نسايم ليل الله يهون عيك ماعندي خلفيه عن الاعراض طمنينا عليك
وين البنات اللي مع بالشهر الرابع

نسايم ربي يحفظك ...روحي الستشفى وطمنيناعليك


,,انامعي فوق 10ايام الم اسسسسسسفل البطن وظهري وشدبالافخاذ

يجي ثواني وينتشر بجسمي ع طول اليوم اكثر من مره

اليوم عندي موعد وبسال الدكتوره الله يستر

واللي مخوفني اكثر اني قيصري وجهةاليمين بالجرح القيصري من البارح احس به

دعواتكن......

عطر تفاح

انتي قبلي ب ١٢ يوم
ع حسابي الان اني خلصت ٣٣ وع حساب الدكتوره ان لي اسبوع بالثامن 
مدري وشلون تحسب
الله يسسسسهل عليك .. انتي نفس وضعي بالضبط بس انتي حددو القيصري وانا ساكتين ما يقولون شي


نسايم ليل

كني به الجنب مايوجع يجي مغصصصص والم ظهر والحريم موب واحد يختلفون عن بعض
خوذي مسكن بندول ان مانفع ع الطوارئ ..

السلام عليكم ؟ اخباركم ؟ جيتكم بخبركم عن ولادتي طبعاا من قبل مقررين لي عمليه يوم الاحد وجيتهم السبت بالليل واناا متجهزه ومجهزه شنطتي على كلام الدكتورره علشان تنويم والصبح العمليه والمهم زوجي راح يصلح اجراءات التنويم وانا بسياره انتظره وهو من قسم لقسم ويقولون مومسجل عندناا ان المدام عندها تنويم وجاني زوجي وقال مافيه تنويم واناا على اعصابي وقلت متاكده اليوم وكلمواا دكتوري وقالهم ايه عندها عمليه بكرره ولازم تنوم اليوم ودخلووني من عند الطواررى تخيلووا بعد سااعتين واناا جالسه بسياره وبديت اخااف اكثرر ويدخلوني التنويم وعلى طوول تخطيط وضغط وسكرر وجهزوا لبس العلمياات بس مالبسته وماجاني النوم ابداا بس افكررر بغرفه العمليات لين جتني نيرس وحطت لي ابره المغذي وقالت البسي الساعه ثامن نزلك ولاده وغيرت وجلست انتظررر لين ثامن ونص تقريباا الا يجوونون ويسدحوني بسرير ويدفووني لغرفه الافاقه ويركبون جهاز الضغط فيني وانتظرر لين الساعه عشرر الايجيني دكتور التخدير ويقول لي احنا بطلعك الحين لتنويم اجلنا العمليه للظهر لان فيه حاله طاارئه الحين نزيف يغعني الى ثلاث ساعات ونزلك قلت بنفسي يمكن خيره لي مع ان ودي اولد وافتك خلاص مليت من الانتظاررر ودقواا على التنويم علشان يطلعووني فووق يمكن ربع ساعه الاتجي النيرس تقول خلاص الحين ولاده بيدخلوني العمليات غيروا رايهم ودخلووني غرفه العمليااات وحسيت بفرحه مع خووف وغرفه مليانه وانواع الازعااج وجاني الدكتور حق التخديرر قال وش تبين تخدير كامل ولا وصفي قلت ابي نصفي قال كويس افضل النصفي وجلسني وحطوا بحظني وسااده ولاتتحركين ولاحركه والابره بنهايه ظهرري والم بسيط ال يرفعوني ويحطوني بسريرر العمليه على ظهري ويركبون القسطره وماحسيت نهاائيا فيهاا المهم حطوا الستاره عند صدري مااشووف شي والاكسجين والدكتور التخدير عند راسي بس يسال تحسين بشي وانا اقوله لا واساله وش يسون وهو الله يعافيه يعلمني واحس انهم ينخشوون بس ماحس وشوو سواا وبدواا بعمليه واناا بس ادعي وخايفه مررره والا الدكتور يقول بدوا يطلعون التونزات الااسمع صوت اساله وقال مبروك البنت طلعت وكذا دقيقه الا يقول لي مبرووك الولد طلع وانااا فرحانه ابي اشوفهم قالوا يغسلونهم انتظري وينظفوون وووووووووووو ويجيبوا التونزات وهم مهدين وشفتهم وودوهم الحضانه واناا جلست يمكن ساعه او اقل بعلمليات وخلصووا وطلعووني لغرفه الافاقه وقالواا ارتاحي نامي وهم محاطيني عندهم لين احس برجوولي احركهم وبعدين طلعووني فووق وانا من قبل طالبه غرفه خاصه وجاني زوجي وجلس عندي شوي واناا داايخه ابي اناااام ونمت يمكن نص ساعه الا احس بالم وصيااح ويعطووني تحاميل ومسكناات ويجي العصرر ويجون اهلي وانا ماقدر اتحررك وصايمه من 12 بالليل ولا عطوني مااء الا المغرب وجابواا عيالي عندي واختي جلست عندي تساعدني عليهم وضغطووا علي مرره برضااعه ولا اقدر ارضعهم لان صدري تجررح منهم وممنوع الحليب الصناعي بس اترجاهم يجبون رضاعات لهم اتعبووني نفسيااا يقولون هذا نظام المستشفى الرضاعه الطبيعيه يعني جلست اربع اياااام واناا مرتفع ضغطي منهم ومن بكرره ويجيني دكتور الاطفال ويكشف عليهم الا يقول لي شفتي اصابع ولدك قلت هاه قال مالاحظتي متلاصقه الاصابع الاخيرره ويقول شوفي وانااا الدنيا تدور فينااا ويقول طلع مو متلاصقه بس متقااربه كثيرر يم بعض لازم دكتورر العظام يشوفهااا قلت طيب وخبرت زوجي واهلي ويقولوون عاادي بعدين اذا كبر ترجع طبيعيه والحمدلله على كل الحال وارتحت شووي وقال لي الدكتور احتيااط بحجز لك مووعد مع دكتور العظام بعد اسبوعين قلت اوك وطلعت من المستشفى الظهرر بعد اربع ايام وبكررره موعده وان شااء الله اتطمن وبسسسس خلصت الحتوته وسورري على الاسلوب والمتلخبط بس تدرون هذا ثاااااني رد اكتب فيه قصه ولادتي وينمسح ههههه اي سؤؤال احت امرركم وللمعلووووووميه للحين ماسميهم عطوني اسامي !!!

ماشاءالله تبارك الله
الحمدلله على سلامتك والف مبروك الله يجعلهم من الصالحين