السلام عليكم ورحمة الله وبركاته  ،، راح انظم ان شاءالله لكم،وكنت معاكم بتجمع القديم،وفشلت عمليتي،وان شاءالله هالتجمع يكون خير علينا جميعا وتنجح ونحمل في احلا تواءم،
حبيباتي الله يتمم على الجميع ويسهل اموركم،،
انا اليوم نزلت علي الدوره،وكنت مخطططه على د،الجوهره المطوع لكن للاسف مالقيت موعد الا الاحد ويكون  رابع يوم فمااتوقع يمديني عليها،وقالو اسبوع وبتاخذ اجازه،،فاحترت وتلخبطت انا مرره فرحانه انو زوجي موافق وراضي،،وفكرت في  بند العبدالكريم،قريت تجارب عالسريع عنه وارتحت له  مع اني ابدا ماابي دكتور،لكن الحاجه وحجزت السبت انتظار،،وانصدمت برفض زوجي الشديد اللدكتور،يقول لازم دكتوره  وايفضل الجوهره  كلنا مرتاحين لها مع ان عمليتي الاوله اللي فشلت عندها،،
مررررره تلخبطت ،وقلت استشيركمم،اروح لزينب ابوطالب في الحبيب،او انتظر لشهر الجاي،مع ان هالشهر انسب شهر لي ،،،
انتظر اراءكم عسى ربي يفرحنا جميعا 

ياخوات لازم نصبر ونحتسب الاجر
انا سليمه وربي رزقني في انسان عنده ضعف ولي خمسه سنوات واكيد 
في حكمه في ذالك
والله زوجي بآر بامه مرررره واحسن اخوانه وهو الي،قايمه في امه 
والله لما اشوفه مع امه لما يقابلها يضمها ويبوسها ويجلس يمكن كم دقيقه 
يبوس امه ولما اشوف هالمنظر اقول يارب ارزقنا في هالبر 
لكن نحتاج صبر ورضا 
ودايم الواحد يدعي (يارب ارضني بما قسمت لي)
والي ماعندهم ماديه ليه مايجربو الحكومي 
والمستشفيات كلها واحد هم اسباب فقط لكن الحمل بيد الله وحده

بنات بسألكم انا اليوم خامس يوم من الترجيع واحس بآلام بصدري نفس الي تجيني قبل الدوره
خايفه طمنوني

كلامكم بلسم الله يسعدكم ويوفقكم ويرزقكم يا خواتي بتجمع الأمل ❤️

~~~~~~~~ ** ~~~~~~~~~~

الـو بابا ؟
هلا بنتي، هلا يا دنيتي انتي ♡ !*
ء http://t.co/fdb4mKTdMD

جدا مؤثره

ألو .. بابا

هلا بنتي , هلا يا دنيتي انتي
هلا يا ضحكة ايامي
يا فرحي وصوتي وصمتي

علامك ساهره بابا؟
الين الحين ما نمتي؟
وش تقولي!!
يزعلونك؟!
من اللي زعلك قولي؟
بأجي الحين واطقه ..

تبي لعبه؟
بأجيب احلى عروسه لك ،
عروسه تشبه عيونك
ولكن هاه ، غطيها اذا نامت
و وكليها اذا جاعت
وش تقولي؟
تطقك ماما لو ضاعت؟
فداك ان ضاعت اللعبه ،
وماما وبابا يفدونك ،

هلا؟ ، وشو؟!
اعرف اكتب!
خلاص شوي انا ارجع ،
اجيك ونكتب الواجب ،

يحاكيها وجنبه صاحبه احمد ،
كسر سمعه ،
لقى في حكيهم متعه ،
نزل دمعه على حاله ،
وسج بلا وعي باله ،
تمنى لو يجي لحظه مكانه ، ويتهيا له ،
واحمد له ثمان سنين متزوج ،
بدون عيال . . .
يموت ، وينعصر قلبه اذا مر بشتات اطفال ،
وفجأه رن جواله ،

ألو ، احمد بتتأخر؟
ترى حضرت لك أكلك ، متى بألقاك قدامي؟

هلا ، لا لا ، ابتأخر ، تعشي انتي ونامي ...

علامك؟ ليه متضايق؟

تنحنح احمد وجاوب ، ابدْ .. جداً انا رايق ،

درت ما هو على بعضه ، علامك قول!
تخبي عن غلا روحك ، تكلم قول وش نوحك؟
انا كلي فدى همومك ،

حكى احمد بلا رحمه ،
خنقتيني ، أبي خِلفَه ، أبي مولود ،
أبي جاهل يشيل اسمي ، يشابه بالشكل رسمي ،
ابي أصحى على ازعاجه ، وأرد ارقد على ازعاجه ،
ابيه يعطل اشغالي عشان ارتب العابه ،
وألبسه مثل ما البس ثيابي تشبه ثيابه ،
يروح المدرسه ويرجع يكلمني عن اصحابه ،
في بالي لو يجي والله مية رغبه ورغبه ،
حكى أحمد ، وصك الخط . .
ولكن حالته صعبه ،

بكت نوره بليا صوت ، تمنت لو خذاها الموت ،
ولا تسمع حكي منه يموتها بلا سبه ،
ألا يا صعب حالتها ولكن ويش حيلتها ،
تمنت بيدها حاجه وتِبَشرْ بالفرح قلبه ،

دقايق بس . .
وطق الباب ،

درت انه بيراضيها ،
ما هو للحين شاريها ،
تِخبَت عن مدامعها ...
وهلت به ،

وقف احمد معه ورده ،
ودمعاته على خده ،
خذاها بحضنه وسالت مدامعها على كمه
كتم حزنه ، ولكن دمعها زود معه همه ،

وقالت له ، بعد ما لملمت من حزنها بسمه ،
تزوج . . عادي ما بزعل ،
بأشوفك أبْ وافرح بك ،
لو غيري تكون أُمه ،
ترى هاليوم هو عيدي ،
ترى من كثر ما احبك ، أحسكْ انكْ وليدي ،

وحط ايده على فمها ،

وقاطعها بقولة اششش ،
اذا بأفرح بمولودي مع غيرك احسه غش ،
قسم بالله يا نوره ، غلاك يفوق تصويرك ،
اذا ما صرت أبو مِنكْ ، أنا ما ابيه من غيرك ،
انا بك مكتفي اصلاً ، مليتي دنيتي انتي ،
يا بنتي ، وزوجتي ، واختي . .
وترى الدنيا كثير اجمل ، وعادي بلا طفل تكمل ،

وتبين الصدق انا مرتاح ،
يجينا طفل ، يكبرنا ، ويزعجنا الى من صاح ،
ويمكن يشغلك عني ، ويمكن ياخذك مني ،
وانا اصلاً عليك أغار ،
كذا أجمل ،
انا من يوم جيتيني وانا صاير لعينك أب ،
يا احلى واجمل واوفى ويا اغلى عطايا الرب ،

يكفي ، عشتك الماضي ، وبأعيشك عمري الآتي ،
الين أشوف شيباتك ، والين تشوفي شيباتي ،
والى من مت انا قبلك ، وصرتي من بعد موتي أُمْ ،
ابيك تصيري أمْ أحمَدْ ، عشان يذكرك فيني ،
ويقولو ما نسيتيني ،

وبكت نوره وهي تهمس ، عسى يومي قبل يومك ،

اقولك سر يا نوره ،
مع ان ما بيننا اسرار ،
ولكني أبي اثبت لك بإني حاسبك بنتي ،
اذا تدرين . .
انا ربعي موصيهم ينادوني ..
أبو نوره ،
💔