ياحلو الصبر :

كنت ابكتب تجربتي ... ناويه اكتب التجربه لكن ماحصلت تفاعل من البنات يمكن مجنونه فصولي وحالمه وممممم وممكن اكثر من وحده ماابي اظلم احد :p واشوف البنات يردوون للي يعرفوونهم بس ....الجديد مااحد يعطيه وجه :( وانا والله ابكتب تجربتي ابي الاجر ...ومررررريت بنفس التجارب وعانيت سنين طووويله وادعوووا لي يابنات ... قصتي طوويله عريضه ...اللي بتقراها تجيب عندها صحن مكسرات وتروق :39: لي 12سنه متزووجه .... من اول سنه زواج صار عندي احساس اني مااحمل بسسرعه يتاخر حملي ...طلبت من زوجي نعمل تحاليل ...صار عنده لزوجه بسيطه ..وعندي هرمون حليب ..لكن قال الدكتور مايمنع الحمل ...حالتكم بسيطه ..جدا ..بدأت رحله المنشطات ومعنانه تقريبا 4 سنوات .. قررنا نعمل تلقيح صنااعي ...عملته مررره ومرتين وثلاث مرات و4 مرات ...كانت الدكتوره الله يهديها ماادري اسلووبها قاسي شووي ...قالت لي خلاص لاتعملين تلقييح هنا في المركز او بالاصح عندي قالت انصحك بالدكتوره لمياء او الصفيان (( س..خلتني متشائمه و.وماابي اذكر اسم المركز وربي يابناااات هذا هو السبب ندور وراء المستشفيات والمراكز والدكتور الافضل وننسى تعلقنا بالله والتوكل على الله ...وبعدها وبعدها قررنا نعمل طلعت محرووقه ابكي من العياده كأنها تقوول لي انتي عقيم ماراح تجيبين ... طلعت مع زوجي وركبت السياره وانا ابكي وادعي ...وبعدها قررت بنفس المركز اعمل تلقيح مجهري وكان عندي امل احمل ..ماادري يمكن لاني فاهمه التلقيح غلط ..وانتظرت اسبووعين وحللت كانت صدمه بالنسبه لي ....وجلست سنتين وعملت العمليه بنفس المركز عند دكتوره وحللت بعد اسبوعين مافيه حمل ...انهرت وبكييت ...وبعدها بكم شهر عملت العمليه الثالثه بنفس المركز وغيرت الدكتور ...وحللت مافيه حمل ... ...سبحان الله صارت عندي قناعه ربي مو كاتب لي .... نسييت الحمل ....وبعد كم سنه ...قال زوجي وش رايك نسافربرا ...وبحثنا عن افضل الدكاتره وسال صديقه . ..وعملنا عند الدكتور (( زيد الكيلاني ))معروف ومشهور و تعرفون معاناه السفر والمصاريف وتعبت تعب الله لا يروريكم ....جلست بعد الترجيع يومين بس ورجعنا للسعوديه ...وكنت متهفه انتظر ولا طلعت ولاخرجت ولاشئ طلعت النتيجه سلبي ........:(وبعدها بسنه ...سافرنا سياحه برا ..وقال زوجي بنـ عمل تحاليل هناك نتطمن بس ... قال الدكتور ماانسى كلمته ... انتي بتجيبي عشره )) يعني مافيه شئ يمنع سبحان الله بعدها كأني صحيييت من النووم كنت في غفله ...صحيح اقوولكم كنت محافظه الحمدالله اقووم الليل ادعي لكن فتررات مو دائماا .... ومن هنااا قررت ..يوميا اقرا سورة البقره والصافات ومريم والحشر ..وشريت العداد حق الاستغفار .جلست سنتين ..على هالحال .. رحت ارقي نفسي عند شيخ جلست شهرين تقريبا ...واخذت منه عسل وماء واشياء ...وبعدها صرت انا ارقي نفسي واشتري الماء والعسل منه وربي يابنات كنت مااسهر كثيير عند اهلي وعند اقاربي علشان ارجع بالليل اصلي وابكي واطلب ربي واترجاه يطعمني ويرزقني ... كنت كل مااسافر علشان مايفووتني اليوووم وانسى اقرا سورة البقره كنت اخذ مصحف معاي صغير وقت السفر ...كنت استغفر باليوم 5 الاف مرره كنت استمتع بالاشياء هاذي صحييت من غفلتي ...قلت انا جلست سنين طوويله (( ابنتظر السنتين هاذي واغير واكوون صادقه وعاازمه على شئ ... واحيانا لما اسهر للساعه 2 انتظر قبل صلاه الفجر وادعي علشان ماتفووتني هاذي الليله ..وكنت اتحرى ساعات الاجابه ..يووم الجمعه وربي مااطلع فيه وخاصه وقت الساعه 3 الى المغرب ...كنت اصلي وادعي ربي ..واتصدق بنيه الحمل بعد السنتين هاذي تغيرت حياتي شوي ارتحت نفسيا ..وقلت اذا ربي كاتب لي الحمل بيجي ..والحمدالله انا بخير ونعمه اهم شئ اني بعافيه وانا احسن من غيري ..صرت اشووف نفسي بنعمه كبييير ه يارب لك الحمد ..وبعدها قررنا نغير المركز نهائيا ...وعملت تحاليل وقال الدكتور تحاليلكم سليمه ..وعرف اني عملت 4 عمليات قال ماشاء الله عليك ياصبــرك ...قلت الحمدالله راضيه بقضاء الله وقدره ... قال انتم عقم مو معروف سببه يعني كل شئ سليم ...واستخرت وعملت الخااامسه ...انتظاااار وترقب وحللت بعد اسبووووووووووووووووعين النتيجه مافيه حمل ..قلت الحمدالله على كل حال مابكيييييييييييت نهائيا ولا حزنت وربي .......بعدها بسنه ... اخذت عمره ...وجلسنا في مكه 4 ايام قدام الحرم ..كانت احلى ايام عمري ..كنت اصلي فيها الصلوات كلها وسبحان ارتحت نفسيااا ودعييييييييت فيها ربي وبكييت وانا في الحرم يارب ترزقني يارب ....(( وخاااصه سلفااتي الله لايوريكم اسمممع منهم كلام يسم البدن ..انك ماتجبيتن عيال وحاجات زي كذا كنت امسك نفسي عندهم وارجع اخر الليل اشكييييي وابكي لربي .... المهم بعد العمره ...جاتني الدوره وقررنا ..نعمل العمليه وهاذي العمليه السادسه .... صارت مشكله بيني وبين زوجي فتره السحب .... وقال مافيه مستشفى ولا ترجيع ولا شئ هنا انهرت عرف نقطه ضعفي ..قلت خلاااااااااااص في اخر مرحله العلاج تقول كذا لاتدخل امورنا الخاصه في العلاج يااللــــــــــــــــــــــــــــــــــــــــه يابنات وربي ماانسى ذيك الليله كانت الخميس جلست ابكي وادعي واصلي ولا جااااني نووووووم ..قلت وش اسوي وشلووون اتصرف ...رافض الفكره نهايئااا ..تعبت وبعد اخر مرحله يرفض ......ادعي يارب تصبرني يارب اذا فيها خير لي تتم .. جلست افكر ..مافيه طريقه الا كلمت سكرتيره الدكتوور وجلست ابكي قلت الترجيع بكره وزوجي رافض الله يخليك ابعطيك رقمه واقنعييه تكفييييين اترجاه وربي حزنت علي قال خلاص اللي علي ابسوويه .. وانتي اذا ربي كاتب لك الترجييع بيصير ان شاء الله ...وانا ابسووي اللي اقدر عليييه ...يابناااااااااااات كأن روووحي بتطلع وربي سبحان الله جااني شئ غرريب وادعي يارب اخذت الرقم مني ....عطيتها رقم زوجي ...قلت اتصلي عليه الساعه 7 الصباح لان لازم اكون هناك 9 .... الله يجزاءها خير اتصلت عليه اكثر من مره مارد ومرتين وماارد ..وانا اتصل عليها قلت ها وش صار قالت زوجك مايرد ...قلت تكفيين اخر اتصال ...والحمدالله في هاذي رد واقنعته قالت خلاااص وش بقى تعال انت وزوجتك .... رحت للخر مركز كان صبااح الجمعه ....جلست لوحدي في الانتظار ...طلع زوجي ...وانا في الغرفه انتظر ....وقرات سورة البقره وعند آخــــــــــــــر ايه ..(( انت مولانا فاانصرنا على القوم الكافرين ))يعني ختمت البقره ..والسستر تنادي علي ..وربي يابنات .. وطلعت ورجعت .....ارتحت يوومين فقط ..وبعدها مارست حياتي طبيعي وكان اول رمضان وجلست اسوي فطور واشتغل عادي نسسسيت اني مسويه تلقيح قسم بالله في اليوم 13 حسيييت بالم قووي في ظهري فقط ...حللت تحليل منزلي طلع خطين ..مافرحت ماابي انصــدم ..جلست يوووومين وحللت دم ..وطلعت قلت اتصلووا علي عندهم رقمي ..وبعد ساعتتتتتتتتتتتتين ... اتصلوووووووووووووووووا علي ...واحلى شئ سمعته مبرووك مدام انتي حامل قلت ايشششششششش مبروك فيه حمل وقفلت ...وجلست اصلي ركعتين ..ورجعت اتصلت مرة ثاانيه قلت طلعت النتيجه قلت ايوووه حامل والنسبه كانت عاااليه مره .. والحين عندي بنوته ربي يحفظها عمرها سنتين وادعوووووولي ....ربي يرزقني بااخوان لها واني ماامر ولا تمرووون بنفس تجاربي السابقه وربي يرزق كل وحده من اول عمليه ..يارب تيسرها علينا يااارب ولاتستغربون مني في الصفحات اللي قبلها كنت اسال البنات عن المثبتات بعد الترجيع ...وربي فيه اشياء ناسيتها ..وحبيت اسال لاني مقبله على عمليه سااابعه ان شاء الله يارب لاتيأسوووووون لاتيأسوووون ..الصبــر ثم الصبر ثم الصبر وياحلوووو الصبر

كنت ابكتب تجربتي ... ناويه اكتب التجربه لكن ماحصلت تفاعل من البنات يمكن مجنونه فصولي وحالمه...

نساآآآيم ليل :

ياحلو الصبر اسأل الله ان يرزقك الذرية من غير عمليه ويفرح قلبك بالحمل الطبيعي انه على كل شي قدير. على فكره إسمك جداً مُعبر.

ياحلو الصبر اسأل الله ان يرزقك الذرية من غير عمليه ويفرح قلبك بالحمل الطبيعي انه على كل شي...

نساآآآيم ليل :

فوفو الله يسمع منك يارب

فوفو الله يسمع منك يارب