بنات ارد عليكم من الايباد فمافيه اقتباس

الله يبارك فيكم ويارب تحملوا وتشوفنه بين اياديكم

فرحت والله يابنات لمن شفت ردودكم لي

ماتوقعت احمل ابدا وكنت مخططه على اطفال انابيب بشهر 2 بس اخلص تدريبي وكنت احاول طبيعي من طلعت من الاربعين وكنت احلل وكل شهر قبل يوم الدور ومتاكده انها دورة بس قبل هالشهر بدا معي شي غريب
قبل يومين من الدورة وهو حساسية جلد تحت شفايفي وهي كانت معي يوم كنت حامل بالتؤام اخذت فاحص حمل وشوي ويطلع خطين واحد خفيف مره لدرجة قلت هذا خط التبخر
واليوم الثاني كنت تعبانه في الدوام بس اشيل واحط اشياء وتعبت وكل شوي اطلع للحمام احسها راح تنزل وانا راجعه اخذت تحليل وحللت وطلع خطين ولاصدقت وخبرتكم وفرحتوني وخليتوني اصدق اني حامل

شكرا لكم ياحلى واعز خوات ربي يفرحكم ان شاء الله اليوم وخبرت زوجي مره انبسط وكل شوي يقول انا قايلك تقدرين تجيبين طبيعي

يارب يتمم لي واشوفه جنيني سليم معافى يارب

شوي وراح انزلكم وش سويت

بنات بكره ان شاء الله ٩ الصباح عمليه السحب لاتنسوني من دعواتكم متوترة مره وأدعو لي ان عينه زوجي تكون زينه

هبوشه مبروووووووووووك يارب فرحتلك زي فرحتي بالحمل

يارب يتمم لك

حواء متعلمة وهبوش الف مبروك ، الله يتمم لكم على خيررر يارب، هبوش هذي العملية رقم كم وكم وحدة نجحت معك، ربي يرزق الجميع ويسهل لنا جميعا الحمل السليم المعافى التام.

ياعمري ياكيكة توكلي على ربي باذن الله تطلع زينه انتي وزوجك اليوم كثرو استغفار والصلاة على النبي ودعي من قلب انتي وياه بدعاء يونس باذن الله تجين تبشرينا

ياحبيبتي ياهبوشه والله اني احبك في الله الله يسعدك ويفرح بشوفة اطفالك