سبحان الله اختي هو قدر الله لكن عجبي ع دكتورك ما اعطاك ولاشي يوقف هالعطاس


حبيبتي اسأل الله يعوضك خير

صدقيني الله ما ارادلك الحمل اصبري


وعيدي التجربه لان معروف الأنابيب الافضل بعد شهرين او ثلاثة ترجعيلهم

وربك في خمس سبع مرات يعيدوها الى ان تنجح

ايش نعمل؟؟ ربنا اراد لنا صعوبه الإنجاب ونحمده ونشكره ع كل حال



بس حبيت أسالك المشكله منك والا من زوجك؟

لبانه بديتي بالرقيه؟؟

حبيبتي توكلي ع الله وابدي بالرقيه بعدها حاولي مره اخرى

تنصحوني كم اقعد واعيدها

المشكله من زوجي وماتلقح الابويضه وحده رجعولي بس بويضه


اللي عندها خبره بمستشفيات الرياض وين تنصحوني اعيدها فيه

الله يعوضك عنفوان واخت حواء الخبر نصيحه مني اذا زوجك مره كويس لاتتركينه هذا شي نفسي انتي تمرين فيه عشان فشل العمليه كنت اراجع عند الدكتور الصباغ في الرياض و من ضمن الاشيلء اللي كان يحكي عنها ان في واحد نسبه الحيوانات المنويه عنده صفرر تخيلي واضطرو اتوقع يسحبون مدري يفتحون الخصيه معليش على اللفظ بس تخيلي يقول لقينا حيوان منوي واحد مشوهه تخيلي يقول وغامرنا ولقحنا البويضه وجات بنوته سليمه مافيها شي شوفي ربك كيف اراد وانتي توكلي على الله والله لو انا منك والمشكله من زوجي ماتركته وش تقولين على لا مني ولامنه المشكله وكل واحد زن على راسه تزوج تزوج ولا ياست.

بنات انا بكرا اكمل سابع يوم من ترجيع الاجنه ومره مره زهقانه من الجلسه زوجي يداوم و ينام ويطلع وانا محبوسه في البيت ولا اقدر اقوله شيء بكرا مكلميني جاراتي يقولون تعالي عندنا قهوه بعد المغرب شقتي الدور الثاني درج اروح للعزيمه ولا اكنسلها زوجي يقول روحو انتم شورو على لان التفكير ذبحني وغير اني ماتحممت بعد الترجيع وقرفانه من نفسي والله يابنات هذا المكان الوحيد اللي اقدر افضفض فيه حتى امي وابوي مايدرون اني مسويه عمليه لان لو فشلت بتحزن اكثر من حزني يارب اكتب لي الحمل