أبنة عائشة :

عادي يا أختي الغالية توكلي على الله وسويها والله العمر يجري ولاتندمين الا بعدين الانسان يحاول والباقي على رب العالمين وانا كنت مثلك اخاف من الابر لكن بعد التجربه صار عادي او بشكل اصح احاول انه يكون عادي ولازم نصبر والا ماراح يتحقق اللي نبغاه ولازم نرضى باللي الله كاتبه سواء صار فيه حمل والا لا وخطوات العلاج اللي تقولك الدكتوره عليه سويه تروحين ثاني يوم تصلحين تحليل دم واشعه وبعدها تشوف اذا انتي سليمه مافيك شي راح تبداء معك الابر المنشطه واستمري معها الين ما تصرف لك الابره التنضيجية بعدين يتم سحب البويضات ويلقحونها لك ثم يتم ارجاعها ... والعملية بعون الله راح تكون سهله ولاتعقدين نفسك ولاتقولين اخاف لان خوفك ذا ماراح ينفعك ... ولاتتوترين خلي املك بالله كبير وفي نفس الوقت لاتأملين على ذا العملية حتى ماتنصدمين ... انا عن نفسي مجربتها قبل ثلاثة اشهر ومانجحت والآن استنى الدورة وراح اعيدها بعون الله ،،، اسأل الله ان يرزقنا جميعا الذرية الصالحة ،،،، ياااااااااااااارب ..

عادي يا أختي الغالية توكلي على الله وسويها والله العمر يجري ولاتندمين الا بعدين الانسان يحاول...

rose of sepetember :

أنا قريبة صاحبة المعرف وقد كتبت موضوع عن تعبي لأني محرومة من العيال والسبب زوجي ولي 9 سنوات متزوجة الحين قررنا نسوي أطفال أنابيب أو أعتقد حقن مجهري والدكتورة قالت نيجي ثاني يوم في الدورة أنا ما أعرف الخطوات وش بيصير وخايفة ارتجف وشكلي بهون انا الابرة اعاني اذا اخذتها وكل المستشفى يسمع صوتي اجل كيف بسوي حقن مجهري مرة خايفة ومترددة صحيح ودي يكون عندي عيال بس خايفة من العملية وهموم الدنيا يا ليت اللي جربت تقول هي سهلة ولا صعبة وليش الدكتورة تبيني ثاني يوم الدورة وش بتسوي وهل يتم الكشف على منطقة العورة مرررررة خاايفة تخيلوا يمكن انحرم من العيال بسبب خوفي سااااااعدوني ابي شرح تفصيلي ما احد داي وش اعاني داخلي ساااااااااااااااااااااااااعدوني

أنا قريبة صاحبة المعرف وقد كتبت موضوع عن تعبي لأني محرومة من العيال والسبب زوجي ولي 9 سنوات...

نور الرياض :

الحمدلله على كل حال اتصل فيهم زوجي الصباح وقالوا له ماتلقحت البويضات وكنت بروح لحالي لانه مسافر الحمدلله ربي اجرني في مصيبتي واخلف لي خيرا منها واكتب الخير حيث كان وارضني به شيلوا اسمي من القائمه ربي يخلف علي بالحمل السليم بدون عمليات وابر وقلق الاسبوعين واكفني شر الحاسدين وشماتة الشامتين بنات انتبهوا على نفسياتكم وهدوووووو انفسكم قد ماتقدرون انا هالمره من اول يوم من ابر التنشيط صار بيني وبين وحده الله يهديها كلام واتنرفزت وبكيت بالليل وتعبت نفسيتي وبعدها باسبوع صار لي نفس الموقف الله يهديها ويكفيني شرها الله يحفظكم بحفظه ويرزقكم ماتمنيتوا واكثر وييسر اموركم ولايجعل لاحد سبيل عليكم

الحمدلله على كل حال اتصل فيهم زوجي الصباح وقالوا له ماتلقحت البويضات وكنت بروح لحالي لانه مسافر...