بنات كيفكم وش اخباركم
انا لي 3 ايام او اكثر تعبانه بطني مرة يوجعني من بعد الابره التحضيريه مدري منها ولا لا تعبانه مره ودوخه وغثيان

فريده .. حياة الروح .. أشعة الأمل ~~~> آمين يارب العالمين ولكم بالمثل وأكثر وأكثر الله يسعدكم مثل ما أسعدتوني بدعواتكم الحلوه ... واي والله صدقتو :( الله يعدي هالأيام ع خير يااااارب ويسعدنا جميعا بتمام الحمل تسعة أشهر وشوفتهم بأتم صحة وعافية خادمين للإسلام والمسلمين يارب العالمين

فرحة ~~> الله يرزقك فرحة من حيث لاتحتسبين يارب العالمين ويرزقك الصبر ويخلفك خير ويقر عينك ويحقق مناك يارب ...


طفله ~~> الله يسهل أمورك يارب وتتلقح البويضات ويكتب لك مافيه خير .. اهم شي وقت الترجيع لا تكونين مره تبغين الحمام خليك وسط ان شاءالله ع خير ..


مقبله ~~> يالله شدي حيلك والله ييسر لك متفائله خير لك ان شاءالله .. بس لا تنسين الإستخاره قبل كل خطوه والدعاء ربي لا تذرني فردا وانت خير الوارثين 40 مره بالسجود وحاولي تقرين البقره لو 5 اوجه يوميا ... والله يسهل دربك يارب



شمس ~~> الله يجزاك خير ع الدعوات والطله الجميله وربي يخلي لك ماعطاك ويرزقك برهم ..

في اي مرحلة أنتي حبيبتي ؟

وعموما أجسامنا معرضه لكثير من الأعراض لان أغلب الأبر والادويه اللي ناخذها هرمونات والهرمونات لابد تحدث تغيرات ع الجسم بعد الله ...

مراحب بنات معليش داخله مندفعه واللي بقوله ماله شغل بالموضوع


بس منقهره وحده معي بالعمل جايه تقولي ابي اشوف زوجك قالو انه وسيم بلا وجع وش ذا انا خفت قلت لها ماعندي صورته ردت لا لازم اشوفه


عاد انا زهقانه وتعبانه من الدوره شرفت وبهدلتني مو رايقه لها ابدا


يابنات كنت أقول ممكن ما تجي هالشهر وانا المفروض بطلع اجازه شهرين جالسه احلم وأقول ان شاء الله ارجع الدوام وانا حامل بالشهر الثالث ومن غير عمليات بس ياربي استغفر الله ماكتب تعبت والله تعبت


بجلس شهرين بسافر كم يوم اغير جو ثم مع الدوره الجايه بسوي العمليه اجألت الان 8 شهور وكان عندي امل يصير طبيعي بس الحمدلله على كل حال


ادعولي يابنات ادعولي احمل طبيعي هالشهر ماابي عمليات متعبه والنفسيه والانتظار وبضطر اسوي العمليه وانتظر من غير زوجي بسافر عمل :(


المشكله بسبب عمل زوجي وانشغاله معظم أيام التبويض ما يصير ....... فكيف بصير هالطفل هالشي تاعبني


والعمليتين اللي فشوا ابر التنشيط ما تتناسب مع جسمي والحل تعبت


ياربي يعطيني ويعطيكم