yasmona :

السلام عليكم ورحمة الله وبركاته :( إن شاء الله خير .. كملي معاك إذا التحميلة زاعجتك حطيها شرجية بدل المهبلية وان شاء الله تبشرينا بعد العيد بخبر حملك يارب الله يسهل عليك أيام الأنتظار ويتبت أجنتك يارب ياكريم هدا الشعور اللي تحسي فيه طبيعي .... واشغلي وقتك عشان ماتجيك هده الوساوس واستغفري والله لا يضيع لك تعب [/CENTER]

السلام عليكم ورحمة الله وبركاته :( إن شاء الله خير .. كملي معاك إذا التحميلة...

انا لهادي ام :

بسم الله والحمد لله والصلاة والسلام على أشرف من خلق الله محمد بن عبد الله وعلى آله وصحبه أجمعين وعنا برحمتك يا ارحم الراحمين الحمد لله الذي بيده مفاتيح الفرج ................... يا فرجنا اذا أغلقت الابواب وانقطعت الاسباب ربي ربي ربي ............ يا ارحم الراحمين ويا اكرم الاكرمين ........ يا خير من سأل وأكرم من أعطى ربي هب لي ولخواتي في هذا الملف من لدنك ذرية طيبة انك سميع الدعااااااااااااااء خواااااااااااااتي السلام عليكم ورحمة الله وبركاته ............ اللهم أعد علينا رمضان أعواما عديدة باليمن والبركات سامحوني على التقطع في القصة بس ما يسمحو لي الا بثلاث ردود كل يوم والله المستعان الحمد لله بعد ما دخلت المستشفى وجدوا الرحم مفتوح عندي 3 سم والماء حولين الولد ناقصة شوية بس الدكتور طلب منهم يعطوني ادوية تمنع عني الطلق ووضعوني في غرفة الولادة والدكتور الله يجزيه كل خير حاول يساعدني بكل الطرق وقالي انت امشي كم يوم في السابع واحنا ان شاء الله بالف خير ومنع عني الحركة نهائيا حتى الله يكرمكو للحمام وطلب مني ان أقضي حاجتي الله يكرمكو في السرير والحمد لله بقيت أسبوع كامل على ظهري ولا حركة وأسأل ربي ما يحرمني لا الاجر ولا الثواب ............. وانا اعد مش الايام كنت أعد الثواني لاني جالسة في المستشفى لحالي ما عندي الا رب العالمين وانا في حالة قلق وخوف ما عرفت متلهم طول حياتي وممرضة داخلة ودكتورة طالعة لحد ما جا يوم 23 /12 وكان باقي يوم وادخل السابع وكانت اول ليلة بنام فيها من لما دخلت المستشفى لاني طول الفترة ما كنت انام طول الليل .......... كان عندي زوجي وقالي انه حجز لماما وانها ان شاء الله بتيجي بكرة وانا أستبشرت وقالي انه برجع ع الشغل وان شاء الله بيجي عندي المسا والعصر اتصلت في جارتي وكنت اتحدث معها وخلصت المكالمة لانه الدكتورة دخلت علي وسألتني كيفك قلتلها الحمد لله بس حاسة عندي غازات كتير قالتلي هدا من كتر القعدة في السرير وتركتني وراحت وما ان خرجت الدكتورة شعرت بشي غريب في بطني .......... رنيت الجرس وجت الممرضة وقلتلها بدي الدكتورة وقالتلي انه الدكتورة عند مريضة وبتيجي انا شو حاسة سكاكين في بطني وكل السرير مش واسعني وانا الف بالسرير وابكي ومش عارفة شو صارلي ومش قادرة أستحمل وحاسة نار جواي واتصلت بزوجي وانا دموعي سابقة كلامي وهو مسكين يقولي شو في؟ مالك ؟ قلتله مش عارفة حاسة بوجع فظيع قالي شو صار لك من ساعة ما كان مالك شي ؟ وقالي انا جاي ع السريع . وجت الدكتورة وقالت جيبوا ع السريع الجهاز اللي بقيس الطلق وكان الطلق عندي شديد وقاسوا الرحم قالولي انه التوسع صار 5 سم واتصلوا بالدكتور المشرف علي وقالهم رجعوها ع غرفة الولادة لانهم كانو كل يوم وتاني يطلعوني من غرفة الولادة ويقولو لا ماعندها حالة ولادة وبعديها يرجعوني ع غرفة الولادة والحمد لله على كل حال . ودخلت غرفة الولادة وجا الدكتور وقالي انك في حالة ولادة والتوسع عندك ممتاز وممكن تولدي بشكل طبيعي بس البيبيات صغار وما بتحملو طلق ولازم تدخلي قيصري وان سمعت هالكلام وهات يا بكى وانا ببكي ومش قادرة أتوقف بعدين أتطلع في الدكتور وقالي بعدين انت خايفة اكتر من الوجع ....... لازم تهدي شوية وأعطى الممرضات التعليمات ووضعوا لي القسطرة ووضعوا لي المغذي اللي في الوريد وجروني ع غرفة الولادة ولما شفت الدكتور طلبت منه يدخل زوجي وقالي ما ينفع يدخل غرفة الولادة وجا دكتور التخدير وطلب مني اني أهدى عشان التخدير الموضعي وبخافو يصير شلل اذا كان موضعا غلط ......... وانا مش قادرة استحمل الطلق وهو يقولي ما تتحركي وانا بقوله استنى بس الطلق يروح ........... وفعلا بدات اشعر بتقل في رجولي وبديت اشعر بدوخة وبعد لحظات شفت زوجي وكان الدكتور الله يسهل عليه أشفق علي ودخله علي وبعد شوية قالولي الحمد لله على السلامة ............ استغربت وسألت زوجي وين الولاد انا ما سمعت صوتهم لما طلعوهم قالي لانهم لسة صغار ......... ونقلوني ع غرفة الملاحظة .............. وبعدين رجعوني على غرفتي وان مش حاسة بشي .............. جا زوجي وانا أسأل عن الولاد وهو يقولي انهم مع الدكاترة لانهم بدهم رعاية كبيرة والحمد لله . الحمد لله تاني يوم من الولادة توفي الولد والحمد لله على كل حال :44:....... وطبعا زوجي رفض أشوفه لانه كان خايف علي :( والحمد لله بعد خمس ايام توفيت البنت :44: والحمد لله الذي من علي بنعمة سبق الولد في الدنيا ........ اللهم أجرني في مصيتي وأخلف لي خيرا منه .......... انا لله وانا اليه راجعون ........... سبحان الله ربي بفضله انزل علي سكينة غريبة وكأنها الاخبار اللي بتتوالاه ما بتخصني انا وبرد قلبي . بس سبحان الله كنت بالليل أسمع صوت الخوات اللي ولدو معي وهم مع ولادهم يرضعوهم واسمع صوت بكى ولادهم وانا الحمد لله ما شفت وجه ولا واحد منهم ولا لمسته وكنت أبكي بشدة غريبة :icon33::icon33:والحمد لله وطبعا رجعت بيتي وانا مش مصدقة اني رجعت بيتي لحالي وبطني فاضي وحضني فاضي والحمد لله وزوجي الله يصبر قلبه كان حزين بشكل غريب وبس ربنا الحمد لله ربط على قلبه والحمد لله . والله ما سردت اللي صار معي من الشكوى او الاعتراض على قضاء الله وقدره فانا ولله الحمد كان عندي شكر وصبر على اللي صار وأسأل ربي ما يحرمني أجرهم وأن يكونوا لي ولزوجي فرط على الحوض انه جواد كريم انا ان شاء الله ناوية اعيد التجربة الشهر اللي جاي لانهم يخافوا يتكرر الحمل التوئمي ولازم الرحم يكون قوي بعد القيصرية والحمد لله على كل حال. سامحوني طولت عليكو بس حبيت أشاركو هذه التجربة وانا أسأل الله العلي القدير ان لا يحرمنا الاجر ولا الثواب وان يجعلهم كفارة لنا على ذنوبنا والحمد لله على كل حال

بسم الله والحمد لله والصلاة والسلام على أشرف من خلق الله محمد بن عبد الله وعلى آله وصحبه أجمعين...

اطيب قلب% :

اللهم آمييييييييييين

اللهم آمييييييييييين