انا ماعندي خلفيه في التحليل الرقمي
لكن اتوقع دام النسبه ترتفع معناته الجنين سليم وقاعد ينمو
لان لو لاقدر الله فيه شي النسبه ماترتفع

يالبنى مريت على التجمع قلت اعلق اتذكر او ل حمل لي حللت وكان فيه حمل ورجعت يمكن بعد 4ايام ولقيوا النسبة نزلت انتي ماشاء الله ترتفع فيه حمل بس يمكن متاخر وسوي سونار ترتاحي ويارب تكوني أجمل حامل ياقمررري

يابنت الحلال لاتقلقين ولاتتوترين والله ان الي عند الله افضل واصلح لك

بالعكس ينزل ومايستمر افضل من انه يكمل ولاقدر الله يكون فيه شي

واضح ان النسبة دليل ان الحمل مو سليم

ادعي ان الله يكتب لك الي فيه الخير اذا في هالحمل خير يكمل على خير واذا فيه شي انه يعوضك باحسن منه

حاسه فيك لاني مريت بنفس التجربة والحمدلله نزل وربي عوضني باحسن منه

السلام عليكم ورحمة الله وبركاته

كيفكم خواتي
وجزاكم الله خير على دعواتكم الطيبة
الله يرحم عمتي ويغفر لها ويجعل قبرها روضة من رياض الحنة
ويعطي امي الصحة والعافية ويطيل عمرها على طاعته

اسال الله العظيم ان يرزقني ويرزقكم الذرية الصالحة الطيبة
ويبشرني بحملكم عما قريب


توفي .. فديتك كم فرحت انك شريتي لعيال اخوانك هدايا
وان شاء الله بدا ينكسر حاجز هم اطفال الاقارب عندكم
فديت ولد اختي الحين ناشب لاهله يبي يجيني بالرياض
وكل مرة يكلمني يقول بابا ما جابنا عندك انت تعالي وانا بالاجازة كنت اقوله الطيارة زحمة ما اقدر
وباقي يصر هو الطيارة ما فيها مكان لك
انا اجيك ما عليك وكل يوم على هالحال
عنده امل فديته بس ان شاء الله اشوفه قريب


خنوسه
فديتك يالغالية انت من البنات الي فادوني بالنصايح الله يجزاك خير بصورك والاطعمة المسموحة والممنوعه
انا لي تسع سنوات ونص متزوجة والعيب من زوجي ضعف حركة ونسبة تشوهات عالية
والحمد لله نجحت عمليتي الاخيرة بعد محاولتين حقن مجهري فاشلة تعلمت منها الاخطاء الي عملتها فيها وتلقيح صناعي ما نجح

والحمد لله الحين خلصت 8 اسابيع حمل ربي يحفظ لي جنيني ويرزقني اياه سليم معافى صالحا طيبا مرضيا لله وللرسول



بناااااااااااااااات
لا اوصيكم بالصدقة ابتغاء مرضات الله والاجر وربي بيحدد لك وشو هو اجرك
انت ثقي بالله تعالى
الاسبوع هذا انصدمت بفرج الله علي قد يكون الصدقة الي تصدقت بها سبب الاجابة
باقولكم قصتي ويعلم الله اني لا اريد من ذلك رياء ولا نفاق
بعد فشل عمليتي الثانية
سافرت لاهلي
وصادف بعد اسبوع او عشر ايام من روحتي لهم جت شغالة لاخوي ساكنين جنبنا
سبحان الله
رحت اسلم على الشغالة وارحب فيها كانت اثيوبية و الحمد لله تتكلم انجليزي شوي فاتكلم معها بحدود معرفتي ومعرفتها
وفي نفس الاسبوع رحت السوق وقضيت لها شويت اغراض واعطيتها وقلت هذي هدية ترحيبية لك
وفرحت وراحت لبيت اخوي الي تشتغل عندهم
وانتهى
ومرت خمس اشهر لحد ما حملت الحمد لله وجاء خبر حملي وكانت من الناس الي بكى لحملي وفرح لي رغم اني عايشة بالرياض واهلي بالجنوب يعني اشوفها بالزيارات اذا سافرت لاهلي
الخلاصة يا بنات
ادري طولت عليكم فسامحوني
اهلي جو زيارة لي حاليا ومعهم الشغالة
وجبنا طاري الليلة الي بشرت اهلي بحملي وكانو اخواتي وامي يوصفون لي الاحداث
وشوي الا الشغالة تقول والله انا كنت ادعي لك في صلاتي وارفع ايدي في الصلاة واقول يارب وادعي لك بالحمل
وكانت تقولها ودموعها تنزل
سبحان الله وقتها سكت ما عرفت وش اقول لكن تاثرت من داخلي قد تكون دعوتها اجيبت لانها في غربة ومحتاجة ومضطرة
الكل كان يدعي لي ومتاكدة من هذا الشي لكن هي اثرت فيني انها عشان هدايا بسيطة وابتسامة او كلمة كيف الحال لها كانت تدعي لي بصلاتها
اسال الله العظيم ان يكتب اجرها ويجمعها باهلها من غير شر وييسر عليها ايام غربتها

حبيباتي لا تستهينين بالصدقة على فقير او صغير حتى الحيوان او شربة موية على طفل تسقينه
كل شي احتسبيه صدقه لوجه الله وابتغي الاجر منها



سامحوني اطلت عليكم
اسال الله العظيم ان يرزقني ويرزقكم الذرية الصالحة الطيبة وان يبشرني بحملكم عما قريب
انه على كل شي قدير

احببببببببببببكم في الله
اختكم
صمت

السلام عليكم كيفكن بنات اخباركن اتمني الكل بخير وربي يحقق امانيكن بنات انا مقبله ان شاء الله وتفجاة فيني التهابات مهبليه بكتيريه وفيني فطريات رحت وعطوني تحاميل خمس ايام ومضاد حيوي زنات وخلصته ورحت فحصت ثاني قالوا لا للحين طلع فيك نوع جديد , التهاب بكتيري نوع جديد والله بنات جدا حسيت الدنيا سكرت بوشي ليه من شنو هالالتهابات وانا جدا نظيفه واهتم بنفس الحين اخذت مضاد نوع جديد مناسب للالتهاب الجديد فيدوني بنات بنصايحكم > واخذ ثوم وروب