Rfvf808 :

صباح الخير صبايا 🥰 وانتهت رحلة وهن على وهن ... الحمدُ لله حمدًا يدثرني عمقا حتى يرضى فأرضى ♡ الحمدلله على تباشير أفراحي وعسري حين ينفرج اليوم ولدت ورزقني الله بفضله ومنه باجمل توام اللهم احفظهم ♡ وهذا الاكشن الاول في اكشنين عندي 🤭 يوم الاثنين رحت اليوم للموعد في السونار طولوو فيني ولا عطوني ولا معلومه 😢عادتهم المهم موعدي العصر شاف الدكتور نتائج السونار الي صار وزن الجنين الاول الي في راسه ماء كيلو و٧٠٠ والدم مايوصله 😩😥 ووزن الثاني ماشاء الله كيلوين و٥٠٠😍💕اسم الله عليها حولني مستشفي سند 😭 يقول الحضانه حقت الاطفال فيها مايكروب ومقفله 💔 لانو كلم قدامان وحاولو بس استقبال التنويم مارضو .. مايدخلون احد لا الطواري ولا تنويم فيها عشان كذا حولني قلت والدكاتره شاطرين ان شاء الله انا كان ابيه هو يولدني 🤭قلت يلا خيره عاد بتنوم اليوم عندهم اتوقع بيسون تحطيط قلب للاجنه وابره رئه وينوموني يراقبون لين الولاده ماحددو لي ابد تاريخ معين الله يستر 👀🔥،،عاد مع ابر السيوله والاسبيرين وماوصله الدم 😭💔تقطع قلبي لاحول ولا قوه الا بالله،، لاحول ولا قوة الا بالله ،، لاحول ولا قوة الا بالله ،، انا في خوف كتير الحين بنات شجعوني يبعد عني الخوف والقمطه 😂🤣 الله يشفي لي جنيني ويعافيه ي رب دعواتكم لي ولاجنتي رحت الاثنين الساعه تسع الا ثنتين يدورون لي سرير زحمه حتي هو الله المستعان من امس ماقدرت ادخل م عندي نت 😥 اي صح لما رحت سند عطوني ابره رائه وخططو الطلق لي ٤مرات بين ساعات متفاوته 😩 تعذيب ذا اخر مرا جوني وانا توي نمت ساعه او نص ساعه قالو بنسوي تخطيط وصار عندي طلق 🤣شكلها من القمطه واحاول اقوي نفسي وانا اسمع الي حولي يصارخن ثم تسمعين نونو يصيح تبيني اسمعهم وادعي وخايفه اقول الحمد لله بسوي عمليه مع انو تقول ممكن طبيعي قلت مافيه ابي قيصري 😭😂حلمت في البيبي حقي التعبان انو انولد قدام عيني مدري كيف وكنت ابي اشوف بس اشوف راسه وجسمه مغطيه الماده مدري حلم من التفكير بسم الله عليهم كلهم المهم انو حاطيني تحت الملاحظه ويراقبون وضعي الرحم انفتح واحد ونص سانتي والمغص والتحجر محتمل جدا مو مثل اول ومعي وجع بظهري كله من كتوفي لسفل ظهري بس والله ادعمكم بالصور ولا كيف 🤭🤣🥰💕 صحيت من النوم المتقطع ع صوت صراخ حريم ونينهم 😭ثم صوت بيبي والله اني ادعي لهم وانا خايفه مرا يرب مايصير لي كذا مثلهم يمه المهم جتني الصبح تقول بنعطيك ابره الرئه الثانيه و بعده ب ٢٤ساعه بسويلك العمليه لانو طبيعي مايمدي احط لك طلق قلت لها من قالك ابي طلق ولا طبيعي 🤣 عقب الي سمعته الفجر انهبلت تضحك المهم ماودي هي تولدني ابي دكتوري او رجال شاطر 😩 ولدي الي كان راسه بالحوض صار في صدري هههههههههههههههه وبنيتي نزل راسها تحت بس مو في الحوض بضلوعي 😩🌚💔 اه مغص ابد مافي بس عندي وجع بضهري طار المغص من الخوف 🤣😭😩 مصدعه وابي انام اغمض ١٠-٢٠دقيقه واقوم الا الفجر نمت ساعتين الحمد لله وعليها غفوات ،، اتوقع ولادتي بكرا عشان الدم مو قاعد يوصل للجنين 😥 المهم ماكمل بكرا هي قالت ٢٤ ساعه بس الي صار من ١٠وهم يجهزوني ومن جيتهم مجوعيني عشان العمليه وفجاء فجاء الساعه ١١:٥٠ ولدت الاول ١١:٥٣ الثانيه وخيطوني تقول تجميليه من جوا مادري قلت مو كبس قالت لا احلي من الكبس و يذوب الخيوط من حاله قلت ان شاء الله عاد بقرا عنها ههههه جديده ذي المهم من قبل ادخل الغرفه وهم يدفوني وانا ارجف سالني دكتور التخدير الاسائله حقتهم وجهزوني والابره اشوا ماعورتني مرا ماتوجع محتمل وجعها بس انا انفض هههههه المهم انسدحت ونملت رجولي علطول وجت الدكتوره ودكاتره الاطفال ينتظرون والسسترات يمكن ٦ مع كل دكتور مساعده بس انا يمكن خايفه من الغرفه ولا متحمسه 💔😩 المهم يركب لي المغذي والدكتوره تشق وانا انتظر الوجع هههههه مافي وجع ابد فجا سمعت صوت بيبي يصيح بس واطي مرا ينظفونه واسمع يشفطون من فمه الما بس ماشفته ابي اشوفه ماقدرت شوي قالو هذا مشاكله كثيره وابكي بدون دموع من البنج ولا قدرت اتنفس الا اسمع صوت الثانيه طلعت بعده بثلاث دقايق وبرضو نظفو فمها ووجهاا بس ماوروني شكلها ولا شي ابد ابد كلهم اسمعهم مع نفسهم يقولون هذي سليمه بس بعد مانمت ونقلوني وكل شي ودوهم للعنايه كلهم التنفس عنذهم مش كويس الولد اقوا من البنت عشان وزنه ومشاكل الراس وكذا لما سالهم زوجي كيف راسه قالو لسه ماسوينا اشعه 🤭وش تسوون اجل يكلمون قوة الامن من يناظر حالته الضعيف المهم هذا الاكشن حقي من رحت لموعدي المعتاد الا ان ولدوني فجاء اللهم لك الحمد عاد اليوم يبان معنا ايش يصير لحالتنا وبحاول انزل اشوفهم 😭😩متوتره من ذا الحظه 💕 الاكشن الثاني 💔 عيالي بالعنايه المركزه الولد بين يد ربي استودعه الله الله يحفظه ويقر عيني بشوفته صار حالته اقوا من الي يقولون الدكاتره الحمد لله ع كل حال عايش ع التنفس صناعي التشوه مرا مرا شكله يقطع القلب الشفه الارنبيه الي فيه مشوه شكله مرا مافي ارنبه الانف ولا لثه الله يشفيه ويعافيه ي رب راسه للحين ماسو له اشعه جسمه يقولون عنده اعاقه احتمال،، الحركه بس شفته امس احس حس فيني ودمعت عينه يوم سمعني اتكلم ي ربي يشفيه ويعافيه وحرك يدينه ورجلينه ابي اركز بس معد تحملت البنوته ان شاء الله اسبوع وتطلع باذن الله كان عندها صفار والتنفس وزنها صار بس كيلوين الحمد لله ع كل حال لولد كيلو و١٧٠٠ هو اقل شوي بس تقريبي ي ربي يفرحنا بشوفه اجنتنا سليمين معافين

صباح الخير صبايا 🥰 وانتهت رحلة وهن على وهن ... الحمدُ لله حمدًا يدثرني عمقا حتى يرضى فأرضى ♡...

كن أنت :

ام سعد نا وحده من بناتي مازالت عالمصاصة..وقت النوم بس مافي أي استعداد للتخلي عنها الحين..ونفس الشي بس بنومة الليل تاخذها او وقت ماتكون بالمره منهارة..غيره مافي واساسا المصاصة غير متاحة باي مكان بالبيت الا بفراشها.. وماعليك من الي يقولك كبروا عالمصاصة..انتي الي بتعانين بالليل اذا مانامت..انا صار توجهي كل ام ادرى بعيالها وظروفها وكلن ابخص بحاله واطبقة على نفسي قبل الناس..الا اذا احد طلب نصيحه وقتها اتفلسف واعلمهم بوجهة نظري بالموضوع..

ام سعد نا وحده من بناتي مازالت عالمصاصة..وقت النوم بس مافي أي استعداد للتخلي عنها الحين..ونفس...