روح النمسا :

الله يجعل هالتجمع فاتحة خير على الجميع يااااااارب رغم اني اتعب نفسيا لما اتابع ردودكم في التجمعات خاصه اللي تحمل وتفقد حملها ..احزن كثير لاني مريت خلال 8سنوات بكل التجارب وبكل المواقف المؤلمه اللي تمر عليكم لكن راح اتابع معكم عشان افيدكم باللي اكتسبته من تجاربي وخبراتي السابقه.. واللي اول مره تشوف معرفي بعطي تعريف بسيط عن نفسي ماعندي سبب واضح لتأخر الحمل ..بعد فتره طويله من زواجي بديت مرحلة الانابيب طبعا كانت هالخطوه جدا متأخره والسبب بعض المستشفيات الحكوميه المتخلفه اللي عندنا.. المهم عملت 3 مرات تلقيح صناعي و3 تلقيح مجهري في المركز التخصصي الطبي ..صار حمل في اول تجربه وما مداني افرح فيه وماتركت احد مابشرته بحملي لكن للاسف فقدته بعد شهر وكانت اقسى واصعب تجربه لي التجربه الرابعه لي كانت في مستشفى الحرس الوطني حملت بفضل الله ولكن توقف نبض الجنين في الشهر الثاني حمدت الله وقلت وانا متماسكه وكلي امل وشموخ انا لله وانا اليه راجعون اللهم اجرني في مصيبتي واخلف لي خيرا منها ..تذكرت قول الله تعالي في سورة البقرة (وبشر الصابرين الذين اذا اصابتهم مصيبه قالوا انا لله وانا اليه راجعون..الايه) كنت اقولها من قلب ومتأكده ان فرج الله قريب.. الجنين توقف لكن مانزل كنت ادعي ان الله يثبته وليتني دعيت ان الله يكتب لي مافيه الخير وبس لانه فعلا ثبت لكن للاسف بدون روح او حياه .. تنومت في العسكري واعطوني حبوب اجهاظ بغيت اموووت منها بعد مانزل عملت عملية تنظيف .. وقالو لاتحملين الا بعد 6 شهور.. مايدرون ان اليوم عندنا المتأخرات كأنه سنه.. ماقدرت اصبر بعد 3شهور بس كنت اتابع برنامج التفاح الاخضر وكان ضيف الحلقه الدكتور عبدالعزيز الشهراني ارتحت كثير لكلامه ورحت عملت التجربه الخامسه عنده في مركز ذريه الطبي .. وفعلا كان دكتور اكثر من رائع اعطاني كلامه واسلوبه وتعامله أمل كبييييير اثر على نفسيتي بشكل ايجابي ... لدرجة اني كنت متفائله اني بحمل وحيكون حملي ولد .. وفعلا تحققت الاية الكريمة ..وبشر الصابرين.. رزقت بولد بعد اكثر من 8سنوات ..بفضل الله ثم الدكتور عبدالعزيز الله يجزاه كل خير وطبعا قبل هالتجربه رحت لحرمه قالت عندك حسد الارحام فكنت من قبل العمليه محافظه على الرقيا وطول فترة الحمل.. اسأل الله ان يفرج عليكم ويرزقكم كما رزقني عاجلا غير آجل اعذروني اذا فيه لخبطه لاني اشارك من الجوال

الله يجعل هالتجمع فاتحة خير على الجميع يااااااارب رغم اني اتعب نفسيا لما اتابع ردودكم في...

سعدية خانو و و و و :

السلام عليكم حبيباتي اسئل الله ان يوفقنا جميعا ويهبنا ذريه طيبه تقر بها اعيوننا حبيباتي عندي استفسار بسيط انا سويت 4 عمليات انابيب ولله الحمد والشكر لم تنجح الا اول وحده وكان الحمل بكيس ونزل علطول من اول اسبوع وسويت بعده 3 عمليات لكن الله لم يكتب لي قالى الدكتور احتمال عندك مشكله بالرحم او البطانه هي الي تمنع ثبوت الاجنه وطلب مني شويه تحاليل وسويتها من اجسام مضادة والدم واشياء والله مدري وشي المهم قالى هالمره ان شاء الله بنعطيكي ابر كرتزون انا سمعت اسمها انخرشت وخفت وشي هالابر ؟ هل منها ضرر على الجسم والله اني قلقانه منها مرررررررره الله يخليكم الي تعرفها او قد اخذتها ياليت تفيدني تكفوووووووووووون الله يجزاكم الف خير

السلام عليكم حبيباتي اسئل الله ان يوفقنا جميعا ويهبنا ذريه طيبه تقر بها اعيوننا حبيباتي عندي...

نساآآآيم ليل :

بنات اليوم ينزل مني كدرة بنيه هل هذا طبيعي ومن قد صار لها كذا اليوم لي 34 من الترجيع

بنات اليوم ينزل مني كدرة بنيه هل هذا طبيعي ومن قد صار لها كذا اليوم لي 34 من الترجيع