أبشري ..

بداية بوقت العمليه هذي المره في رمضان وصوم وكل موعد اسافر ساعتين الله لا يحرمنا الأجر وكانت المواعيد صباحية ..
والأسعار قالو خصم وووو طلع خربوطه واستغلال بشكل فضيع ..
عسى الله لا يخسرنا يارب ويفرح نظرتنا جميعا..



أما بالنسبه ل الاختلافات الأهم
وكان طريقتها بالبرنامج



عمليتي قبل .. ابتدينا ب اليوم 21 من الدوره وجتني الدوره وانا اخذ التحضيريه وبديت بالتنشيط من 2 او 3 يوم بالدوره الي هي الثانيه تقريبا ووقتها خلصت 12 يوم او 13 تحضير

عمليتي هذي .. ابتدت معي بالتحضير من اول يوم دوره ووبعد 11 يوم بدأت تنشيط من غير دوره طبعا


..........


قبل .. بدأت بجونال اف 5 ايام ثم مافي استجابه وغيرت لمونيغون واخت حوالي 12 يوم تنشيط


الآن ... بدأت ع طول مونيغون وطولت تنشيط حوالي 14 يوم ابر .. واليوم 15 تقريبا وقفت تنشيط راحه بس تحضير ثم يوم تنضيجيه ومعاها تحضيريه طبعا



.......................


قبل ... بدون جلوكوفاج وطلع بويضات كثيييره ماشاءالله لاكن كان اغلبها غير صالحه بعد الله يعني بس مويه وكان احجاب البيوضات صغيره وتعبت جدا من انتفاخ البيوضات واحسها تروح وتجي داخل البطن وحتى بالسجود كانها تنكب بالارض :(



الآن صرفت لي جلوكوفاج بهدف انزال الوزن لكن انا الحمدلله لاحضت فرق من ناحية البويضات
العدد اقل بكثير والحجم متقارب وما حسيت بتعب شديد زي قبل وانتفاخ وشي يتحرك لا الحمدلله كان بس الم بالجنب وممكن تحمله



...............


قبل .. مافي الم شديد بالصدر يذكر


الان .. الم شديد جدا جدا خصوصا الحلمات :rotaeye:


...............

قبل .. والآن

الاسترايدول يرتفع ببطئ شديد الحمدلله بس بآخر الايام يصير افضل شوي بفضل الله



...........

قبل .. السحب ألم بسيط وبدأ يخف بعد بيوم تقريبا


الآن .. قوي ويالله امشي او أجلس أو أتحرك :(

ماعرفت السبب اقول ممكن لأن سبق جربت الولاده الطبيعيه وكان فيه خياطه
واحيانا اقول ماله علاقه ما ادري بس للحين ألم



......



قبل .. البنج بسيط وخفيف ومريح


الآن .. أتعبني شوي واعتقد الصيام والجفاف له دور



...................

قبل .... الترجيع بعد 3 ايام


الآن .. الترجيع بعد يومين إن شاءالله ويااارب تبارك لنا وتسعدنا جميعا



.........................................


اممممممم هذا اللي في بالي حاليا


باقي الجانب النفسي ههههههههههه :rotaeye: :laughing:



قبل ... قلق وتوتر وخوف وطولنا نستعد


الآن .. الحمدلله يجيني تبلد هههههههههههه ما اعرف وشو احيانا بس ان شاءالله انه سكينه من ربي
واكيد مع شوي خوف من تكرار التجارب

سواء بحملي اللي فقدته بالسادس او عدم نجاح الأجنه المجمدة بعد الله ...

...............

امممممم

وقبل ... زوجي متحمس ويحن علي ويحاتي وبس يشوف خاطري ووووو



الآن .... بس معصب وزعلان :mad: ونفسية خايسه :( والله كنت توني صاحيه من البنج ونتهاوش تهئ تهئ



..................................................



يكفي هذره هههههه قولي ايش بقيتي

بس ممكن تستفيدين من شي او احد من البنات

او ع الأقل فضفضه لي :laughing: :laughing: :laughing: لأني من زمان ودي اسولف وطفشانة بمنطقة مافيها اهلي ولا احد غير ربي سبحانه :smheart:




وأحبببببكم .. ولا تنسونا من دعواتكم ... الله يسعدنا جميعاااا يارب

لميس اول حمل لي انا كمان فقدته في بداية السادس والسبب الظاهر كنت محتاجه ربط والله اعلم منبعدها بديت اسوي ربط في حملي
انتي ايش سبب ولادتك في السادس؟؟

ياربي والله الألم المره هذي ذكرني بألم بعد الولاده شوي



انتي 5 ايام لأن اذا فيه دراسة للأجنه او تحديد جنس لازم 5 ايام

انا ما طلبت شي وعسى الله يبارك لنا فيها يارب



و على فكره استبشري خير ان شاءالله

دائما اسمعهم يقولون اذا عاشت الأجنه 5 ايام خارج الرحم هذا دليل ان شاءالله انها ممتازه بعد الله وفرص الحمل أكبر بإذن الله

<<لميس>>

حبيبتي الله يكتب لك النجاح في عمليتك ويعوضك عن ما فقدتي ويرزقك الحمل
السليم التام المعافى والذرية التي تقر عينك يارب ..

ياااارب يااارب ياارب العالمين
والله مررره متحمسه ودي انسى تجربتي وفقدان أطفالي الله يجعلهم شفعاء يارب العالمين ويخلفني خير ويفرحنا يارب بتمام الحمل جميعا





ياحياتي فريده بصراحة صععععبة جدا فقدان الحمل لكن الحمدلله ع كل حال
والله كنت بخير واحس برفساتهم ونبضهم كويس ماشاءالله وكنت مجهزه شوي ملابس لهم واغراض ورحت لموعدي وقبلها بيومين معي مغص وتقلصات وقالت كل شي طبيعي قلت تأكدي معي افرازات غريبه
وفعلا طلع الرحم مفتوح 1 سم

وجلست منومه وايام تفاصيلها كثيره نهايتها ولدت بع 10 ايام ولدين قمرين الله لا يحرمنا شفاعتهم يارب ويخلفنا خير وعاشو كم يوم وماتو طبعا ولا يخفاك هذيك الأيام وتفاصيلها :( الله لا يعيدها علينا بشر يارب


طبعا الى اليوم ما احد خبرني بسبب سبحان الله

واكيد امر ربي سبحانه وحكمة عنده

و اعتقد من الأخطاء اني ماربطت ومن رقدوني بدا يجيني افرازات خضرا وفطريات ؟!!! وهلكوني بالكشف الله يقرفهم :confused:



....

وياارب يتمم عليك ويفرحنا جميعا بكل خير