انا كنت مثلكم لدرجه اذا حمل احد اعرفه اقعد اصيح على اخر درجه اتقطع ونفس اليوم حزينه ثمن الحين اقتنعت ان اصلن ربي اللي مانعني من هذا الشي وربي يحبني ليش احزن واني مهما صار ليش احزن عادي وسعي صدوركم جد والله

ولميس
الله يعوضك حبيبتي ويصبرك ويفرحك بالقريب العاجل انا حللت الإربعاء الي فات ولعلمك ما ستلمتها وهي هرموني بس دقيت وقالت نيقتيڤ صبخت بسماعة التليفون والحمد لله تصبري اختي وشوفي مصيبة غيرك تهون مصيبتك يعني انا يوم شفت في بنات مسويات على7 و8 عمليات انابيب وماشاء الله متفائلات ويحاولن وعندهن عزيمه خفت علي مصيبتي والله إني طالعه امس مابحسابي إلا اقل من عشرين ريال راحت فلوسي على هالعملية يعني غير التعب الجسدي المادي صار ميح وقاعده ادعي ربك يفرجها ربك كريم وحنا كلنا شوفينا حنا بالملف الي مرتين وإلي ثلاث محاولات فشل أنا كلمت نيقتف سمعتها اربع مرات خلال ثلاثة شهور لاني كل عملية تحليلين عادي وبعده هرموني وإن شاء الله يبي يجي النجاح شوية صبر شوفي ماشاء الله الي حملو كم مرة فشلت عمليتهم بس ربي جازا صبرهم وفرحهم الله يتمم عليهم ماشاء الله ويعوضنا

كيفكم اخواتي مبروك التجمع الجديد 
ان شاءالله الجميع بخير 
والله يتمم علينا ياالله

خلوني ابكي ولميس وليندا الله يعوض عليكم
وإن شاء الله تنجح المرة الجاية فشل العملية مو اخر الدنيا
والله العالم وهو اللي يدري اذا الحمل في صالحنا والا لا
خلوني أبكي أنا نفس الشي زوجة الولد البكر واخوانه اللي اصغر منه اللي تزوجوا كلهم عندهم على اثنين واصلا ماتزوج اللي بعده الا بعد ست سنين على زواجنا
تعرضت لابشع المواقف لانه اهله مايعرفون العلة من مين والا ايش الموضوع
كنت ابلل وسادتي من الدموع طول الليل او اجلس ادور في الصالة وانا ابكي بس بدون ما يحس بو الشباب لانه راح يحس بالذنب وانا ما ابي احمله فوق همه
مع ذلك كنت متيقنة إن الله كريم و بيرزقني يوم من الأيام
صحيح بعد الفشل في العملية الاولى انصدمت لانه المبلغ كنت محوشته حق ظرف معين وفجاءة طار بدون نتيجة
بس يقيني بالله نفس ماهو إن الله رحيم وبيرزقني إن شاء
ورجعت سويت العملية في ثالث دورة بعد الفشل وغيرت المستشفى مو من باب ان الدكتور فاشل او سيء لا من باب غيروا عتباتكم ترزقون وماكنت ابي اتذكر تفاصيل العملية الفاشلة اذا رجعت
اللي ابغي اقوله
الفشل مو اخر الحياة
صحيح المبلغ مو هين بس احتسبيه عند الله
ثقي تماما ان الله ارحم مني ومنك بعباده
غيري المستشفى مو عشان شي بس عشان ما تتذكرين و ياثر على العملية اللي بعدها

و الثقة بالله اهم شي هي اللي خلتني احمل بعد ١٤ سنة حرمان يارب يارب يثبته لي واشوف كل العالم اللي ظلمتني الله راد كيدهم في نحرهم