الله يسلمك ويطمن قلوبنا جميعا ويفرحنا بذريتنا قادر ياكريم



حبيبتي في البرنامج الطويل يبدأوا قبل الدورة ويستمروا لين بعد الدورة
أنا صارلي كدا في عمليتي الأولى
الله يوفقك يااارب

الف شكر لكل اللي ردو علي الله يجبر بخواطركم
طبعا" بما انه انا توني مسويه العمليه واذكر جميع الاحداث بعدني مانسيتها راح اذكرها لكم بالتفصيل
من شهر رمضان وانا اشوف واقرا في النت عن الدكاتره على اساس ارشح الافضل من التجارب "والحمدلله موقنه انه الدكتور مجرد سبب" واعتمادي على ربي في النهايه وقع الاختيار على الدكتور معين فضه طبعا" غني عن التعريف يعمل في مستشفى الاردن كلمتهم في السعوديه اول يوم الدوره واخذت منهم موعد ثاني يوم الدوره بكل سهوله الحمدلله وصلت الاردن استقبلوني بصدر رحب طلبت من الدكتوره اشعه سونار من خلال المهبل طبعا" انا خفت وصحت لانه ماتعودت اسويها وقت الدوره بس توكلت على ربي طمنتني بعدين طلبت مني تحليل دم وعينه من زوجي وبديت معهم الابر التحضيريه لمدة عشر ايام ثلاث ابر في اليوم وحده بالعضل وحده باليد وحده بالبطن تنفخت هههههه وصدري يعور بس الحمدلله على كل حال بعد ماخلصت الابر وحددو عدد البويضات قررو السحب اخذت الابره التفجيريه يوم الخميس وعملية السحب كانت يوم السبت طبعا" كنت خايفه ومرعوبه ومانمت لانه للاسف ماحد فادني بعملية السحب رحت يوم السبت ودخلوني غرفه ومعي وحده سعوديه بدلنا ملابسنا ولبسنا لبس العمليات وخذ من هالسوالف وركبو فينا ابرة مغذي قبل ادخل للعمليه طلبو افضي المثانه وتوضيت ودعيت ربي ودخلت وانا بموت من الخوف عطوني مخدر عن طريق الاكسجين وابر تهديه وغبت عن الوعي بالعربي لاحد يخاف وربي ماتحسين بشي الحمدلله ماحسيت الا يوم صحوني وقمت اضحك واصيح واقولهم خلصت مو مستوعبه الوضع كان المغذي فيني وجابو لي فطور وافطرت ودخل زوجي عندي بالنسبه لزوجي عطاهم العينه قبل ادخل المهم بدلت ملابسي وطلعت صرفو لي مسكنات وتحاميل بالنسبه للالام مثل الم الدوره ومو شرط يطلع معك دم رجعنا الفندق وصرت كل صبح ادق اطمن على الاجنه وحددو يوم الترجيع يكون يوم الاربعاء يعني سحبت السبت ورجعت الاربعاء اما الترجيع مثل الفحص العادي حطو فيني المنظار وتكون المثانه شبه ممتلاه جاء الدكتور معين وسوء تنضيف لعنق الرحم بعدها جاب العينه وعن طريق القسطره يدخلها جواء الرحم ويحط الاجنه والقسطره هي نفسها اللي تستخدم بالتلقيح الصناعي والعمليه كلها دقيقتين وجلست منسدحه تقريبا" ساعه ونص الزياده من عندي هههههه الكتور معين ماشفته الا وقت ماعرضنا عليه الحاله وهو اللي يعطينا نتيجة التحليل وقت السحب وقت التحليل بالنسبه للالترساوند اللي هو الاشعه كانت دكتوره تسويها لي العمليه كلفتني السحب 6875ريال والترجيع 3000ريال والابر تقريبا"6000ريال وتجميد الاجنه1100يعني مجموع العمليه17000 الف ريال ويعطونك وصل حق تجميد الاجنه بحيث اذا بغيتي ترجعين تجيبنه معك وطبعا" بعد السحب عطوني ورقه عشان الاكل وايش احرص عليه وكمان بعد الترجيع جلست بعد الترجيع يوم في الاردن بعدها رجعت سياره للسعوديه التجربه كانت جديده بس الحمدلله ممتعه لانه بداية امل لي ان شاءالله واكثر شي يتعب فيها الابر وغيره وربي بتضحكين وبالذات السحب اللي مسوي رعب لنا ههههههههههه

واي استفسار يابنات انا حاضره لكم من عيوني ولانسوني من دعواتكم

رب لاتذرني فردا" وانت خير الوارثين

انا اذكر واحده من الاخوات رجعولها وهي على بطنها لان رحمها مايل او مقلوب ناسيه لكنها سوتها بالاردن لكن هنا هل يسوون هالطريقه يبي لك تسالين دكتورتك



والله شوفي ياعسل بالنسبه لمحمد البقنه انا مادخلت له مباشره انا اول شي كنت رايحه ابي الدكتور توفيق جعفر ودخلت عليه وشاف كل اوراقي وتحاليل وسالني عن كل تاريخي الطبيي ولما نزلت الدوره دخلت على البقنه مضطره لانه دكتور توفيق باجاازه اضطراريه بسبب حالة وفاة عنده فاضطريت اروح للبقنه
صراحه غريب كيف يستقبلك ولا يشوف اي تحاليل

بالنسبه للتحاليل اثناء التنشيط للاسف انا اشوف ان مستشفى الحبيب مايسويها احس العسكري اهتمامهم اكثر بالمريضه طيب ليه ماسويتيها بالعسكري بالرياض مررررررره البنات يمدحونه



والله مادري غريبه بعد الدوره الي اعرفه ان التمريخ يكون اثناء الدوره
والشي الثاني انتي بتنشطين والتمريخ تقعد تفغص ببطنك ومبايضك يمكن تكون متضخمه وتخافين من تمريخها تضر المبايض مادري الله ييسر لك



لما يكون عدد الاجنه كثير ممكن المستشفى ياخرون الترجيع لليوم الخامس لانه ممكن تموت الاجنه خلال هالفتره لكن اذا كانت قليل مايحبون يجازفون فيها
صراحه انا رجعت مره واحده وكان باليوم الثالث وربي ماكتب الحمل
وانتي اسالي الدكتور من خلال تجاربك ايش الافضل

الله يثبت أجنتك ياملاك الفهد ويقر عينك بشوفة ضناك
كم جنين رجعوا لك ومن أي درجه????
ياهلا فيك يادلوعة ماجد نقول مبروك الحمل ولا ؟؟؟

الله يوفق الجميع ويكتب لهم الخيره الصالحه
انا بحلل يوم الاربعاء مع انه تحليلي اليوم نقاتيف والحمدلله صدق اني تضايقت
بس وربي يوم سجلت هنا ارتحت وحسيت بحماس اني اعيدها مره ثانيه
اذا الدوره انزلت بريح هالشهر ومع الدوره الثانيه ببدا اراجع ان شاءالله
بس هالمره بتخصصي بريده بس يابنات خلال هالشهر وش تنصحوني فيه
من ناحية الاكل والادويه وغيره والله اني متحمسسسسه مره الله لايخيب رجاي ولاكل مسلم
ويرزق كل محروم