سنديريلا2006 :

السلام عليكم ورحمة الله وبركاته حبايبي سويت الحقن المجهري قبل 3شهور تقريبا في مستشفى الحبيب عند الدكتورة زينب وكان السحب ماشاءالله زين وتلقحوا ماشاءالله بعد وحقنت لي 3 اجنة بس من يوم حقنة واحساسي انها العملية راح تفشل مع اني كنت مرة متفائلة بالنجاح وبالفعل ماصار حمل وغير كذا خبيت عن اهلي وهذي اول مرة اسوي عملية في حياتي ومدري وش اسوي اللحين ودي اعيدها هل ارجع لزينب ولا غيرها بس ياريت مايكون رجال كفايه تكشفنا الله يستر علينا بس وكمان ابغى زوجي تتحسن عنده الحيونات وانا التكيس يروح وشلون وكمان نجمع الفلوس لان هذيك العملية تدين زوجي ادعولي والله طفشت لاوظيفة مع اني جامعية ولابيت حلال وايجارات ترفع الضغط و24س قاعده وحيدة واذا بتطلعين الناس تذكرك بالعيال أهج يعني ولا ايه.... ومقررة اسجل معهد انجليش بس وين مدري ومين بيوديني المواصلات ازمة زوجي عنده دوام ساعوني في هالنقاط هل اعيدها وهل عند نفس الدكتورة مع انهم يمدحون البقنة بس احراج رجال والله عيبة واذا ادخل معهد فين

السلام عليكم ورحمة الله وبركاته حبايبي سويت الحقن المجهري قبل 3شهور تقريبا في مستشفى الحبيب عند...

أضواااء رماااديه :

ربي يعوض عليك ان ولي ذلك والقادر عليه عزيزتي اولا العمليه... هالشهر استخدمي مره وحبة البركه مطحونه واعجني به تمر منزوع النوى كليه على الريق لمدة عشرين يوم مكوناتها تعمل على سحب السوائل اللي في التكيسات وتنشفها هالخلطه ممتازه جدا وحده قريبتي استخدمتها والتكيس راح طبعا موجوده بالطب النبوي وكل مكوناتها امنه باذن الله ومتوفره في البيت خلال الشهر حاولي تحسنين غذائك انتي وزوجك يعني ابتعدي عن الدسم كلي سلطه وبيض وبروتين مكسرات لزوجك قدمي تقاريرك للتخصصي لعل وعسى يقبلونكم لان الاهلي استغلال درجه اولى وذاا ماحصل نصيب عيدي عمليتك في مركز ذريه البنات يمدحونه مررره وفيه طبيبات ولله الحمد وكمان بالحبيب الدكتوره جنى والدكتوره الجوهره بالنسبه للمعاهد انا ماسبق دخلت معهد بس عندك في جوجل ابحثي عن افضلهم واتصلي عليه استفسري والمواصلات اتوقع فيه باصات ربي يوفقك ويسخر لك ويرزقك الذريه الصالحه يااارب

ربي يعوض عليك ان ولي ذلك والقادر عليه عزيزتي اولا العمليه... هالشهر استخدمي مره وحبة البركه...

حـــــــــلم وتحقق :

اوكي ياقمر احجز لك انتي وولدك بس بشرط يكون صغير باخذ حريتي مابي اتغطى ههههه وقولي له لاتناظر بالحريم اصلا كلهن متزوجات والله اصحاب زوجي يبي لهم عجرة مناير الله يذكرها بالخير وبنجيب لك الدكتوره ناريمان يارب بشارة خير يارب الله يثبتهم لك يارب الحمدلله على السلامه وعقبال مانبارك لك بالحمل يارب والبويضات يسحبون كل الي يلاقونه ويكون حجمها مناسب وبعد السحب يفرزون البويضات السليمه وبعضها اكياس فاضيه ابشري حجزت لك وانقوله يعطيك صوره والتخدير ابيه يزود لي الجرعه وقت السحب لأني اصحي عمليتين صحيت وهو يسحب وحده رجعت نمت بسرعه والثانيه قعدت اصرخ وابكي وهو يقول لاتتحركين خلصنا:icon33:سبحان الله اكون ليلة السحب مانمت من الخوف والتوتر وانا ما اشرب شاهي ولا قهوه ومع ذلك اصحى وكذلك ابي تخدير وقت الترجيع صادقه والله ولأن نظرة المجتمع دائما ان العيب من الحرمه هالنظره مستحيل تتغير لو الزوج فيه مليون عله وبالنسبه لي عندي تكيس وزوجي ضعف في العدد ولزوجه وتشوهات وانتي لازم تعيدين العمليه حرام عليك تضيعين عمرك انتي الخسرانه الرجال ماعنده مشكله من ناحية العمر وحرام تخسرين بويضات كل شهر والله لولا الماده اني لأسويها كل شهر لين أحمل وتركت العسكري لأنهم ضيعو لي سنه كلوميد بس وشروطهم الي تعقد فكري زين وراجعي حساباتك حبيبتي أهم شي نفسيتك اذا مرتاحه مع الدكتوره ارجعي سوي عندها وخلي اتكالك على الله وايقني انهم مجرد سبب وبالنسبه انك خبيتي عن اهلك كلنا كذا واصلا زوجي يحلفني ما اقول لأحد وبالنسبه لتكيس للأسف مايروح:44: أنا عندي تكيس وقلت لدكتور ابيه يختفي قال الى الآن ماله علاج والله خلقك فيه تعايشي معه وقالي لاتصدقين خرابيط الحريم وتاخذين اعشاب حالتكم حساسه حتى بالتنشيط لازم متابعه دقيقه واعطاني موانع الحمل ديان35 وارتحت عليها وقال هي تعتبر علاج التكيس بس ماتعالجه يعني تنظم الهرمونات وتوقف نشاط المبايض الزايد وبالنسبه لزوجك أعطيه الزنك الدكتور وصفه لي ولزوجي قالي لك مفيد يمنع الأكسده ويحسن جودة البويضات وحبه وجده بس وهذي صورته znk znk1 والحبسه بالبيت والله نفس الحال انتي سجلي بتحفيظ قران واكيد عندهم نقل خاص والفلوس كل شهر اجمعو الي تقدرون عليه بعد ماتسددون الأقساط الله يعين نحرم انفسنا من أشياء كله لأجل نشوفهم حبيبتي هذي أعصابك انتي كاتبه سؤالك بوقت البنات نايمات وغير انه خميس اكيد امس سهرانين الله يعين تصدقين اني الى الآن كل ما اسوي العمليه كأني اول مره اسويها وزوجي يقولي صرتي خبره بالعمليات والى الآن تخافين والله غصب انا خوافه طبعي كذا:icon33:

اوكي ياقمر احجز لك انتي وولدك بس بشرط يكون صغير باخذ حريتي مابي اتغطى ههههه وقولي له لاتناظر...