الله يجبرك في مصابك ويعوضك بالحمل اجلا غير اجل ماتدري لعله خير رب العالمين له حكمه في هذا الشي لاتحزني واسال الله انه يجبر كسر قلبك ويعوضك بالحمل السليم وبدل الواحد اثنين تؤام قولي امين...وزين ماسويتي روحي قي شعرك واصبغي وتغنجي ودلعي روحك:42:...الدنيا فانيه وعابره ياقلبي:26:

الله يوفقك يارب ويسهل لك عمليتك
انا قلتها التعليمات من قبل بس بكتبها من جديد عشانك
التعليمات اللي بعد العمليه عند الدكتور سعد الدين :
1/ ممنوع منا باتا صعود الدرج يعني لو اضطريتي تصعدي خلي زوج يحملك او اجلسي ع كرسي واثنين يحملو الكرسي وانتبهي لاتطيحي تخربي كل شي
2/ عندم الخروج من المنزل اثناء الاسبوعين الانتظار والابر يجي حد يعطيك اياها ممرضه او اي احد حتى زوجك كان زوجي يعطييني اياهم انا
3/ ممنوع الطبخ ومسح الارض وتخمي الارض بالمكنسه الكربائيه ممنوع بس حدك تسخني اكل بالمكرويف او تسوي كوب شاي او قهوه عادي اما غيره ممنوووع والعزايم ممنوعه
4/ وانتي بكرمه لازم تطهري ع دبل فرنجي واذا ماعندك اشتري كرسي فرنجي من الصيدليه تي ممنوع استدخدام الدبل العربي
5/ لو جاك امساك لاتحاولي تطلعي غصب خليه براحته ولو ماقدر خلي زوجك يجيب لك من الصيدليه مسهل امساك لامراء حاامل يقوله كذا وحتى لو جاك صداع بعد نفس الشي و ماتاخذي ولا ادويه الا لما تتصلي بطبيبك لان احتمال الادويه الثانيه تاثر ع ابر التثبيت فتحملي الصداع
6/ اكثري من شرب الحليب عشان مايجيك امساك واكل الفواكه والخضراوات..>>انا كنت اكل خس بس وساعات فواكه
7/ تسبحين وانتي جالسه لتجنب انك تزلقي لاسمح الله يروح عليك كل شي
8/ ممنوع الجماع اكيد وانا اقولك مو بس جامع حتى المداعبات لات الجسم يبذل طاقه وهذا الطاقه محتاجتها الاجنه

(والدكتور قال لاتجهدي نفسك يعني لو حسيتي نفسك تعبانه صلي وانتي جالسه لاتنظفي ولا تسوي شي بختصاار بس اكلي ونامي وصلي وادعي وخلي حركاتك بطيئه )
9/وممنوع تحطي الاب توب ع بطنك
10/ ممنوع الجلوس ع الارض الجلوس ع الاسره والكنبات والكراسي المريحه
هذا اللي اذكرهم حاليا


طبعا انا مابي اظلم مركز الحببيب كله انا اتكلم عن محمد البقنه بس وتعامله اللي صراحه ... ولا مايحتاج اقول ربي يجازيه ع اللي سواه
بفصلك عشان تعرفي عدل
بقولك الاختلاف اولا بخطوات العمليه
1/ الابر اللي عطاني الدكتور البقنه غير الدكتور سعد الدين
اقولك كيف البقنه عطاني ابر زي الابر اللي يعطيها اي وحده من دون ماينظر الى وزني وعمري يعني مثلا انا عمري 20 ووحده عمرها 40 انا وهي نفس الابر تخيلتي يعني تبويض يختلف بيني وبينها كل ماكبرت الوحده يقل تبويضه
كتب لي الابر وقالي خذيها واجي بعدماخلصهم واجي اكشف وتبداء العمليه

الدكتور سعد الدين لا عطاني ابر لمده كم يوم قليله جدا اقل شي ممكن طبيب يعطيه لان وزني قليل 46 ولا يصير لي تكيس وبعد عشان يشوف اذا صار تهيج التبويض يوقف العمليه غير البقنه ولا همه ولا جاب لي طاري التهيج ولا التكيس وبعد فشل عمليتي عند البقنه ماكان فيني تكيس وجاني بسبب هالابر تكيس بس الحمد لله ماثر ع عمليتي هذي

2/ البقنه ماسوو لي تحاليل ولا شي بس كشف سيناريو
اما سعد الدين كان كل زياره كشف سيناريو يسوي لي تحليل دم يشوف تهيج المبايض هل سليمه ولا وغير التخاليل اللي قبل العمليه

غير الاهتمام والمواعيد
بقولك الحي الفرق بين المركزين
الحبيب مواعيدهم كلها كذب يعني يقولو لك موعدك الساعه 4 ماتدخلي الا 5 او 6 او اكثر وكذا مره زوجي يتهاوش معاهم لان يخلونا ننتظر ساعتين عادي والارقم اللي يوزعوها ماله فايده بس حق ينادوك

سمير عباس صراحه مامره رحت وتاخرت دائما ادخل نفس الموعد 4 ادخل 4 ومنظمين والمركز هادي جدا حتى لو دخلتيه تفكري ماحد يجيهم كنت افكر كذا ويوم عمليتي كان معي فوق 7 عمليات بس لانهم منظمين فماتشوفي زحمه

بنسبه للغرف
الحبيب تدخلي قبل العمليه لحالك وزوجك بالانتظار وتجلسي لحالك حتى بعد العمليه كنت مو عارف البس ثيابي من الدوخه احتجت احدجنبي :( ويوم الترجيع غرفه مشتركه مع وحده ثانيه

اما سمير عباس يعطونك انتي وزوجك غرفه خاصه قبل العمليه وفيها تلفزيون ويجيبو لك شاي وقهوه وزوجك ينتظرك فيها ليت تطلعين من العمليات كانت غرفتي مطله ع البحر وبعدماتطلعي من العمليات يوم السحب والترجيع يعطونك وجبه غداء

يوم العمليه
الحبيب يوم الترجيع بعد 5 دقايق خلوني اسحب نفسي من سرير العمليات الي سرير المتحرك عشان ينقلون غرفتي وبعدها خلوني اسحب نفسي من سرير المتحرك الى سرير الغرفه وقالت لي 10 دقايق وقومي روحي الحمام لان نظامهم لازم الترجيع والمثانه ممتلئع وقالت نص ساعه وخلاص طلعي بعد نص ساعه جاتني وقالت لي طلع وحتى يوم السحب بعدجاتني وقالت يلا طلعي

سمير عباس يوم الترجيع كان تحتي شرشف حملوني فيه كل واحد مسك طرف الدكتور والمرضات من سرير العمليات الى السرير المتحرك ويوم رحت غرفتي حملوني اللمرضات وزوجي معاهم الى سرير الغرفه وقال الدكتور ممنوع الحركه لمده 4 ساعات بس حركي يدينك وقولي يارب وانا نمت لان كنت مسهر نفسي عشان انام هالوقت ولا احس ب4 ساعات
بعد 4 ساعات جابو لي الوجبه وانا طبعا مالي نفس ماكلت شي تميت زياده ساعه ولا حد قالي يلا طلعي انا طلعت من مزاجي لان زهقت من السرير

والتعليماات اللي عطاني اياها سعد الدين ذكرتها فوق والبقنه قالي سوي كل شي عاادي حتى الدرج ماحذرني منه

سمير عباس
ويوم التحليل اتصلوا علي وقالوا لي حللي اليوم وبشرينا

الحبيب
بعد شهر اتصلوا قالوا وشو النتيجه

اي نسيت اقول شي الدكتور سعد الدين وراني الجنه وعلمني اي درجه وشفتهم ع الشاشه وشفتهم وهم يشقون جدار الاجنه قبل مايرجعهم
البقنه ماوراني اياهم ولا شي ولا قالي اي درجه ولا شي بس عطاني صور لهم ولا سوو لي شق لجدار الجنين لان المركز كله ماعنده هالخاصيه
وهذا شق جدار الجنين تزيد نسبه التصاق الجنين

طبعا كلامي مو منسق كتبت لك اللي اذكره حاليا لو ذكرت شي بقولك
اناا كتبت لك بالتفصيل الممل
واذا عندك اي شي اسالي عادي
انا كتبت لكم تجربتي مو كلام احد لان جربت المركزيين وهذا كان تعامله معي
والله يشهد علي كل كلمه كتبتها

وطبعا انا هم كلهم مسببات وكل شي بيد الله بس ربي ماقال روحو لطبيب فاشل وسوو عنده
لازم تبحثين عن الافضل

مشكوره ياقلبي على ردك والله تعبتك معاي بس كان نفسي افهم وش نظامهم بالضبط..
ماقصرتي كفيتي ووفيتي غلاتي..

العفوو يالغلا كلنا موجودين نساعد بعض
نسيت اقولك شي
الابر المنشطه وابره تحت الجلد كان الدكتور سعد الدين يقولي لازم نفس الوقت كل يوم
اما البقنه ماجاب لي طاري عن الوقت

وربي يرزقك ويوفقك
لاتنسيني من الدعاء ان ربي يثبتهم لي 9 اشهر ويطلعون بالسلامه

ترد الروح
تعبناج حبيبتي كفيتي ووفيتي واعتقد الصورة صارت وايد واضحة عن المراكز
يعطيج العافية