هلا ام البنات ..

انا حللت ف اليوم الحادي عشر ..

شكرا لكل وحده باركت لي بالحمل وعقبالكن يااارب :)


الحين بخبركم تجربتي:


انا من يوم اخذ الابر ولين اليوم وانا اقرا سورة البقرة يوميا .. استغفر واااايد .. قياااام الليل .. الصدقه ... الالحاح ف الدعاء.. كنت على يقين كبير بكلام ربي (( ادعووني استجب لكم))

اما من ناحية الاكل والحركه.. في يوم السحب كنت شاربه ماي وااايد وكنت قبله قاريه سورة البقره ويس وايات الكفايه .. ودشيت غرفة العمليات .. رغم انهم بنجوني بس ما نمت .. شفت وحسيت بكل شي .. وكنت
ادعي ربي واااايد ..

وكان الترجيع عقب ثلاث ايام .. الحمدلله كان ف يوم الجمعه وكنت وااايد متفائله بهاليوم .. ف يوم الترجيع قالي الدكتور زوجج عنده نسبة تشوهات كبيرة وحاولنا نحصل احسن حيوانات منويه والقحهم بالبويضات .. وقالي
بس اجنتين هم احسن شي .. وقال فيه واحد ثالث بس مب لين هناك .. فقلت له رجعهم كلهم وانا متوكله ع ربي .. ف لحظة الترجيع كنت كله اقوول : ((اللهم اني استودعتك اجنتي فاحفظهم يامن لا تضيع لديه الودائع ))

الشي الحلو الي كان ف غرفة العمليات انه الدكتوره الي تحقن دايما تكون حاطه قران ف المختبر وهالشي ريحني وااايد ..

الدكنور قالي مارسي حياتج بشكل طبيعي امشي وكلي خضار واايد و وصاااني بالمااي وااايد والحليب وممنوع الجماع لمدة شهر ... فقلت له ليش اتحرك مب زيين .. فقال بالعكس قلة الحركة تمنع وصول الدم والاكسجين الى الاجنه ف الرحم .. فاقنعني واايد بكلامه وتوكلت ع ربي ودعييت بالخييره :)

الاعراض الي حسيت فيها :

طبعا كنت اتحرك واطلع ولا كاني مسويه شي ..وقلت اذا ربي كاتب لي خير ف العيال بيرزقني اياهم ف كل الاحوال .. والحمدلله رب العالمين :)

ف اليوم الاول ما حسيت بشي .. ف اليوم الثاني جاني مغص قوووي ف بطني لدرجة اني ما قدرت اتحرك ..ومن هالويع حسيت غير .. بس كنت موقنه بربي وكنت اقرا الحمد 7 مرات ع بطني مع المعوذات وادعي ربي بثباتهم ..

ف اليم الثاني والثالث والرابع عااادي ..

اما ف اليوم الخامس والسادس حسيت باعراض الدوره والم ف رجولي وافرازات بيضاء ..

اما ف اليوم السابع والثامن كانت درجة حرارتي غييير .. احس بحمى داخليه ..

اما ف اليوم التاسع والعاشر كان ظهري وااااااايد يعورني وهالشي اول مره احسه بحياتي وكنت احس بدووخه واايد .. من هالشي تفاءلت واايد

اما البارحه واليوم احس بحرقان ف معدتي وراسي دايخ وربنا كريييم :)


والحمدلله رب العالميين.. اكرمني ربي بالحمل وربي يثبته ويقر عيني بشوفته :)


انا اخذ حبوب ثايروكسين وكلوفاج واسبرين وحمض الفوليك و تحميلتين ف المهبل يوميا :) وربي المووفق :)


نصيييحة منن خوااتي .. انسو انكم مسويين عمليه وعيشوا حياتكم ... وتفاءلو دووم وادعو ربكم بالخييير .. وا وصييكم ذكر الله ما يفارق لسانكم سواء بتسوين عملية او لا :)


ربي يثبت حمل كل وحده حااامل ويقر عينها بشووفته .. ويرزق كل محرووومه ياااارب .. ويسر امووور كل وحده ف خطوات العلاج يااارب العالميين :)

واسمحوولي طووولت عليييكم :)

السلام عليكم
صباح الخير خواتي شلونكم

اخت الليل مبروك الحمل والله يثبته يارب ويتمم عليك نعمته
قاهرة الاحزان قولي حسبي الله ونعم الوكيل والله بيعوضج باحسن منه يمكن انه اجهاض لانه موطبيعي والله راحمك من هالحاله

ام البنات غير الناس ماعاد بقى شي عالتحليل!!
انا تحليلي 12/2 بس ماظنتي بقدر احلل حتى لو حللت ماراح ارجع اخذ النتيجه هههههههههههههههههههههه انتظار النتيجه اسوأ من ايام الانتظار اللي الحين
بنات انتو ملاحظين ان الايام ماتمشي؟ معقوله اليوم 24 ساعه؟ اعتقد بالنسبه لي صار يومين ونص
صرت انجز كل شي اصلي واكل واقرا وادرس بنتي واتابع الاخبار واتكلم بالموبايل والليل ماجا واذا جا الليل!! يااااليل مااطولك!!
انا ادخل من الاي فون واقرا كلامكم بس صعب اني ارد عليكم يعني انا متابعه بصمت حانا
انا اليوم السادس من الترجيع
لله الحمد الاعراض اللي تقولونها مااحس فيها خفقان دوار مروره بالفم عوار بالظهر بروده بالاقدام كتمه(مع اني ماادري شنو يعني كتمه بس اكيد انها مو فيني (: )

انا ملتزمه بالادويه لكن الراحه والانسدااااح لا ماعاد فيه
اتمشى فالبيت واجلس شوي مع بنتي اشوف التلفزيون واراجع لها دروسها
وبعد اليوم تسبحت ههههههههههههههه طفشت من ريحتي بس لاتهاوشوني لاني ماغسلت شعري

الاكل ماقدرت امشي على المطلوب اكلت دجاج واكلت من المطعم كذا مره

بعد بعد بعد شنو؟؟

بس خلاص هذي اخباري

سلامى للكل
قاهره الله يعوضج يارب
يارب ثبت أجنة أخت الليل
والف مبروك
اختى ذكريات انا جربت البرنامجين القصير ما نستعمل ابر التثبيط
وعلى فكره للتثبيط فيه نوعين فيه ابر وفيه بخاخ للانف ويستخدمونه صح عشان يعطل النشاط الطبيعى للمبيض
ويتحكم الدكتور بلعلاج

احاول اكتب ويعلق

السلام عليكم
شلونكم اليوم ان شاء الله تكونو بخير يارب
نزوكه والله وجودك وكلامك يبعث الراحه بالنفس الله يسعدك يارب
اخت الليل الحمدلله والف مبروك الله يتمم لك على خير يارب
ام البنات كم باقي على تحليلك نبى نفرح لك الله يارب يثبت اجنتك ويرزقك
اما اخبارى مافى شئ جديد للان اخذ الابر المنشطه بنفس الموعد والخميس اول متابعه للتبويض بس انى صحيت
اليوم ودرجه حرارتى مرتفعه وجسمى يرتعش برد مو عارفه هو تغير جو او من مفعول الابر اخاف الصخونه تاثر على مفعول الابر
وموعارفه ايش اسوى دعواتكم يااخواتى