كاسة بالنسبة لموضوع الاكل

اولا لازم بعد ما يكملو ال 6 اشهر
لانو هلا يعتبرو 5 اشهر وايام
منظمة الصحة العالمية بتكتب على اكل الرضع بعد الشهر السادس

بالنسبة للاكل بس تبلشي فيه
بتبلشي بالخضار
او بسيريلاك الارز

طبعا مفروض لما تبلشي
تكون ملعقة واحدة بس
وبتكرري هاد الشي على مدى يومين تقريبا
حتا تتاكدي من عدم وجود اعراض معينة

اولها الحساسية
انو الطفل ما معه حساسية من هاد النوع من الاكل
اعراض الحساسية بتكون على شكل بقع حمرا بالجلد
او تنفخ الوجه و االاطراف
او فورا بصير معه متل اعراض الربو لهتة

لو صار معه اي عرض من الاعراض بعد اخده لهي الاكلة
فورا بتوقفيها
تانيا بتاخدي على الطوارئ بدون تفكير
لانو الحساسية ممكن لا سمح الله لو انتشرت بالجسم تسكر المجاري التنفسية مع تنفخ

طبعا هي حالات نادرة بالاكل اللي رح تجربي بعمرهم
لكن يبقى الحرص واجب

الاعراض التانية اللي بتخليكي توقفي هي الاكلة
انو مثلا تحسي انمغص منها
بكي كتير بعدها
تغير لون البراز بشكل واضح وبرائحة كريهه و انتي بكرامة
هون بتكون ما ناسب معدته
ايضا بتوقفيها
لكن بهي الحاله بتوقفيها فترة و بترجعيلها بعدين كمان شهر تشوفي تقبل معدته الها

طبعا بعض الاطباء بفضلو تبلشي بالخضار و بعضهم بفضل تبلشي بالسيريلاك
انتي وراحتك

لما تبلشي وتشوفي انو هاد النوع ناسب الطفل
بتكملي عليه بعد ايام مافي مشكله وبتزيدي الكمية لو حابه
بس اهم شي مو كمية كبيرة لانو المعدة لسا ما تعودت
زائد ممكن يسببلو مغص

والنقطة التانية المهمة
انو مثلا قررتي تبلشي بنوع جديد ما جربتيه سابقا
لا تخلطي بشي تاني
لازم يكون لحاله

حتى متل ما قلتلك تتاكدي من موضوع الحساسية

لو مثلا ناسب ابنك وكل شي فيكي بعدين تخلطي بنوع تاني وتعملي شوربة او غيرها من الاشياء

الخضار اللي ممكن تبلشي فيها
الجزر و الكوسا و البطاطا

والسيريلاك اللي لازم تبلشي فيه هو الارز
بعده بشهر ممكن تبلشي بسيريلاك القمح

ولازم يكون عندك معلومة انو بعض الاطفال بكون عندهم حساسية من القمح
مشان هيك بتبلشي بالارز

نقطة ايضا مهمة انو يكون الاكل مايل للسائل اكثر من الصلب
يعني مائع
وبتخلطي على الخلاط
لانو ما عندهم اسنان يهضمو الاكل
وبالبداية مومتعودين على الاكل
فبتلاقي موضوع البلع صعب
فلازم يكون اقرب للسائل

كل شي اسلقيه سواءا البطاطا او الجزر او الكوسا وبالخلاط اضربي
واعطيهم ياه

طبعا ممنوع اضافة الملح بعمرهم
لانو بزيد فرصة حصول مرض الضغط
لانو جسمهم ما بتحملو

ممنوع اضافة السكر
لانو بزيد احتمالية مرض السكر

وممنوع اضافة البهارات
اتزكري هي التلات نقط


لا تقولي انا ما عجبني طعمه رح حط عليه
هم رح ياكلو شو ما كان
وهاد الشي رح يساعدهم على تقبل الاكل بعدين ايا كان

بعد الخضار بتبلشي بموضوع الفواكة
والفواكة كوني حريصة فيها
لانو فرص الحساسية فيها اعلى متل مابتعرفي

فيكي تبلشي تفاح و كمثري و برتقال عصير مخفف بالماء
و ممكن تجربي اي فاكهة تانية

لكن ممنووووووووع الفراولة والكيوي الا بعد السنة

لانها معروفة بانها بتسبب حساسية عند كتير ناس حتى لو كبار

والمنجا بفضلو على الشهر التامن

والموز في اختلاف بعضهم بقولو عادي بلشي فيه بالسادس وبعضهم بقولو تقيل لا بالتامن

وانا بلشت بالموز على الشهر السابع تقريبا

انتي شوفي لو انمغصو بعده وقفي

التفاح طبعا لازم سلقه وبعدين اضربي على الخلاط واعطيهم ياه

طبعا بتبلشي بوجبه وحدة باليوم عبارة عن ملعقه واحدة
بتزيدي الكمية تدريجيا يوميا و تشوفي العلامات عندهم
بعدها باسبوعين تقريبا بصيرو وجبتين
لما توصلي ل 3 وجبات

تحرصي فيها تكون متنوعة
شاملة الخضار والفواكة والكربوهيدرات

طبعا بعض الناس بيعطو اطفالهم الرز المصري مع ميته
مو غلط يعتبر
بس بعوض عنه سيريلاك الارز

طبعا لما تشوفي قابلتيهم للاكل صارت احسن
انتي لحالك رح تتفنني بشو تعطيهم

في نقطة مهمة لازم وضعها
ممنوع العسل منع بات الا بعد السنة
لانو في نوع بكتيريا طبيعيه سبحان الله بالعسل بتعمل مشاكل بالمعدة
وبعض الاطفال اصلا عندهم حساسية للعسل
بتزيد فرصها لما يكون الطفل اقل من سنة

ايضا نقطة تانية
منوع البيض الا بعد الشهر التامن
وبالشهر التامن بتبلشي فقط بصفار البيض

اما بياض البيض فبعد السنة
لوجود حساسية للاطفال منه

طبعا البيض لازم تبلشي فيه على الشهر التامن وقبل تطعيمة الشهر التاسع ( اللقاح )
لانو لو عند الطفل حساسية من البيض ونبهتي الممرضة
رح يتم تغيير مطعوم الحصبه اله
لانو مطعوم الحصبه بتم استخراجه من اجنه البيض


تقريبا هاد غالب الاشياء اللي ممكن تفيدك
ولما يوصلو لاشهر متقدمة اكتر و يتعودو على الاكل قوليلي مشان فيدك اكتر ان شاء الله
وان شاء الله يكون كلامي واضح للكل ويفيد اي ام معنا بهاد العمر

عطر الجوري كيفك حبيبتي
الله يسلمك يا رب
عنجد وين البنات

ام البدر اي انتي

هاي صبايا اخباركم لى فتره اتابعكم ومن تجمع الى تجمع بس تو افكر ادخل لانه قبل ماعندي وقت مسوليات مع التوئم
بس لما شفت التجمع جديد قلت يالله ننقز ونشاركم هههههههههههههههه
طبعا توئمي خدج ولدتهم على 6 شهور ونص والحين ماشاء الله يدورون عرايس ههههههه
اعمارهم سنه و4 شهور
والله يرزقك كل محرومه يارب

انا هنا :biggrin:

الف مبروووووووووك التجمع الجديــــــــد وان شاءالله يهدي عيالنا ونكون انشط من الاول ..
انا دخلت قبل الفجر وما مداني اكتب اول كلمة الا ويجي ولدي ويسحب سلك اللابتوب:024:
ويحطه في فمه والله بغيت انجن منه :icon810:وخفت عليه من الكهرباء وبطلت اشغله

الحمد لله ارتحنا في شغلات كثيرة بعد ما كبروا بس المشكله خرابهم يكبر معهم :11:

للامهات الجدد ارحب فيهم معنا ..
انا توأمي ولد و بنت سنه واسبوعين تقريبا .


ماما لولي ...

المايك لك.

مبرووووووك التجمع الجديد عسولات
كيفكم وكيف كتاكيتكم
يارب الجميع بأتم صحه وعافيه

احبكم 