الكرسي حق المطعم او الكوفي مايطفشون اذا طولو فيه؟
او ماتحطينهم الا اذا جا الطلب بحيث تستغلين الوقت؟؟

صباح الخير
تجربتي ياطويلة العمر انا إنسانه حتى هنا اودي بناتي معي خلاص تعودت عليهم احب اطلع معهم الله يحفظهم
يوم قررت اسافر كنت مفكره أخذ خداماتي معي علشان ارتاح ومنها اخلي الخدم يستأنسون ويغيرون جو بعد 😂
كنت مفكره اني اقدر اسوي لهم الفيز اونلاين قالوا لا الجنسيه الفلبينية لازم سفاره وتقعد كم يوم وانا سفرتي خلاص حاجزين قال زوجي خلي البنات قلت والله ماخليهم وامي بعد قالت خلي وحده منهم عندي قلت اسفه يا يروحون ثنتينهم او يقعدون بس خلاص عزمت اوديهم طبعاً اهم شي عندي احجزي بزنس اوسع وأريح لكم لانه اذا اقل من سنتين مايعطونهم كرسي يقعد في حضنج ان بغيتي تتمدين تمددتي وان بغيتي تنامين نمتي
خذيت طياره الظهر قعدتهم من النوم بدري ورحنا المطار
حطيت لهم بالشنطه سناك والجوال حملت لهم أغاني ومقاطع يشوفونها اقلاعنا كان بعد صلاة الظهر يعني قريب وقت قيلولتهم اول مابدت تتحرك الطياره ناموا الحمدلله ثنتينهم وحده منهم خذت لها ساعه ونص او ساعتين والثانيه طوووولت لين باقي على الهبوط ساعه يمكن في الطياره شلون تصرفت معهم ماقيدتهم اعرف بناتي اذا شافوا حد غريب بيرجعون لي خليت وحده منهم تتمشى طلت في وجه واحد صاحت ورجعت عندي وماعاد تحركت والثانيه اول ماقامت من النوم المضيفات كلهم تجمعوا عليها ويشيلونها ويودونها معهم الحمدلله ربي سخرهم لنا طبعاً فيه وحده مب منتبهه انهم توام بسبب الاختلاف في كل شي جاتني تقول فيه بيبي لابس نفس اللبس قلت بنتي الثانيه 😂توأمها
المهم في الطلعات بحدد لج الإماكن وبقولج شلون تصرفت الملاهي اللي هي مدينه الألعاب اعطيهم حقهم اخليهم يمشون يتحركون عن خاطرهم شوي مستحيل امسكهم طول الوقت أخذ لهم دايم اكل معي في كل طلعه
في المطاعم والكوفي معي يااحطهم في عرباتهم او اجيب الكراسي المخصصة لهم في المطعم وأحطهم والله اني اذكر دخلت مطعم كل اللي فيه يشيلونهم ويحبونهم ويجيبون حلويات عاد نقطة ضعف بناتي الحلويات بالنسبه للأكل أحط لهم يا من الأكل اللي أجيبه معي لهم او اطلب لهم شي مثلاً فرايز او لو فيه ماش بوتيتو او شوربه
المجمعات مانزلتهم ابد ابد من العربه
المتاحف مثل ماخليتهم ينزلون بعد يكسرون شي وش بيسكتهم يمكن يسجننونا 🤦🏻‍♀️
السياره كنّا مستأجرين سياره مع السائق السيارات اللي تجي واسعه كراسيها متقابله احسن لهم والله يتحركون على راحتهم وواسعه
النوم كان أسهل شي علي في السفر الحمدلله نومهم منتظم ينامون بالليل وطلعاتنا كلها الظهر يا أقعدهم الصبح بدري واريقهم وأبدل لهم وبعدها اخليهم يأخذون لهم نومه او اخليهم ينامون لين قبل الطلعه بشوي وخلاص نطلع ماينامون يكونون شبعانين نوم ونرجع البيت مع وقت نومهم والحمدلله صدق فيه تعب وفيه بس تقدرين تسيطرين عالوضع اذا إنتي حابه ومتقبلة فكرة السفر
عيال خواتي اكبر من بناتي أعمارهم ثلاث سنين وطالع اذا سافروا مزعجين وحنانين وكل شي يبونه ولوعة كبد وكل شوي واحد فيهم يبي الحمام فا اتوقع اسهل الأطفال في هالسن إنتي متحكمه فيهم

اللي خرب علي السفره مرض بناتي وحده منهم تعبت ودخلوها المستشفى وكنت برجع رفض زوجي لانها تعبت وايد
وماعندي مشكله اسافر مع بناتي مره ثانيه باْذن الله
بس في حالة بسافر المالديف او اليونان 💆🏻‍♀️💆🏻‍♀️بخليهم عند امي هالاماكن للاستجمام ماتنفع لهم 😂😂😂

بالضبط مثل ماقالت ام سعد نومهم بوقت السفر ممتاز و تقدرين تسيطرين عليه بسهولة ،، عن نفسي والله ماعانيت من هالناحية ، لان ننام بدري و نصحى بدري و نطلع نتمشى عالظهر يكونون دايخين ارجع الفندق أبدل لهم و اغديهم و كلنا ننام ساعه ساعتين بعدها نطلع الى الليل ،
ام لميس والله اقولها لك هالعمر بالسفر عندي ارحم من عمر سنتين و نص و ٣ سنين و ٤ لان بيطفشونك و يملون من المكان بسرعة ،،
بالمطاعم دايم نروح مطاعم راقية عشان مايكون فيها زحمة و اذا شفتهم ملىوا من الكراسي أنزلهم شوي يمشون يتحركون و اصلا مايروحون بعيد لان مكان جديد عليهم تشوفينهم بس حوالينك يخافون ..
بس وقت نطلع من المطعم مستحيل أنزلهم من عربيتهم حتى احيانا وقت نبي قهوه ومراح نطلع وحنا نتقهوى ، اخليهم بالعربية و اشغل الايباد على شي يحبونه و اخليه على الطاولة يتابعونه
انصحك من كل قلبي سافري و انبسطي 🙏🏻💛

بالنسبة للحليب و الاكل لا تعطينه حليب و اخف عليك الاكل ، و لان الحليب مراح يجلس ببطنه فترة و مراح يشبعه مثل الاكل ،،
انا ايش اسوي اعطيهم الفجر حليب و ينامون لحد وقت طلعتنا الساعة ٩ مثلا افطرهم معنا اَي شي سوا نفطر تحت او بالسويت و يشبعون ، و خلاص عليها الا الغداء نتغدا و كلً مطعم فيه أطباق تنفع لطفل ، مثل رز ابيض مع ايدام خضار خفيف بدون توابل او مكرونا او اَي شي لان بِسْم الله عليهم كبروا عادي ياكلون من أكلكم . و اذا صرنا بكوفي نطلب لهم عصير فرش ،،
انتي لا تفكرين من هالناحية سهالات والله 💛