السلام عليكم جميعاً
صباح الخير لمن عنده صباح ومساء الخير للي ممسي..
سامحوني ياجماعة عالانقطاع بس مريت بظروف وبعدها ضيعت الباسوورد وتعيجزت أسوي جديد وسبحان اللي الهمني اياه امس..
بس دايم اقرالكم واتابعكم
ام سعد ياعمري شلونك شلون الجميلات؟ لميس حبيبتي كيف العرسان؟
غاليه شلون عيالك بشريني عنهم ياعمري الله يكون معك ويعينك يارب..سهالات باذن الله
العنود ولكم باك كم صارت اعمار اولادك؟ بدوا يحكون؟
وحشتوتي جداً
ام سعد باعلق على موضوع الشغالات..انا ماكان عندي الا وحده وانا موظفه دوامي من ٧:٣٠ الى ٣:٣٠ هذا مع ساعة الرضاعة وبدونها الى ٤:٣٠ ((الله يبدلني خيراً منه))وبيتي دورين وماكانت تلحق المسكينة وشانت نفسها وهي اساسا ماتبي الا بناتي..فا اضطريت اجيب ثانيه لاني اجي من الدوام تعبانه واصلي واخذ البنات من المربية شوي واخليها هي ترتاح وتاكل عشان ماتطفش لانها طول ماانا بالدوام معهم ماتقدر حتى تاكل احياناً وبعدين اخلي حقت البيت تقطع وتجهز للاكل وانزل اطبخ واكل وانومهم ٩:٣٠ او عشر واتروش وبعدها ماادل فراشي من النوم..
بالله وحده زيي شلون تعيش على شغالة وحده؟ مع اني ماكنت مقتنعه بثنتين بس مو مقتنعه استغني عن الشغاله سواء موظفة او لا..واعتقد كل الموظفات كذا الحين انا اتمنى اطلع ٢ الظهر ولا وحده الظهر عشان انام لي ساعتين واصحى اطبخ وانا مروقه وارتب شكلي واصلح شعري وتبيني استغني عنهم 😂 هذا على فكرة الثانية حقت البيت تحوم الكبد وتسحب رجولها وتتصدد عن الشغل وراعية جوال ذبحتنا فيه بس لا امرتها تنفذ وهادية ونظيفة..وعشان كذا اقول هي ولاغيرها
وماراح استغني عن ولا وحده سواء هاللي عندي ولاغيرهم لين يكبرون بناتي ولو الله رزقني باخت ولا اخو لبناتي بيكون عندي رضيع وتوأم بعمر اللعب والركض الله يصلحهم ويحفظهم..
عموماً ترا موضوع الشغالة ماينسأل فيه..لان الناس قدرات وظروف وناس تحب الحركة وناس تحب الراحة..انا شخصياً افضل تكون عندي شغاله واروح اتحرك بالجيم واغير جو😅 بس الله يرزقني الوقت يارب..وبس والله
وحشتوني ووحشتني سوالفكم والله
السلام عليكم جميعاً
صباح الخير لمن عنده صباح ومساء الخير للي ممسي..
سامحوني ياجماعة عالانقطاع...
يصلون معي صلاه غريبه وحركات شقلبه واذا سجدت يرفعون راسي يشوفون وش فيني 😩😩😩
ولا ينسدحون عالسجاده ولا يدشون تحت الجلال وتروح الصلاه هواش واشيلهم علشان اسجد ويقعدون في حضني الله يصلحهم
فيه مشكله أعاني منها صرااااحه ابي حد يفيدني اَي اكسسوارات في البيت مايخلونها يشيلونها جننوني كسروا الدنيا وشاريه اللحين زينة رمضان وماخلوني احطها كل ماحطيت شي صار شغلهم الشاغل هالشي لين يا ينكسر يا اشيله وخلاص الزبدة هل كل اليهال كذا ولا بس بناتي 🌚🌚
ابي بيتي مرتب وهم الله يصلحهم حايسين الدنيا
وشي ثاني وحده من بناتي كل شي تحطة بالزبالة تكرمون جوالاتنا مفاتيح البيت والريموت وحتى رضاعتها 😂😂
والله صرنا بس ننبش نشوف وش قطت والله وبدون مبالغه انه كل يوم تحط شي داخلها حتى اذا جيبنا بيت هلي تأخذ اغراضهم وتقطها 🤦🏻♀️🤦🏻♀️ضيعت مفاتيح بيتي اتوقع قطتها وشلو الخدم الله يعزكم الزبالة مانتبهوا
وش هالطبع اللي طايحة فيه مادري 😭😭