مرحبااااااااااااااااااااااااااااااااااااااااا جميعا

معاكم لبانة الفراولة اللي صارت منتهية بسبب كثرة المحاولات

بعد فشل المحاولة رقم 6 مدري سبعة تصدقون نسيت

قررت اخذ بريك

ابي اسال عن دكنور معين فضة في الاردن صح موضوع السر صعب

بس بنجوف

السلام عليكم

أخباركم ياحلوين

والله داخله من الجوال تصفح فقط بس حبيت ارد على سعوديه والبنات الي يسألون عن قائمة الممنوعات والمسموحات في الاكل والشرب

انا عمليتي الاولى ارتحت راحه تاااااااامة ماسوي شي ابد ولا اطلع من البيت وبس منسدحه وبعدت عن كل الممنوعات لادجاج ولا حلى ولاشوكولاته ولا قهوه ولا شاهي وكنت اشرب مويه كثير وحليب وو وو وو والحمدلله على كل حال ماصار حمل
والمرة الثانيه
رجعت اجنه مجمده
وقررت أعيش حياتي طبيعيه زي ما قالي الدكتور قالي اهم شي لاتسافرين بيوم الترجيع ومارسي حياتك طبيعيه بدون ماتبذلين مجهود
والله اكلت كل الي نفسي فيه دجاج قهوه وشاهي وكوفي ميت بس للامانه مو بكثرة تقريبا فنجال فنجال كل يومين ورابع يوم من الترجيع طبخت بس اكل سريع وتقطيعي وانا جالسه وبعد ماخلصت طبخ أكلنا ولبست ورحت بيت اهلي
وكنت كل كم يوم اروح لاهلي وخرجنا انا وزوجي نتعشى يمكن 3 او 4 مرات بس ماكنت اروح مكان فيه درج وحركتي على مهلي وكنت اروح اماكن وجبات سريعه عشان ما أطول بالقعده
بس والله نفسيا كنت مرتاااااحه اكثر من اول مرة من جد في الحركة بركة وعدت الايام ماحسيت فيها والله غيييييير عن اول مرة توتر وقلق وتعبت من الجلسه بالبيت والسدحه وذبحني التفكير هذا كله يأثر
والحمدلله المرة الثانيه نجحت عمليتي وحملت بس ماكمل لانه من البدايه ضعيف اسلبت في 5 اسابيع وبإذن الله اذا بعيدها بسوي نفس الشي ويعيش حياتي طبيعي بس ارجع اكرر ماااااااكنت أرهق نفسي أبدا لا بطبخ ولا بخرجة حتى عند اهلي كنت اروح انسدح بحجه أني نعسانة او مصدعه المهم اطلع استانس
بالأخير لازم تكون في قناعه انه هي كلها ارزاق اذا الله راد انهم يثبتون مافي شي يمنع اذكر في وحده العام مدري قبل العام كانت بالتجمع دخلت الحمام بعد الترجيع بـ3 ايام واتزحلقت وطاحت وجات تكتب خايفه انه فشلت العمليه
ماشاءالله تبارك الله ربي رزقها بتوأم الله يحفظهم لها
انا للامانه ماتروشت الا بيوم التحليل رحت حللت قالو النتيجة بعد ساعتين رحت عالمطعم تغدينا ورجعنا البيت وتروشت
كنت اشرب حليب المراعي كوب واحط فيه ملعقة نشا اذوبها وأشربها مرة يمدحونة للتثبيت بس ماكنت كثير مستمرة شربت قبل الترجيع كاسه وكنت الايام الاولى اشرب كاسه الصبح وكاسه في الليل بس بعدين سرت أتكاسل اشرب يوم ويوم لا

ملاحظه: الاكل الي كنت اكله اي شي من مطاعم المهم بهاراتها ماتكون حارة او قوية شي عادي
أتمني أني أفدتكم ومعليش لو كلامي مخربط او في اغلاط لأني اكتب من الايفون

الله يرزق الجميع يارب
دعواتكم ان الله يعوضني بالحمل السليم 

ما شا الله شفت كثاااار حوامل بالانابيب و منهم حريم كبار و قصص تبشر بالخير

فانصح البنات ابداااااا ما يتاثر ون بقصص الفشل و كونوا على ثقة العشرات يحملون يوميا بفضل الله و العلاج بالتلقيح

حتى في المواقع الاجنبية قصص فضيعة للنجاح و اغلبيتهم فوق الثلاثينات و الاربعينات

ابدا ابدا لا تفقدون الامل

الخير جاي بالطريق ان شا الله

بنات جد بعد الترجيع ما اتروش ؟! الين متى طيب ؟
وثاني شي انا ناويه اسافر لأهلي بالطياره ثاني يوم وش رايكم ؟
الدكتوره تقول عادي لو اول يوم تسافرين سياره طياره اي شي عااااااااااااااااادي

انا موعد الترجيع عندي الثلاثاء بعد بكره اشرب حليب ونشا من الحين ؟
والحليب بارد ولاحار ؟
<<< ياكثر اسألتي خخخخخخخ

وبنات بخصوص عملية السحب مافيه بالدنيا احد خواف زيي والله ماحسيت بشي لأنو فيه بنج بس بعد العمليه الم خفيف زي الدوره بس

الله يتمم علي وعليكم ويرزقنا الذريه الصالحه عاجلاً غير اجل

الي تسأل عن الحليب انا أصبه بالكوب واغطيه 10 دقايق لين يفك عنه البراد شويه بعدين احط النشا واشربه بس قلبيه زيييين عشان يذوب النشا
بالنسبه للسفر الافضل مو بيوم العمليه ثاني يوم عادي والطياره ماتضر وحتى السياره عمليتي الي نجحت سافرت سياره كنت فارشه ورا بطانيه ومخده وكنت منسدحه طول الطريق
لاتنسون الادعيه والأذكار والاستغفار ورقية تثبيت الحمل اسمعوها وانتو حاطين يدكم اليمين على الرحم والله يرزق الجميع يارب