أشعة أمل انا جربت عملت عند دكتور بندر العبدالكريم وقبله كان عند دكتورة لمياء ولقيت فرق بالتنشيط يعني كنت عند لمياء أخذ منشطات وبعدين يلاقوا في مبيض لسا ما استجاب فيزيدوا الابر اما عند بندر ما شاء الله استجابوا بسرعة وبعدد أقل من الابر وما لقيت سبب غير أنه بندر يعطي نوعين منشطات يعني بدل ما يعطيني اثنين أو ثلاثة بودرة يعطني واحد بودرة من ماركة وواحد بودرة من نوع ثاني واضربهم بنفس الوقت

وكان نوع بالعضل والنوع الثاني بالبطن اللي هوه جونال اف

اهلين بنان كيفك حبيبتي انتي ماتعرفيني بس انا اعرفك تاثرت مره لمن قريت انك ولدتي اظن بالشهر الخامس وكنتي في تجمع نسيت اسمه بس اذكر اني كنت متابعه لك من البدايع واذكر كنتي جايبه حبشيه ونفسها شينه هههههههه واذكر لمن سقطتي مررره حزنت عليك ودعيت الله يعوضك ياقلبي باحلا توم من غير علاجات قادر ياكريم

اشعة امل انا زيك جلست يمكن اسبوعين على المنشطات. بس الحمد لله على كل حال كلهن فاضيات الله يعوضنا

شرايين زوجها علا وغلا اذكر قريت قصتك وبكيت الين تقطع قلبي من البكي كيفك وكيف عيالك ان شالله ذاكرتي ماخانتني اذكر جبتي توم ناسيه بسراحه اذا عندك نصايح علشان البويضات ماتكون فاضيه تكفين علميني وجزاك الله خير

السلام عليكم
كيفكم ي بنات انا كنت بالتجمع اللي قبل ذا وجيت بهذا وباذن الله ربي يتمم اموري على خير
والله خايفه ونفسيتي بالحضيض انا عندي ارتفاع بهرمون fsh اللي صار كابوس بالنسبه لي
مدري شفيني متحطمه هالايام وصدري ضايق انا لي 6 سنوات متزوجه وتزوجة الانسان اللي احبه ويحبني كثيره احلامي انا وهو من اول شهرين اخترنا اسماء اطفالنا واتفقنا وكل شي لكن تاخرت بالحمل ولا عمره حسسني اني م اجيب عيال دايم يقولي خليك متفائله ويزعل مني اذا شافني افكر وقاعده ع جوالي هو الرجل الوحيد لي بالدنيا لا اخوان ولا احد ادعو لي بنات ان الله يتوج حياتنا بطفل ينسيني هموم طفولتي اللي عانيت منها وحرماني
انا مقبله على حقن مجهري وبما ان هرموني مرتفع اخاف تتاخر دورتي واخاف تنزل وتطلع البويضات اكياس ومافيها شي

الله يشرح صدوركم قولو لي فيتامينات اخذها عشان تغذي عندي البويضات وتساعد على تلقيحهم 😔

انا اراجع بمركز ذريه ولا عطاني فيتامينات ولا شي



الله يرزقني واخواتي بالذريه الصالحه