داخل أسواره :

نرجع لمحور حديثنا اقصد قصتنا طبعاً خيم الصمت علينا قليلات وشويات وأنا مكورة وبوزي شبرين وشوي ويطيح بالأرض قام ناداني حبيبتي هاه وش قلتي تعوذي من ابليس وهيا طلعنا البيت قلت اطلع ليش ؟ اصلاً ليش ابغى بيت ؟ وش يعني بيت ؟ بيت ما فيه ورعان ما ابغاه ؟ يا اخي افهم المال والبنون زينة الحياة الدنيا ؟ مو الزواج مو الحب مو الرجل مو المرأة بعدين أنا لو ضاع عمري من يقدر يعوضني عنه لكن أنت تقدر بأي وقت تنجب قال انا اتزوج غيرك لا والله حتى لو طلقتك والله ما ادور الحريم بعدك ويحرمون علي حرمة امي قلت ايه كلام لكن بعد كم سنة بتتمنى العيال واكيد بدور عليهم وانا مثلك من حقي ادور عليهم قال يعني انتي خلاص مفكرة ومخططه و مقرره والامر عندك منتتهي سكت وسكت وسكت رجع قال هيا نطلع البيت وفكري زين وإلي تبغينه بيصير لكن شوفي وخذيها مني كلمة لو لمحتي لأي مخلوق بالدنيا أنك تبين الطلاق مني انسي نرجع لبعض انسينا للابد لا تخدشين حبي لك وانا والله غيرك ما ادور المهم فتحت باب السيارة ودخلت البيت وانا داخله كنت افكر بأخذ هدومي وأتصل بأهلي يجون يأخذوني لأني يأست منه أول ما فتحت الباب كان عمي بالحوش معه براد شاي مثل عادته وقاعد وسط العشب طبعاً ما بغيت اشيل الغطا عن وجهي ما ابي يشوف دموعي وجيت اجري بعديه إلي هو يناديني هذي الجوهرة جات عمي كان يدلعني جوهرة بيتنا لأني الوحيده من حريم عياله بنت اخوه والباقيات بنات خال بنات خاله بنات عمه وهيك وطبعاً كلهن مخلفات إلي قبلي وإلي بعدي التفت وقلت ايه ورجعت بطلع قال تعالي وانا ابوك تقهوي مع عمك استحيت اروح واخليه زوجي ما نزل ولا جاء استغربت وش فيه تأخر حسيت بقلق عليه لكن الشيطان راكبني واكابر جيت وقعدت مع عمي وشلت الغطا شاف وجهي وقعد يناظر فيني زين بعدين قال انتي تبكين ولا عيونك تعبانه اهلك فيهم شيء على باله كنت عند اهلي قلت لا ما فيني شيء وما رحت لاهلي كنا بالسوق قال وش شريتي قلت ما عجبني شيء قال يا كذبك كذباااااااااااه يا هالبنت وين فلان قلت مدري وصلني بس مدري وش به ما دخل قال يمكن راح يقضي له غرض وصب لي فنجال ومده علي اخذت الفنجال واشربه وهو حار من الي فيني ما عاد احس قال يا ابوك الفنجال حار اصبري يبرد قلت طيب قال والله فيك شيء زعلك الثور والله لا اخذ حقك قلت لا ما زعلني قال ما تبين تعلميني قلت ياعمي تكفى خلاص الله يخليك وانا اقعد اصيح واصيح بحيلي كله ويمسكني يضمني واقوله ابي اروح لاهلي تكفون ودوني الله يخليكم قال يعني زعلانه قلت يا عمي ابي اهلي ابي امي تكفون واشوف عيون عمي كلها دمع يقول بنت اخوي تطلع من بيتي زعلانه قلت ماني زعلانه لكن تكفى يا عمي لو تحبوني بروح وش تبون فيني ليش تجاملوني وحده ما خلفت وش تبون فيها قال اعوذ بالله من الشيطان الرجيم وش الكلام هذا هو قالك شيء عشان العيال قلت لا ما قال ولا عمره قال لي شيء لكن انا بروح لاهلي خلاص ما ابغى زواج تكفون قال ابشري والله لا اوديك روحي غسلي وجهك وتعالي واوديك وتراني بزعل وانا ابوك لو ادري انه مزعلك ورحتي تدورين حقك عند اهلك وانا هنا طبعاً عمي بالدور الاول بيته وحنا فوق باني لكل واحد من عياله شقه اربع غرف ودورتين مياه وصاله قدامي بالشقة حرمة اخوه الكبير وتصير بنت خاله تزوجت قبلنا وعندها سبع عيال وطيبة بنت حلال تحبني وكل عيالها مثل عيالي ويحبوني ودايم تخليهم عندي واسبحهم والبسهم وقفت عند بابها ودي اسلم عليها وعلى عيالها قبل اروح <<<<<< مسويه بتودع يعنني ما قدرت ادق الباب عليهم طلعت مفتاحي ومن الدموع ما اشوف فتحت الباب الا واخوه الوسطاني الي متزوج بنت عمته وجايب خمسه نازل من فوق ويتنحنح وانا اتلخبط ما عاد عرفت افتح الباب مر جنبي وسلم وقعد يسأل كيف الحال <<<<< هذا وقتك انت وجهك انا اغني وداعيه وانت تنشد عن الحال المهم فتح الباب ودخلت واروح غرفتي واخذ شنطة واعبيها هدوم بعدين قلت لا وش هذا تجرحينه اكيد الحين برا ولو شافني طالعه بشنطة بينصدم ويزعل واخذ كيس مقاضي خخخخخخخخ واحط فيه قميصين من ابو كلب وبجامتين ابو بسه ووعطر وروج << حتى بالزعل تفكر بالزين ونزلت لعمي والقاه لابس ثوبه ويدور بالحوش يوم شافني قا ل تأخرتي قلت عسا بنت اخوي هونت ولا هان عليها فراقنا واقعد اصيح يا عمي تكفى خلاص انا بروح يومين اريح نفسيتي شوي قال وش هالنفسيه الي طلعتوا لنا بها الصغار نفسيه والكبار نفسيه المهم طلع شغل الوانيتت حقه خخخخخخخخخ واطالع يوم طلعت ادور سيارة حبيبي ولا لقيتها وقلبي نغزني عليه ياربي وين راح ذا الخبل وطول الطريق عمي يهرج مدري وش يقول انا افكر بزوجي وافكر كيف بنام بعيد عنه كنت لا رحت عند اهلي ما يخليني انام الا ينام معي يقول لو ما احضنك واشم ريحتك ما يجيني نوم وانا بعد مثله وابوي معطينا الملحق لانه يحب زوجي كثير حتى خواتي كانوا يغارون يقولوون وش معنى هم باني لهم غرفتين اكيد ابوي كان يواسينا لاني الوحيده الي ما خلفت نوع من التعويض يعني المهم يوم جيت انزل قلت عمي سلم لي على فلان وقوله تصبح على خير <<<<<<< ما فيه حيا ولا مستحا قال ابشري يا ابوك ولو اني ادري انه بيزعل مني لاني جبتك ودخلت عند اهلي ويوم دخلت وكيسي بيدي سلمت ومتماسكه لكن العلامات باينه بوجهي تعبت <<<<<<<<<<< فلم هندي عشر ساعات وبالاخير نطلع انا وهو اخوان خخخخخخخخخخ

نرجع لمحور حديثنا اقصد قصتنا طبعاً خيم الصمت علينا قليلات وشويات وأنا مكورة وبوزي شبرين وشوي...

*ملاذ* :

السلام عليكم ياسمونا بشري حللتي مره ثانيه والا لا ؟ الله يفرح قلبك يارب وكل مسلمه ويعوض عليك وعلينا .... بنات الي حملوا الله يتمم لهم يارب عندي سؤال هل امتنعتم عن القهوه والشاي والا لا ؟ لأني دائما اوقفها قبل العمليه بشهر ومايصير حمل واحس انه مو صحيح الي يقولون انه يمنع الحمل وماله علاقه .... الشئ الثاني افكر اسوي منظار على الرحم وانا قد سويته مرتين . هل كثرته مضره مع ان محد طلبه بس انا فشلت اربع عمليات ورا بعض ودائما يقولون يعمل بعد فشل كذا عمليه شوروا علي التحاليل المطلوبه واي شئ احتمال يكون هو سبب الفشل الله يرضى عليكم ويرزقني واياكم وكل مسلمه .....

السلام عليكم ياسمونا بشري حللتي مره ثانيه والا لا ؟ الله يفرح قلبك يارب وكل مسلمه ويعوض عليك...