تجمع أمهات طلبة كندا (سعوديين )((مخالف عزيزتي لانه تمنع التجمعات ))

هلا
اسفه عن اللقافه لأني مو ام ولا سعوديه :D
بس انا ادرس واهلي بالسعوديه وحبيت افيدك بكم معلومه عالسريع

بالنسبه لمتابعة الدراسه كل جامعه في لها موقع الطالب يدخل رقمه ورقمه السري ويطلع كشف بكل الدرجات
اطلبي من ابنك او بنتك الرقم والرقم السري ويصير تتابعيهم في الدراسه اذا ودك

اما بالنسبه للاتصال اهلي في السعوديه مشتركين بخدمة تلفون فوناج
http://www.vonage.ca/services_premium.php?vc_lp_id=v_plans_3999&link_id=index_flash_3999
بـ 39 دولار بالشهر تقدري تتصلي على ابنك في أي وقت تحبي ولأي تلفون سواء جواله الخاص او تلفون البيت او غيره
ويصير عندك خط تلفون كندي يبدا في السعوديه بحيث ابنك يدق عليكي كأنه يدق على اي احد من اخوياه
انا ادق على اهلي تقريبا كل يوم ومن غير فواتير وحوسه وتكاليف

اما من ناحية الاصدقاء مدري صراحه كيف راح تتابعيهم بس اذا ودك واذا ابنك مايمناع يقدر يضيفك عنده في الفيس بوك وتشوفي اصدقاءه
مع انه يمكن مايرضى ويشوفها تدخل في شؤونه بس انا عندي عادي اهلي يشوفي الفيس بوك حقي
ولاتقولي ابني ماعندي فيس بوك لأنه كل الطلبه عندهم وكثير من الانشطه الجامعيه تتم من خلاله

بالنسبه لتفقد دينهم اذا صار عندك تلفون فوناج تقدري تدقي عليه باي وقت وتقدري تصحيه لصلاة الفجر او انك تتصلي عليه في الايام الفضيله وتذكريه بالصوم وغيره

اهم من هذا كله لاتنسي انك تستودعي ابنك وباذن الله ماراح يصيبه شر
انا حصلت معاي مواقف اكثر من مره اني كنت راح اسوي شي غلط بعدين سبحان الله ابتعدت ومتأكده انه السبب هو دعاء امي لي دايما :)


هذا اللي جا في بالي والله يحفظ ابنك من كل شر