أملي قريب
ربي يوفقك و يسهللك امرك و يجبر بخاطرك و يكرمك بالحمل الثابت السليم و التوائم الجميلين البنين و البنات يارب وا نا و جميع البنات في التجمع من عرفنا و من لم نعرف يارب.

طفلي انتظرك بشوق
ربي يسعدك انا دكتوري كتبلي دوفاستون من بعد السحب لمدة عشر ايام مرتين في اليوم اجابة على سؤالك .

دلوعة حبيبها
يارب يريح قلبك و يسر خاطرك يارب لا تحزني و تصبري بالامل كله نصيب و قسمة من رب العالمين الله يصبرنا و ما يحرمنا يارب.

بعدي عن الاعشاب خذي دوفلاك او حبوب للغازات للحامل من الصيدليه

مابعد الضيق الا الفرج وكلي امرك لله واعملي بالاسباب والله يرزقك

عآدي

الله يثبته لك ولا يحرمك اعدي وتصدقي وحصني نفسك

على حسب فوق 5حمل لكن هل يتضاعف اولآ

لآ مايبان شوفي معامل البرج اتوقع 200

.كيف نزل كان عندك نزيف اوايش
الله يعوضك خييير

عآدي الحبوب والشوكلا ببدايه حملي كنت يوميا آكل حلا وخلصت شهر ونص وباقي نفس الحاله


ايه عآدي بس بحذر لا تجهدي نفسك

لازم تاخذي ابر تثبيت انتبهي وكمان عيدي التحليل الرقمي



إن شاء الله حمل وتفرحي فيييه

السلام عليكم بنات

في كلام بقلبي حابه اقوله سبق وسمعته من اكثر من دكتور
بس ماصدقت الا لما شفت بنفسي

دائماً الدكاتره لما تسئليهم عن شي قريتيه بالنت سلبي
يقولولك مايسئل الا اللي تفشل عمليته اللي تنجح وياكثرهم 
مايقولو يخافو من العين واساسا مايحتاجو يسئلو لان تجربتهم ناجحه ماشاء الله

طيب ليش انا جالسه بقول كذا
امس كنت ابحث بالمنتدى عن ناس نفس حالتي ومشكلتي
فلقيت وحده نفس حالتي بالضبط كانت تشتكي من مشكلتها ومو عارفه ايش تسوي
وكانت باحد التجمعات السابقه وكل عملياتها الفاشله مكتوبه بالتفصيل
فدخلت ملفها وقلت بشوف ردودها يمكن القى شي يفيدني ويمكن حملت
فتفاجئت بعد اخر عمليه فاشله مادخلت اي تجمع 
غير قسم الحمل والامومه ومغيره نكها وحامل بشهرها الاخير وتسئل 
عن مستلزمات البيبي اللي لازم توفرها قبل الولاده *ماشاء الله لا قوة الا بالله*
كنت اتمنى كتبت الحلول او النظام اللي اتبعته او دخلت احد التجمعات وبشرتهم بحملها
بس مالومها كلاً وظروفه الله يوفقها ويحفظلها ماجابت 

الثانيه 
كمان نفس وضعي كانت تشتكي من تقدم العمر و
كان اخر موضوع كتبته اللي هو نفس حالتي 
واكيد كانت باحد التجمعات تسئل 
لما دخلت ملفها بشوف ايش صار عليها ويمكن استفيد
لقيت انو لها قرابت السنه مادخلت ودخلت قريب ومنزله موضوع
عن حالة بنتها مع حليب الاطفال والدكتور غيرو لها وماناسبها *ماشاء الله الله يخليها بنتها*

الثالثه مو بالمنتدى
وحده من صحباتي 
لما حملت دقيت عليها ابشرها لانها متأخره بالحمل مثلي
ودايم تسئلني ايش صار علي وايش سويت ووين اروح
وكيف اشعة الصبغه مؤلمه او لا واحيناً يدخلها اليأس وتبكي واهديها
فقلت ابشرها لانو حاسه فيها وبعلمها مافي شي مستحيل 
كنت وقتها حامل بلاسبوع الخامس وهي كانت حامل بالرابع وماقالت لي
ولا احد يدري غير اهلها واهل زوجها
لان الشيخ وصاها ماتقول لاحد وتلتزم الرقيه لين الولاده
ماعرفت انها كانت حامل لا انا ولا صحباتنا الا بعد ماولدت وجابت ولد *ماشاء الله الله يحفظه*

ماكذب عليكم بكيت لانو انا على نيتي 
واول حمل بشرتها وبديت بالمتأخرات مثلي لاني اعرف حاجتهم للتفاؤل
لاكن لما عرفت السبب مالمتها لانو ماجاء بالساهل الله يوفقها


كل اللي ذكرتهم فوق مو حسد بس بقولكم 
والله الغالبيه مايقولو حملهم يخافو من العين وهذا من حقهم

اللي بوصله اغلب اللي تنجح عملياتهم يختفو او مايدخلو تجمعات
او مايعترفو اساساً انو عن طريق العلاج حملو وبرجع اقول من حقهم

لا تأثر فيكم العمليات الفاشله *الله يعوضهم خير*
ترى اللي تنجح عملياتهم اكثر بس نادراً مايقولو واسئلو اي دكتور وشوفو ايش يقولكم

الله يوفق الجميع

توفي
الله يفرحك ياقلبي


ايفيتا
الله يسمع منك اخبارك قلبي

طفلي انتظرك
كلامك سليم. وكلا حسب ظروفه وخوفه ع الحمل او تخاف احد يعرفها بالمنتدى.
وكثيرررر قصص نجاح.

بنات عندي فكره روعه
شفتها بمنتدى اجنبي
موضوع مثبت مو للنقاش والشات
لا يكون فيه اسئله معينه عن كل شي بس مختصره للعمليات
وكل وحده تدخل تكتب ومنها يصير مصدر ومرجع للتفائل
ان شاء الله اقترحه للمشرفات ونستفيد تعبنا واحنا ندور بالصفحات وتطير المفيده