السلام عليكم
بنات انا اليوم ثانى يوم من الدوره ورحت من بدرى سويت تحليل طالبينه منى

عاد ماادرى متى يبدون معي الابر المنشطة وكم يوم عشان يطمونى هم يسون لى العمليه او لا والله على اعصابي خايفه
ادعو لى

صباااااااااااااح الخير بنات حواء
لي من يوم رجعت لليوم خامس يوم
اول يومين حسيت بنغزات بسيطه واليومين الثانيه ماحسيت بشي الا أرتفاع في الحراره عند النوم بس يمكن علشاني ادفاء البارح جاني الم فضيع في ضهري واسفل بطني لاني تحركت مارست حياتي طبيعي بس والله خفت من الالم
والله أكل عادي بس فطوري بيض اكل خيار اشرب نشاء مع حليب على الريق
اول يومين نمت على ظهري باقي الايام نص على جنبي ونص على ظهري
كلفتني تقريبا 1600مع الادويه وكل شي

السلام عليكم
شلونكم حبايبي
انا اليوم مدري شفيني مااحس بشي ابد احس نفسي خفيفه حيل كاني موشايله اجنه في بطني
ياربي لاتخيب تعبي يارب

طفلي احبك,,,,,, انا حملي اللي قبل كان تلقيح صناعي
بس تقريبا نفس الاعراض اللي تحسها اللي مسويه اطفال انابيب لانه ابر ومنشطات بعد

جلابيه ماركه شلونج وشاخبارج انا اول مره اخذ كورتيزون وسالت الدكتوره قلت الكورتيزون يتفخ قالن لا مووايد لانج صاحبة اجهاضات من قبل فلازم تاخذينه
انا قلت لنفسي يعني اهي وقفت على الكورتيزون!!!! الله يكون بالعون

غير الناس خلي املج بالله كبير وتوكلي على الله ولاتحللين الحين

منى777 يعني انتي اكبر مني؟؟؟ صار لي يومين مستانسه اني اكبرهم واكثر خبره... باطلع من هالتجمع وبروح تجمع ثاني هههههههههههههههههههههههههه

ام البنات..غثيان ودوخه من الحين؟؟ غريبه!! الله يكون بعونج
وان شاء الله هذا نتيجة تثبيت الاجنه

بنات تدرون ليش انا مومتضايقه ان حملت او لا
تدرون ليش اول مره تكون نفسيتي مرتفعه واضحك؟؟
لاني متاكده ان الله راح يكتب لي الخير وين ماكان انا دايما ادعي ان ربي يرزقني الخير وين ماكان ثم يرضيني به

خلوني اقولكم قصه..عاد ياحبني للقصص

انا قبل 9 سنوات حملت بتوام بنت وولد للشهر السادس وبعدين صار لي حادث وفقدت الاجنه طبعا استمريت سنه كامله ابكي كل مااحد جاب طاريهم تخيلوا الولد كان حي ومات بعد دقايق والبنت ماتت بين رجولي
الله ياجرني فيهم

كنت كل يوم ابكي واقول ياليتهم ماماتوا بعدين قالت لي حماتي عن وحده من صديقاتها عندها بنت معوقه عقليا وجسديا تقول انها كل ليل تصيح وماتعرف تنام لان سبحان الله انولدت على السادس وفيها نقص اوكسجين وصارت جذي وتقول كان معاها ولد توام لكن مات بالولاده

تقول انها كل يوم تتالم وهي تشوف بنتها جذي لانها انولدت مبكر عن وقتها وتقولي حماتي تخيلي لو اولادك مثل هالحاله؟؟
قولي الحمدلله هم الحين سابقينك بالجنه ... اللهم لك الحمد والشكر

صحيح اني حالفه غير هالعمليه ماراح اسوي... وماراح اتعالج ابد(امي تقول من عنده نثيه وذكر حمد الله وشكر) لكن ابن ادم طماع بس لاننسى ان الله سبحانه وتعالي قال(المال والبنون زينة الحياة الدنيا) فالكل يرغب بالمزيد بالذات ان عيالي كبروا ويبون لهم اخ صغير ومثل ماقلت لكم ابن ادم طماع

انا الحين اقول انا ليش سويت بروحي جذي؟؟؟ ليش متضايقه؟؟ اللي كاتبه ربي بيصير والحمدلله على كل حال

كل مره افكر لما احمل شلون بتصرف وشنو بسوي بدوامي ووين بولد وشنو بسميهم؟ لكن هالمره لااااا اقول لو ماطلعت حامل ووين بروح وشنو بسوي مع بنتي يكفي اني حرمتهم من الاجازه

ادري طولت عليكم بس ترى انا قرقه مااسكت لاتعطوني وجه ههههههههههههههههههههههه

اللهم ارزقني واخواتي المتاخرات بالحمل حملا سليما معافى يارب