هلا والله وغلا
الله يسعدك ياشيخه ويرزقك ماتتمنين على هالدعوة الحلوة
وين هالغيبه
طمنينا عن اخبارك
الله يسمع منك يارب واطلع حامل ويارب انتي كمان تطلعين حامل وترتاحين من العملية وهمها
دعواااااااااااااااااتك




الله يثبت اجنتك يارب ويفرحك فيهم ويجعلهم من نصيبك ياقمر



حبيبتي
الافرازات اذا قصدك بيضه فهي من التحميله طول اليوم بتقعد تنزل
اما اذا بني او احمر الافضل انك تستشيري طبيبك لانه كان في وحده مع التحاميل تنزل افرازات بني او دم اضن وخلاها تحول التحاميل من المهبل للشرج يعني تاخذها شرجيه افضل
الله يثبت اجنتك يارب



اكييييييييد ماعاد تنفع لا تغامرين وتضيعين تعبك كله عالفاضي
نصيحه غيريها لا تروح بدال ماتنفعك وتضرك وتسببلك اشياء انتي في غنى عنها
انا علبتين نسيتها بالشنطه وساحت رميتها على طول



اطلعي واستااااااااااااااااانسي وربي بتكرهين نفسك من مقابل الجدران ههههههههههههههههههه
اسأليني
الله يتمملك على خير يارب ويرزقك بأجنه من الدرجه الاولى ويجعلهم من نصيبك وذريتك ياكرييييم




بنات
انا اليوم الـ 9 من الترجيع وماني حاسه باي اعراض الا اللهم اعراض دورة خفيفه تروح وتجي
وحاسه اني متحطمه شوي ماادري ليش مااحس اني حامل

في وحده زيي ماجاتها اعراض ابدا وطلعت حامل ؟
حتى افرازات بني او نقط ماجاني ولا لا ولا شي

طمنوني الله يطمن بالكم
:44:

جمانه عادي حبيبتي إذا باقي ماجاء موعد دورتك إن شاء الله تكون هذه الاعراض أعراض حمل وأحسني الظن بالله لاتياسي @

بنات تكفون جاوبوني
بعد السحب اول يوم جاني الم بسيط
واليوم الثاني الم فضيع لدرجه مقدر احدد
في اي مكان مره اقول في الرحم ومره اقول
في المنطقه من ورى مع امساك ومره اقول
في اخر البطن كانهم حاطين فيها حديد اوشي
ثقيل وبكره الترجيع واخاف يضر اي وحده جربت
تقول لي عادي وهل هو من التحاميل والله اجلس
بصعوبه واوقف بصعوبه الله يثمن التعب ولايروح على
الفاضي قولو امييييييييييييين
والله يتمم حمل كل حامل ويفرح كل منتضره

مبروك التجمع الجديد......ان شاء تخرجون منه وكلكم حوامل ....
يارحمن يارحيم ثبت اجنة اخواتي المرجعات وسهل امور المبتدئات والمقدمات ولاتضيع لهم تعب
وازقني واياهن بالذريةالصالحة التقيه النقية الزكية السليمة المعافاة بلا زيادة ولانقصان
وأجعلنا نتقرب بهم اليك تربية وتنشئة وتعليما واجعلنا للمتقين ائمه .....واوزعنا ان نشكر نعمتك اللتي انعمت علينا وعلى والدينا وان نعمل صالحا ترضاه يا ارحم الراحمين..

في ظل الوعد
ربي يرزقك من حيث لاتحتسبين ....ويكتب لك اجر كل ماتقومين به
ويرفع عنك البلاء ويحفظك من الحسد والعين ويحفظك من كل سوء ومكروة
وربي يرزقك بالحمل ويفرح قلبك قبل العيد...وصير عيدك عيدين.....


بنات انا بأكتب لكم تجربتي مثل ما وعدتكم....
اناسويت ثلاث عمليات اطفال انابيب....بين كل وحده ووحده ثلاث شهور

الاولى سويتها بالحرس الوطني....
الثانية في الحبيب عند الدكتورة زينب ابو طالب
والثالثة ايضا في الحبيب عند نفس الدكتورة.... ونتيجتها وبفضل من الله ورحمته بي طلعت حامل ولله الحمد

انا سويت السحب يوم الاربعاء وكنت بروحي لان زوجي كان مسافر وكان له عينة مجمده عندهم
وقبل الترجيع جاء زوجي من السفر ورحنا لموعد الترجيع بالسيارة من الجبيل للرياض
زوجي كان يبغانا نروح ونرجع بالطيارة....لكن انا رفضت بحجة إني بعد الترجيع بحاجه للاستلقاء والراحة بدل المشي والمشاوير في المطار...وماكانت ظروف عمله تسمح لنا بالبقاء في الرياض بعد الترجيع
.
رجعولي قبل المغرب بقليل وكانت المثانة شبه مليانه وقبل ما ادخل غرفة الترجيع بدلت ملابسي وكنت اقرأ القرآن و ادعي و استغفر لين نادوني.....
رجعولي ثلاث اجنة ما اعرف من اي درجة لكن اعطوني صورة للاجنة ومن مطابقة شكلها وانقساماتها بصورة وجدتها في النت عرفت انها من الدرجة الاولى ولله الحمد
شلت حالي من سرير العملية لسرير آخر بشويش على عمري
وودوني غرفتي وانتقلت على سريري وبشويش
بعد عشر دقايق صارت المثانة فل ماعاد اقدر امسك عمري
كان بجانبي كرتون كلينكس...اخذت نصه ولزيته تمام على المنطقة...ومن تحت بعد
وصرت اسرب من المثانة تسريبات بسيطة لتخفيف الضغط عن المثانة.....لا تضحكون علي تقولون اسويها على عمري
لان السرير نظيف ماجاه شي كله في الكلينكس....وبعدين للضرورة احكام
ضليت كذا نص ساعة ويمكن ازود ...وكنت ادعي واستغفر ...وفي وحده بجانبي شغلت رقية لتثبيت الحمل جزاها الله كل خير كنت اردد الكلام حق الرقية
بعدين جاوا وقالوا لي ياله خرووووج...
طلعت للسيارة وانسدحت في السيت الوراني من الرياض لين باب البيت
اول اربع ايام من الترجيع راحة كاملة وكنت اكل بيض مسلوق بمعدل ۳ بيضات باليوم ضروري جدا وفطاير جاهزة واشرب عصير تفاح وحليب مذوب فيه نشا مرتين في اليوم او ثلاث....واشرب حليب ساده واكثر من شرب الماااااااااء
واحيانا اكل اكل من برا
الدكتورة وصفت لي حمض الفوليك من بعد الترجيع....لكن انا لي شهور طويله اخذه على اعتبار عملياتي جات ورى بعض وكنت اخذ ابو ۱ ملغم....وقبل الترجيع بديت بابو ٤ ملغم....
وزيادة من عندي اخذت جواسبرين ۸۱ ملغم الدكتورة ما اوصفته لي وشكلها من كلام البنات ماتوصفه لاحد
وايضاالدكتورة اوصفت لي تحاميل سايكلوجيست مهبلية حبه مرتين باليوم...واوصفت لي على دوفاستون استخدمه في حالة لو شفت دم او بني
لكن انا ما التزمت بكلامها لان هذه ثالث محاولة لي ونفس السايكلوجيست وكميته وكنت اقرأ لبنات يزيدونهم مثبتات ابر وحبوب وفيه بنات يقولون انهم يستخدمون تحميلتين دفعه واحده مرتين باليوم
فصرت اخذ باليوم اربع حبات....الصبح حبه مهبلية وحبة شرجيه
وبالليل نفس الشئ ...يعني حبتين مرتين باليوم بدل حبه مرتين باليوم..
اليوم الرابع قمت طبخت غدا ولا سويت شي غيرة
وبيتي دورين فغصبا علي اطر اطلع و انزل لكن مرة باليوم
بعدها في اليوم الخامس رحت عند اهلي مشوار ساعة ونص
والسبب...لان انا وزوجي خايفين يجونا ضيوف....والضيوف هذولا اقارب من اهله وقريبين لي في نفس الوقت صعب جدا يتعذرمنهم
المهم كان بيت اهلي دورين واضطر اصعد للضرورة ولما اصعد الدرج بشويش واستغفر
وكثرت من شرب الحليب مع النشا واحيانا اسوي مهلبية
واكلت خيار...والبيض يوميا
كنت لما احس بنغزات او الم بسيط بالظهر انسدح واريح استغفر او اقرا قرآن
ماكنت اسوي اي شغل
كنت اصلي جالسة على كرسي..بعدين صرت اصلي واقفه عند القراءة واركع بدون انحناء قوي...لكن اجلس واسجد وانا جالسه على كرسي
انا كنت احط التحميلتين الشرجيه والمهبلية ثم احط مخدة تحت المؤخرة ومخدة مرتفعة تحت رجلي ...وكنت ارفع ركبي مرتكزة واباعد بين رجولي شوي علشان التحميلة تسيح داخل واستفيد منها...لكن ان ضميت رجولي التحميلة تسيح وتطلعين برا
وكنت حاطه قرآن بجوالي اقرا سورة البقرة في ساعة كاملة يوميا
وايضا ختمت القرأن في فترة عشرة ايام وعدت قراءته قبل التحليل لاختمه من جديد
كنت حريصة على قيام الليل من تسعة شهور...حتى ايام العذر الشرعي كنت اقوم واستغفر واسبح الله واحمده واصلي على النبي عليه الصلاة والسلام وادعي وارجع انام...مافاتني قيام الليل الا فيما ندر...
كنت استغفر كثيرا وادعو الله وابكي بشدة ....صار كثير دعائي في اشياء من اجل الاخرة كنت انسى ادعي الله من اجل الحمل ما اتذكر الا في آخر الدعاء
وكنت لما ادعو الله علشان الحمل كنت جازمة بأن الله سيرزقني وكنت اتخيل عيالي حولي وانا احفظهم القرآن ...وكنت اقول في نفسي الناس اللي حفظوا عيالهم القرآن مب احسن مني
وصار يجيني شعور بان الله حتما سيرزقني وحسيت نفسي حامل بالفعل
صرت ادعي ان الله مايفتني فيما رزقني...وصرت اخاف على نفسي اني ارجع لسابق عهدي
ايضا كنت اتصدق ...بالذات لذوي القربى اولى من غيرهم وكانت سرية...وكنت اشجع زوجي عليها
وكنت احتسب كل تعب عشته تكفيرة ذنوب....وكنت ادعي بان الله يشيل من قلبي الغل على كل من أسأل لي وجرحني....
فيه ناس ما اقدر اسامحهم على اسائتهم لي...واحاول جاهدة اني اسامحهم....
وايضا كنت ادعو الله إنه ينور بصيرتي....فصرت افكر ليه الله لم يرزقني طوال تلك السنوات....انا عارفه إنه لحكمه هو يريدها رانه يريد بي خيرا
اقول لكم بكل صراحة يمكن لو ربي رزقني من زمان امكن مااربيهم التربية الصالحة
يمكن الله كان يبي يهديني .... انا كنت دائما ادعو الله بالهداية والهداية هنا يعني الالتزام بالدين بقوة
البكاء بين يد الله تريح النفس....وراحتي كنت القاها في مناجاته وفي قراءة القرآن وفي احتساب الاجر في كل شي

بالنسبة للاستحمام...استحممت مرة واحدة في اليوم الثالث عشر من الترجيع بدون غسل الشعر
وطوال الايام السابقة كنت ابلل منشفه وامسح جسمي واحط شامبو على منطقة الابط وافرك...والحمد لله مافيه ريحة ولاني متضايقة لان ملابسي اغيرها باستمرار


بس هذا كل شي واللي عندها سؤال انا حاضرة من عيوني
وذا فيه اخطاء املائية حاولوا تركبون الكلمة المناسبة لاني اكتب من ايباد وهويطفش يكتب الكلمات غلط بدون ما انتبه
 

بنات الدفستون استخدمته قبل الترجيع
ماكنت ادري انه مثبت الا من كلام ذكريات الغد
اسعفوووووني لايكون هو اللي لعب فيني وفي بطني