أضواااء رماااديه :

سيبتسم لنآ الحظ يوماً و ننسى مَاض أرهقنآ, سنَسجد لله فرحاً وَ سنمضي لمستقبل تمنينآه..فقط لنصبر قليلآ..♥لك الحمد يا الله♥ 👏👏👏👏👏👏👏👏👏👏 السلام عليكم حبيباتي وشلونكم كلكم وكيف احوالكم جتكم اللي تكتب بالاخضر خخخخخ على قولة وحده من العضوات الله يذكرها بالخير ابارك لحواملنا الجدد كلهم لافرق الله شملهم الله يتمم لكم جميعا والعقبي لكل البنات المنتظرات للحمل داخل تجمعنا وخارجه واخص بالتبريك نرمين نرمين صاحبة العباره الي لطشتها من توقيعها واقولك ربي يتمم حملك ويبارك لك فيما رزقك ويارب تشوفينه بعد تمام حملك بالسلامه وتفرحين فيه مدري شلون اوصف شعوري لما قريت توقيعك حسيت بجد انها رساله ربانيه جت في لحظات احباط ويأس حسيت فيها لي ولكل وحده محبطه او مهمومه اوحاسه ان الدنيا تعثرت حولها شكرا من الاعماق يانرمين يا الغاليه ماتدرين قديش هالكلام دعمني نفسيا وجبر بخاطري وفرح قلبي ياربي لك الحمد حمدا كثيرا على نعمك التي لاتعد ولاتحصى الحمدلله الحمدلله الحمدلله والان اوجه كلامي لاخواتي اللي ربي اراد ان يمتحن صبرهم واختارهم من بين البشر ليبتليهم ويختبر ايمانهم لميس؛؛؛؛؛ خلوني ابكي ؛؛؛؛؛؛؛ كل وحده فينا فشلت عمليتها ان الله اذا احب عبدا ابتلاه ربي اراد ان يسمع اصواتنا ندعوه نتضرع اليه عشان كذا ابتلانا والحمدلله حمدا كثيرا كلنا نتقلب في النعم اللي لاتعد ولاتحصى عندنا نعمة العقل والاسلام والحواس والصحه والعافيه وحولنا حبايبنا فياربي لك الحمد والشكر من قريت كلام لميس وخلوني ابكي حسيت بلحظات حزن ضعف لاني جربت مشاعرهم وشربت من نفس الكاس بس كلام نرمين فوقني وصحاني وخلاني اردد الحمدلله لميس يا قلبي حسيت فيك لاني حسيت بالفقد مثلك فقدت طفلي بالسادس بعد ماتعلق قلبي فيه وتحرك ببطني وجهزت له ملابس وكويتهن وطيبتهن وصففتهن بالدولاب وكنت استناه كل ليله واستودعه ربي ما اقولك نسيت ولكن تجاوزت المحنه وكررت العمليه لحد ماعوضني ربي ورزقني باللي تمنينه واكثر الحمدلله وبالضبط نفسك كنت اجمع ثمن العمليه الفلس على الفلس والحمدلله هذيك العمليه كانت اصعب من اللي قبلها سواء ماديا ونفسيا بس الحمدلله ماتضيق الا تفرج عشان كذا اقولك هالكلام عشان تنفضين غبار اليأس وتجددين العزيمه وتتوكلين على ربي بالاول والاخير وقبل كل شي لاتنسين الصدقه تجبر قلبك مفعولها عجيب عيدي العمليه وانا اختك وبتنجح باذن الله خلوني ابكي ياعمري نفس الكلام وحاولي تقدمين عالتخصصي او المدينه الطبيه يمكن يقبلونكم والحرس كفاءه ماشاء الله بس اكيد لهم عيوب حتى الخاص له عيوب انا الان في مرحله الاستعداد لي اسببوعين مداومه على حمض الفوليك حبه في اليوم والزنك حبه في اليوم وخليت زوجي ياخذ معي الزنك حبه ثلاث مرات بالاسبوع واعطيه خليط عسل النحل الاصلي مع حبة البركه وحبوب اللقاح ملعقه صغيره على فك الريق تساهم باذن الله في تحسين جوده الحيوانات المنويه وكمان قاعده احاول اخذ مويه بكثره تقريبا اربع لترات مع ان الشتاء مايعطش الواحد كثير بس الشكوى لله يهون والرويال جيلي ببدأ فيه قبل العمليه بشهر ان شاء الله والان محتاره بين الدكتور بندر العبدالعكريم في مركز بنون وبين دكتوره زينب بالحبيب لان زوجي لازال رافض فكرة العلاج عند دكتور رجال😪 ولا انسى بعد معلومه احاول اطبقها قد ما اقدر اكل علبة روب يوميا تنشط الفطريات المرغوبه وتقضي على الفطريات الضاره في الجهاز التناسلي كلها اسباب والمسبب هو رب العالمين وحده صديقاتي القديمات المخضرمات بشروني عن احوالكم عقب ماخلصت الهذره فضيت اسأل خخخخخخ لولي يابعد الدنيا والله اني اعجز وشلون اعبر لك عن محبتي يشهد ربي ويا اني استانست حيل برسالتك وقمت طايره اوريها زوجي اقوله شف الناس الذربه شلون تتكلم خخخخخخخ

سيبتسم لنآ الحظ يوماً و ننسى مَاض أرهقنآ, سنَسجد لله فرحاً وَ سنمضي لمستقبل تمنينآه..فقط لنصبر...

نرمين نرمين :

فطومة ما يصير تحولينها بدل حقن مجهري الى حقن صناعي؟؟ وايش المشكلة اللي خلتك تلجأين للانابيب

فطومة ما يصير تحولينها بدل حقن مجهري الى حقن صناعي؟؟ وايش المشكلة اللي خلتك تلجأين للانابيب