Miracle forever :

هم اطفال وكل بنت تبغى اخت لها وكل اخ يبغى اخ له هذا شيء فطري في الانسان زي ما اولادكم يبكون وتقنعونهم بالبنات فيه عوايل اولاد كلهم وبس بنت وحده تبكي تبغى اخت ويقنعونها بالولد ترى طبيعي جداً مو تحيز للاولاد ولا البنات اللي ماعنده يدور الناقص له عشان يكمل

هم اطفال وكل بنت تبغى اخت لها وكل اخ يبغى اخ له هذا شيء فطري في الانسان زي ما اولادكم يبكون...

قارئة مثقفة :

انا ماقصدت المشاعر والرغبات الداخلية للاطفال هذي اكيد ماحد يتحكم فيها انا كان قصدي طريقة تعامل الأهل مع هذي الرغبات انتي اذا ولدك رفض الذهاب للمدرسة بتقعدي تقنعيه والا مو بكيفه لازم يروح؟ اذا رغب ولدك بشي يضره او ماعندك استطاعة انك تلبيه بتقعدي تقنعيه وانتي تبكي معاه والا لهجتك تكون حازمة؟ ممكن ابين اسبابي لكن بشكل يبين له ان هالشي ماله اختيار فيه وانه لمصلحته اكيد هذي فرصة انهم يعرفون ان مو كل شي يتمنونه ممكن يحصلون عليه هذا حال الدنيا اقول لولدي تخيل انتا رحت جهزت هدية لصاحبك وفاجأته فيها ولما شافها تضايق ومافرح فيها وقالك ماحبها ليش ماشريتلي الشي الفلاني بدالها؟ كيف تكون ردة فعلك ولله المثل الأعلى مع اختلاف ان ربي ارحم بنا ويعرف الغيب ويعرف ان بعد كم سنة اختك هذي اللي انت ماكنت تبيها حتساعدك وتحن عليك مثل أمك ومع اختلاف ان من سخط فله السخط ومن رضي فله الرضى والله جل في علاه لايضره سخطنا ولاينفعه رضانا اقعد معاه ابين له رحمة ربي بنا وانه اعلم باللي فمصلحتنا اكثر منا واتكلم معاه وانا مبتسمة وجهي كله رضا وقبول وحب بعدين اسكت وماتجادل معاه كثير فهالنقطة لكن اذا بان على وجهي الحزن عليه وكأني جايبتله مصيبة اكيد بيزعل واذا شافني احاول اقنعه يرضى ويتقبل اكيد حيزيد زعله لان يبي استعطافك زيادة وممكن يظن ان بيدك تغيير هالقدر طالما انتي تحاولي فيه يرضى هذا اللي قصدته انا عندي بنات يتمنون يجيهم اخ اقولهم دايما اطلبو من ربي هو اللي يعطي اذا اعطانا فالحمدلله واذا اعطاكم اخت فربي اختارها وقدرها وهيا احسن لكم من عشر اخوان وناوية اذا ربي اعطاني وحملت وكمل حملي (قولو آمين ولكم بالمثل) وعملت سونار وكانت بنوتة انا بداخلي حكون راضية وحامدة وانقل لبناتي هذا الشعور واذا وحدة منهم صدر منها زعل وسخط اشوفها فرصة اني اربيهم على الرضا بالقضاء والقدر والتسليم وفي الأخير اكيد هما اطفال ماعليهم اي حرج لكن احنا اللي علينا مسؤولية كبيرة اننا نستغل اي موقف حتى نوجههم التوجيه السليم ونجهزهم لمواجهة معترك الحياة وفي الأخير اسأل الله لي ولكم الايمان واليقين والثبات وان يحقق مرادنا ومرادكم على مايحبه الله ويرضاه

انا ماقصدت المشاعر والرغبات الداخلية للاطفال هذي اكيد ماحد يتحكم فيها انا كان قصدي طريقة تعامل...