مهاوو :

السلام عليكم ورحمة الله وبركاته شلونكم خواتي الغاليااات يارب بعدكم اتذكروني يالله اللي اتذكرني تجي اعطيها بووسة :39: <<<<<< خبله نفاس لاتواخذونهااا الحمد الله قدر الله وماشاء فعل جاتني ولادة مبكرة في بداية الشهر الخامس ونزلوو عيالي طبعا انا كنت مسوية اطفال انابيب المحاولة رقم 5 وربي تمم علي وحملت بتوؤم ثلاثي ولدين وبنت وكانت اموري ماشي تمااام لحد نص الشهر الرابع صار عندي قصر في عنق الرحم وسووو لي ربط وقبل ماطلع من المستشفى اخذو مني مسحة وبعدها بعشرين يوم تقريبا كان موعدي يوم جيتهم انصدمت انه كان معي جرثومه في عنق الرحم وماكلفو انفسهم يخبروني فيهاااا او يعطوني علاج بعد ماجيتهم قالو لي بنعيد المسحة وتعالي بعد اسبوع قمة الاستهتاار طيب عطونني علاج او مضااد ابد كني اكلم الطوفة هذا الكلام كان تاريخ 28-8 ويصادف يوم الاحد وموعدي اللي بعدة كان تاريخ 5-9 وحملي كان مكركب واموري صعبة واللي يتابعني دكتورات سودانيات مايدررون وين ربي حاشرهم المفروض انه الاخصائية او الاستشارية هي اللي اتابعني لكون وين الامانه المهم يوم الثلاثاء تاريخ 30-8 نزل معاي وانتو بكرامه مثل الماي اول ماقمت من النوم نزل كذا مثل الدفقة الظهر وصليت ورديت انام والمغرب نفس الشي ورحت الطواري وقعدوني لي بعد العشاء وانا على الكرسي في الانتظار واقول لهم انا ماقدر اقعد وايد مسويه ربط وحالتي صعبة دخلوني ارجنت ابد عمك اصمخ عقب دشيت على دكتور قال بفحص عليك تحت صارت عيوني كذا @@ شنو قال لازم شلون بعرف لون الماي ومن وين طالع قلت له في شي اسمه سونار قال لا مايبين قلت له طيب ابي دكتورة وحولني على دكتورة سودانية وكشفت علي ابوز البطة يالله الستر تعور بغيت اموت رجعت للدكتور قال هذا سائل مانعرف من وين روحي سوي سونار قهرني يعني بعد الفحص ارسلني للسونار ومو بكرسي لا مشي وتعرفون الطريق من الطواري للسونار المهم رحت للسونار كانو البيبيااات مافيهم اي شي يلعبون الشيوخ وامورهم كلها تماام بس الصدمة لما قاست عندي عنق الرحم قصر كثير قبل صار 3 ملي بس حتى ماخلوني انزل من السرير شالوني من السرير لي السرير الثاني ودوني للكتور وانا منسدحة قال دخول مستشفى كان يوم الثلاثاء ونوموني عندهم وعطوني حبوب مضاد حيوي يوم الخميس طلعت نتيجة التحليل حق المسحة اللي سوها لي يوم الاحد وقالوو المسحة غلط مش زراعه نبي انعيد لج المسحة قلت لهم عيدو مافي مشكلة وجابو لي دكتور جرثومه من مستشفى حمد وكتب لي مضاد في الوريد يقول اقوى من الحبوب وحطوني في غرفة العزل حسيت اني منبوذة خخخخخخ المهم جاء يوم الجمعه وانا صايمة الساعة تسع ونص الصبح جاني وجع خفيف احسب وانتوو بكرامه اني ابي اروح الحماام اول مادشيت وقعدت على الافرنجي حسيت شي مثل الهواء بيطلع من جدام اوف عقب ماطلع هواء طلع شي مثل الكوره حطيت يدي واخترعت رجعته بيدي عرفت انه البيبي وظغطت على الجرس وانا ارجف شالوني ورجعوني للسرير وجات الدكتورة تي اتدخل بوز البطة بس انا رفضت قلت لها لا بتبطين كيس البيبي مابي وقعدت اصيح قالت خلاص بدخل يدي بس اول ماخلت اصبعها لقت البيبي وطلعت وجابو لي دكتورة ثانية وقالت نزلوها غرفة الولاده قعدت اصيح وادعي ربي ونزلوني غرفة الولادة وماقدرو يوصلون للربط عشان يفتحونه عشان مايسبب عندي تمزغ في العنق وياثر على رحمي اربع دكتورات حريم ماقدرو يوصلون له لان البيبي ساد الطريق وجابو لي دكتور سوداني ورجع البيبي ورى وفتح لي الربط قال لي انتي متبطله 9 سانتي مامعك وجع قلت له ابد ولا احس بشي وخلوني في غرفة الولادة من 11 الظهر لي 11 الليل وماكو لادم ولا وجع ولاطلق وطلعوني غرف عزل جديدة طبعا هالوقت كلة ممنوع انزل من السرير تعذبت الحمد الله رب العالمين يوم جت الساعه ست ونص الصبح تقريبا قمت للحمام وانتو بكرامه ونزل البيبي مرة ثانية طبعا جزئ منه بس ونزلوني لغرفة الولادة وبعد ربع ساعه نزل كامل حي مافية شي لين قطعو الحبل السري وبعدة ظلوعه اتحرك كانه يتنفس طبعا بدون وجع كثير الم بسيط مثل الدورة وقلت خلاص البيبياات الثانية ان شاء الله يثبتون القالت الدكتورة هذي مغامرة على رحمج انتي من امس مفتوحه 9 سم معناتها فيه اللتهاب من الربط قلت لها هذي غلطتكم انتوو ماعطيتوني علاج واهملتوني قالت اللحين لازم نركب لك طلق صناعي وانزل الباقين او نغامر برحمك هم راح ينزلون اليوم او بكرة لكن حنا نخلي مسئوليتنا اذا صار في الرحم شي المهم انها وسووست فيني وقالت تبين رحمك والا تغامرين فيه قعدت اصيح وكلت امري لله وركبو لي الطلق الصاناعي الله لا يرويكم الوجع كيف قمت اتشهد على بالي اني بموت خلاص صارت الدنيا سودا ماقمت اشووف من الالم وحطو لي شي زي البخااخ يغيب عن الوعي لمدة ثواني ونزل البيبي الثاني بس الغبية السستر قصت الحبل السري قيل تنزل مشيمته ورجعت المشيمة داخل وبهدلوني عليهااا ثواني الا البيبي الثالث وكانت البنوته وهي اصعب ولادة من الاولاد هي اللي بغت تذبحني من الالم بعدها قامو دخلون يدهم يبون يطلعون المشيمة ماقدروو خمس دكاترة اللي دخلو يدهم وذبحوني وبعد ماقدروو انا خفت قلت يمكن يسببون لي اللتهابات او مصايب قعدت اصيح عشان يرحموني في الاخير هاوشتني الدكتورة تقول اني ماخليتهم يشتغلون زين ياربي عليهم انا نفس مو حيوانه تعبت من الوجع وبكرية وفاقدة عيالي قالوو خلاص نسوي لك تنظيف تحت البنج وافقت ونظفوني تحت البنج بعد كل العذاااب اللي مريت فيه اقول الحمد الله على ماجاء من الله اسفة اذا كدرت عليكم صبحكم بس حبيت افضفض شووي اللحين صار لي امم 17 يوم تقريبا من سقطت زابشركم النفسية ولله الحمد تماام صابرة وكحتسبة ان شاء الله والله لايضيع لنا تعب واجر ان شاء الله اللحين ناوية اصبر شوي لين يرتاح رحمي وارجع ان شاء الله للمحاولات والله كريم هدفي من طرح تجربتي هو اني اطلب من كل حامل تهتم في نفسها اذا عندها اي نوع من اللتهابات تعالجها ولاتصبر على عمرها لانها هي السبب الاول في الولادة المبكرة اللي حصلت لي وثاني شي تنتقي الدكتور اللي اتابع عنده لان بعضهم يفتقد الذمه والرحمة مايعرفون ولايحسون باللي مرينا فيه من تعب وعذاااب وحرمات واولا واخير انقول الحمد الله رب العالمين ولانقول الا مايرضى الله اللهم اجرني في مصيبتي واخلفني خير منهااا اي استفسار اول سؤال ياليت اتحولنه لي على الخاص لان دخولي للتجمع قليل

السلام عليكم ورحمة الله وبركاته شلونكم خواتي الغاليااات يارب بعدكم اتذكروني يالله اللي...

ألمااااسه حساسه :

مهاااااااااو لا حول ولا قوة الا بالله ياقلبي الله يعوض عليك عاجلا غير آجل ولاتزعلي صاروا شفعاء لك ولوالدهم بإذن الله يازين كلامك عن الدكاتره وانتي تحشين فيهم خخخ الله يآجرك في مصيبتك ويخلفك خيرا منها تفائلي ولاتحرميناطلاتك الحلوه ياقمر بقايارماد و ضحى وكل من فشلت عمليتها او لم تكتمل خطواتها يارب يعوض عليكم ويرزقكم من واسع فضله ليدي ليين الف مبروك ماشاء الله ويارب يتمم لك 9 اشهر فيفي و سندوسه بدأتم خطوات العمليه؟؟ بشروا انتم معي قربتم من العمليه ؟؟ مغرورتنا الحلوه ( مغروره ويابخت الغرور ) عندي ملاحظه بسيطه عن بويضاتك اللي ماتلقحت يمكن لانهم كبروها خارج الجسم ؟؟ اذا انا مو غلطانه : انتي اعتقد طبقوا معاك التقنيه الجديده قلتي لنا عنها (مدري اش اسمها ) المهم انها تنميه البويضات خارج الجسم عشان التكيسات صح ؟؟ اذا صح فاطلبي المره الجايه تسوي تنشيط طبيعي داخل الجسم بجرعات قليله في البدايه ( عشان التكيس) وبعدين تزيدي الابر - هذي حالتي والله يفرجها علينا جميعا ويرزقنا بالحمل وماندري الا والنافوره شغاله خخخخ << نافوره كنايه عن استفراغ الوحم :09: نازك تروحي وترجعي بالسلامه

مهاااااااااو لا حول ولا قوة الا بالله ياقلبي الله يعوض عليك عاجلا غير آجل ولاتزعلي صاروا شفعاء...

ليدي ليين :

شكرا لكل الحبايب اللي باركولي والفال ليكم ****لله وبطلب منكم امانة تحاسبون عليها بيوم القيامة . . طلبي منكم تدعولي بتمام الخلقة للاجنة وبثبات حملي 9 اشهر . . حبيبتي مغرورة ياليت تضيفيني لقائمة الحوامل ومشكور تعبج معانا ويارب يطعمك اللي في بالك وياليت لو في خبر عن اختنا حبيبة روحها . . والله قلبي عدها . . ودايما تروح وتجي في بالي . . انا واياها رجعنا الاجنة بنفس اليوم

شكرا لكل الحبايب اللي باركولي والفال ليكم ****لله وبطلب منكم امانة تحاسبون عليها بيوم القيامة . ....