غريبه والله ...يوم نروح ندور رحنا لكذا شركة نفس الكلام حتى زوجي قال لهم انا ابيها عشان الاطفال ولا قالو له ان فيه خدامات للاطفال !
حلو ماشاءالله عليك الله يبارك لك فيها ويسخرها لك ولعيالك
انا استقدمت شغالتي وانا حانب وجت في نفاسي وعلى قولتك جبتها جديده ماقد اشتغلت لكن غثتني كم مرة تقول باروح...مره راسها يوجعها وتبي تروح والمره الثانية اللي اصرت اصرار قوي غلى الروحه يوم جا اول صاروخ ع الرياض قالها زوجها خلاص لازم تجين...
والحمدلله عوضني ربي عنها سرلانكية حليوه..قلت خيره سبحان الله يمكن ذيك الفلبينيه ماراح تتحمل طفلين مثل السريلانكية
عاد بتروح نهائي بعد العيد...الله يعيني ع المسؤوليه ويقدرتي استغني عنهم يارب😌
غريبه والله ...يوم نروح ندور رحنا لكذا شركة نفس الكلام حتى زوجي قال لهم انا ابيها عشان الاطفال...
بماانك موظفه ممكن تتعاقدين مع شركة تجيك كل اسبوع مره لتنظيف البيت ..هالشي بيشيل عن خدامتك كثير يعني حتى لو عندها تنظيف ماراح يكون قوي بحكم انه اسبوعيا يتنظف عميق يعني بيصير تنظيف حق غبرة كل يوم ...وخاصه ان حتى طبخ ماعندها..واذا انت دوامك مو طويله ساعاته اعتقد بتقدر تنتبه للبنات على بال ماترجعين يعني الصباح غالبا نايمين اذا هم من النوع اللي ينوم الصبح
عموما اذا انت جدا تتمنين انك تستغنين..يعني ماعندك مانع تبذلين شوية مجهود عن وضعك الحالي فاتوقع بتقدرين باذن الله
وخاصه اذا انت من النوع اللي مو كثيرة طلعاتك يعني يمكن الطلعات بتحتاجين احد وراهم الا اذا انت ماعندك مانع تعاونينها عليهم..
انا صراحه احس بقيمتها القوية اذا طلعت فعلا احس تشيل عني شي كبير مع اني اتابع باستمرار وين هذا ووين هذا وهالنقطه اللي عارفه اني بافقد الشغاله فيها جدااا... لكن متفائلة اني راح اتخطى هالعقبه باذن الله وهي فترة وبتعدي ان شاءالله ..كل ماكبرو كل ماكان التعامل معهم اسهل باذن الله ثم بتفهم طريقة التعامل مع كل مرحلة والوعي بالخصائص النمائية لك مرحلة...وخاصه انا الفترة الاخيره الكم شهر الاخيره صايرة ماسكه عيالي تمام يعني اكلهم ترويشهم تغييرهم تنويمهم هي ممكن تساعدني لكن تكون تحت عيني وباشرافي...لاني احس براحة ضمير تجاههم وخاصه اني مو موظفه يعني مضطره اطلع...فخسيت انه اهمال مني لهم لما اعتمد عليها في عيالي نظافتهم واكلهم وحتى لعبهم...مع انه مجهود كبييير لكن والله انه له لذه عجيبه وراحه نفسية واحساس فعلا اني ام مو مقصره معهم وغير كذا مابيهم يتعلقون فيها وهي بتروح...وبعد ترى هالمجهود يساعد على الرشاقه والمحافظه على الجسم😁يعني انبسطو وانتم تبذلون مجهود معهم نفسيا وجسمانيا😍😍لاتفوتكم هاللذه😊😍
انا اللي شوي يضايقني كلمة(الله يعظم اجرك ويصبرك)اللي اسمعها من الناس حتى لو بحسن نية عارفه...يقولون لي هالشي وانا عندي خدامه اجل اذا راحت وش بيقولون😁...لكن انا جالسة ادرب نفسي واقنعها اني الحمدلله قطعت مشوار طويييل في العناية بهم والمجهود اللي ابذله معهم وكل ماكبرو كل ماخفو بالعافيه باذن الله فلازم مااتاثر باالي اسمعه وهكذا..😊
لكن شوفي اذا انت تقولين ابي ارتاح تمااااما وماعندي استعداد ابذل مجهود زياده والحمدلله ماشاءالله تبارك الله قادره تجيبين ثنتين فتوكلي على الله وجيبي واستمتعي بنعمة ربي عليك الحمدلله