ام باسم 11 :

بنات تكفون متضايقة ومدري صح اكتب مشكلتي هنا ولا انا كنت كاتبه اني اخذت موعد عند الدكتور البقنه بعد عشرة ايام تو اعلم زوجي بالموعد عشان يسوي تحليل فعصب ورفض فكرت طفل الانابيب مع انه اول كان موافق او انه يسلك لي حاولت معه رفض وقفل الموضوع وقال الي عندنا فيهم البركة طبعا انا عندي ولدين جبتهم ورا بعض واحد 10 سنوات والثاني 8 بعدين اخذت مانع اربع سنين ولي تاركتة 4 سنين سويت تحاليل متابعة تبويض وغيرة الحمد لله سليمه طبعا من سنتين زوجي جاه مشاكل بالبروستات وباماكن ثانيه وراح الطبيب كشف عليه وسواله تحاليل واشعه واشعه ملونه ومغناطيسيه لقى عنه مشاكل كثيرة الله يشفيه الصدمه انه طلب منه تحليل لسائل عشان يشوف اذا فيه التهابات يعني مو عشان الانجاب نتيجه التحليل الحركة صفر وعدد الحيوانات مليون بس يارب رحمتك اخذ مضادات وادويه واشياء كثيرة طلبت منه يعيد التحليل رفض يعني الحين ما ادري اذا تحسن او لا وما ادري اذا ينفع اطفال انابيب او لا المشكله عنده ضعف شديد يعني مرة مرتين بالشهر هذا الكلام بدا من سنتين بس الحين رافض نسوي انابيب ويبغى يتابع مع الدكتور حقه المشكله مستشفى حكومي ومواعيدهم بالاشهر ودكتور مسالك مو انجاب انا احس اني متشفقه حيل للاطفال ما اقدر اصبر وهو خلاص ماراح يسوي مدري وش الحل يارب اختر الي فيه صالح وخيرة سبحان مغير الاحوال الظهر كنت مبسوطه ومتفائلة على اساس خلاص بسوي العمليه والحين احس ضايقة بي الوسيعه عمري 33 موب صغيرة يارب رحمتك يارب رحمتك

بنات تكفون متضايقة ومدري صح اكتب مشكلتي هنا ولا انا كنت كاتبه اني اخذت موعد عند الدكتور البقنه...

ملهمةاحساسة :

ماشألله تبارك الله

ماشألله تبارك الله

فاااتن*_* :

لااله الاالله

لااله الاالله