للرفع

هلا عرايس
اشتقت لكم والله
عرايس انا بشرتي دهنيييه واستعمل خلطة النشا مع ماي الورد بس مشكلتي امل بسرعه يعني يوم يومين اسبوع بالكثير وارجع زي اول واهون اهو النشا زين ونفعني اذا استعمله ليش لان الرؤؤس السودا تخف بس اذا تركته ترجع
وبالنسبه للشعر طبعا لي الحين ماسوي فيه شي غير اني احط فيه زيت خروع بس بدون اي اضافات ثانيه

وبالنسبه للجسم مااستعمل اي خلطات الا الجلسرين مع الليمون واحيانا يعني اذا ذكرت حطيت
بس ان شاء الله راح ابدأ بالخلطات بشكل فعلي بشهر 1

الاخت اللي قالت عن الخلطه للمنطقه الحساسه ياليت تكتبينها

نوني قولي الخلطه اللي للسليولايت

ومبروك للي انضمووو

همسة مُحبة ..

حياك الله ..

أنتم مثلنا الزواج على أهل البنت ..

شوفي يالغلا .. من وحدة مجربة الزواج اللي في البيت ..

أختي يوم جت تتزوج كنا نبيه زواج كبير وحجزنا الفندق وكل شي ..

بس ظروف جدتي الصحية ما كانت زينة واضطرينا نكنسل الزواج الكبير وخليناه

بالبيت ..

بس ما كان عائلي بمعنى العائلي .. كان مختصر ..

شلنا كنبات الصالات كلها واضطرينا نطلعها برا البيت :( <<<< حووووسة ..

وسوينا كوشة وحطينا كراسي وجبنا قهوجية وصبابات وعاملات ضيافة ومشرفة عليهم ..

وحطينا بوفيه العشا وطاولاته بالحديقة ..

وسوينا DJ بس أغاني طقاقات ..

ومددنا سماعات بالبيت كله ..

والمعازيم كانوا الخالات والعمات وحريم الخوال وبناتهم والجيران وأهل العريس وخالاته

وعماته .. ولازم شوي من الحبايب والأصحاب يحضرون :)

بس كان حلو وتحسين بلمتهم على بعض ..

لكن تعالي شوفي يوم خلص الزواج ..

أنواع الحوسة والقلق والتعب عشان تشيلين كل هالكركبة وترجعين البيت لوضعه

الطبيعي ..

بتفكين الكوشة وتشيلين زينة الدرج وتنظفين وترتبين وترجعين الكنب ..

يعني تعب خرااااااااااااااااااااااااااافي ..

وبصراحة ما يسوى على أهلك يتعبون وأنتِ مبسوطة :D



وزواج الاستراحات انسييييييييييييييه .. أكره شي اسمه زواج باستراحة ..

يعني بتشيلين عفشك وتروحين (تزعبلين) لاستراحة ؟؟ ووين بتحطين ضيوفك ؟

ووشلون بتنزفين ؟؟ لا تقولين استراحات حفلات ..لاااا ..

أنا عندي مبدأ .. إذا بغيت أتبيّن للناس يا أتبيّن لهم بشي يواجه ويبيض الوجه ..

أو أخليه مختصر أحسن ..


والزواج الكبير بصراحة هو اللي تحس فيه العروس بفرحتها .. والأهل ما يتعبون فيه

كثير مثل ما يتعبون بالزواج المختصر اللي بالبيت .. لأن أمك بتشيل هم ضيوفها اللي

ببيتها .. بس إذا صار كبير بتشيل همك أنتِ ..


حبيبتي .. شوفي نفسك وش تبغين .. تبين زواج كبير تعزمين فيه صديقاتك وأصحابك وأهلك

وكل اللي يعزّون عليك وينبسطون ويستانسون .. ولا تبين زواج ما يحضره إلا قرايبك اللي

قلوبهم عليك ومتعودة عليهم ..؟؟

شوفي رغبتك و(استخييييييييييييييرررررررررري) ..

وبعدها كلمي أبوك بهدوء .. تقبّل الموضوع ووافق كان بها ..

ما وافق وتمسك برأيه فنصيحة من أخت تحب لك الخير لا تزعلينه ولا تسوين شي

مو راضي عنه .. أنت بحاجة لتوفيق رب العالمين بزواجك .. لا تزعلين أبوك منك لسبب

تافه .. واطلعي من بيته وهو راضي عنك .. :)


والله يوفقك ويسعدك ويحقق لك اللي تتمنينه ..

بنات مين مثلي دبدوبه خخخخخ
ودي اسوي دايت بس كل مايجي يوم اقول اللي بعده
ابغي وحده مثلي عشان نساعد بعض

مشمش ..

دبدوبة يعني كم وزنك ؟

عشان أعرف وش كثر تبين تنزلين من وزنك ..

أنا ودي أنزل من وزني 5-7 كيلو ..

وعندي كريشة صغنوووونة ودي أوخرها ..

وعارفة إنها ما راح تروح إلا بالرياضة ..

وبصراحة ما ودي أبدا بالرياضة .. لأنه الرياضة إذا بديتيها لازم تستمرين عليها

وإلا العضلات اللي بتبنينها بتتحول إلى تراكمات دهنية إذا تركت الرياضة ..!

أنا وزني 51 كيلو وطولي 156سم ..

ودي أنزل إلى 45 على الأقل ..

مع إنه شكلي مو دبدوبة بس أنا ودي أنزل لأني أحس إني مو زي أول ..

ودي أنحف .. :(

لو بس أسكر فمي شوي وأمشي كثير كان راحت ..!