السلام عليكم ..

هنوووودة ماشاء الله تبارك الله .. الف الف مبروووك وربي يتمم لك على خير ياقلبي وتولدي بالسﻻمة بالطفل السليم المعافى ..

شكرا لكم وحده ردت ودعت لي❤️
والله احس مرا راضيه بقضاء الله حتى مابكيت يوم قالتلي محانرجع الجنين ،مع انهم لبسوني لبس العمليات وجابولي المويه يعني عشموني انو في امل
باخذ الفتره هذي نقاهه تعبت من الابر وبخلي زوجي يعالج اللزوجه امكن احمل طبيعي لان هذي مشكلتنا
وعسى ربي يكتب لي ولكم الخير

رقية .. معليش ياقلبي تاخرت بالرد بس مرة نفسيتي وحشة هاليومين ومتكدر خاطري .. بس ان شاء الله خير ..

لو انت بجدة ضروري تروحي للدكتورة .. الهرمونات ايوة هي 4 .. fsh /lh/tsh/prolactan
ﻻ انا لسه ما تابعت معايا التبويض .. اشعة السونار المهبلي تسوية عشان تشوف الرحم والمبايض قبل تبدا البرنامج .. اشعة بطانة الرحم ما اعرف عنها ..
انا كنت اتابع عند دكتورة وقلت ابغاك تعملي لي اي شيء احتاجة للعملية .. وهذا الكﻻم قبل موعدي مع الدكتورة اماني بشهرين .. وسويت التحاليل كلها ..
لما جا موعدي مع د.اماني اعطيتها التحاليل وقبلتها وطلبت سونار وعملت السونار واكتشفنا انو فيه تكيس .. اللي يزيد من نسبة فشل العملية ﻻنو احتمال تكون البويضات غير ناضجة .. طبعا اذا في لخبطة في الهرمونات تحتاجي علاج قبل بشهر او شهرين .. ابدا مو خسارة تروحي للدكتورة قبل بفترة .. قوليلها انا بعد شهر او شوفي متى تبغي تعملية ابغا اعمل تلقيح وشوفي ايش تعطيك برنامج ..
وربي يعوضني كل خير ويكتب لك الخير وييسر امرك ..

السلام عليكم
الله يرزقكم جميعا الحمل ويثبت اجنة المرحعات والحوامل وينجح عمليات المقبلات وييسر امورهم يارب
استفسار بسيط مين بتعالج عند سمير عباس الخبر تنطلي يجزاها خير ويوفقها كريم يارب

امس كنت اتابع باليوتيوب دكتور احسه انسان فاهم جدا واقنعني بكﻻمة .. يتكلم عن التلقيح المجهري واسباب فشلة ونجاحه .. وايش الاشياء. اللي ممكن تعملية قبل خوض التجربة وايش تعملي لو فشلت التجربة ..
اسمة د.هشام الشاعر .. مركز الخصوبة بالقاهرة ..
من كﻻمة تخيلو يقول اللي تبغى تعمل حقن المفروض تعمل تحليل سيولة و اجسام مضادة ومنظار رحمي قبل ما تعمل العملية .. وانا اشوف بنات كتير لما تفشل العملية يطلبو منهم دي التحاليل ..

3 اشياء مهمه المفروض تكون كويسة
جودة البويضة .. جودة الحيوان المنوي .. جودة الجنين ..
ولكل واحد منهم تحليل مادة وراثية عشان يكتشو التشوهات .. بس دا يتسوى للي تفشل عمليتهم ﻻنو احينا يحتاجو كمان تحليل ال دي ان أي ..

صراحة خلصت مقاطع الفيديو وانا اقول ﻻ اله اﻻ الله ..

هو مو تنشيط وتفجير وبويضة وتلقيح وترجيع وخﻻص ..

والحمدلله اللي ربنا سخرلنا هذا العلم عشان يساعدنا على الحمل ..

بعد تعقيد موضوع الحقن المجهري اكتشفت انو هو توووووفيق من الله عز وجل .. وانو ربنا حبيبنا قدر علينا فشلة او نجاحه .. ﻻنو زي مايقول الدكتور احيانا يكون الزوج سليم والزوجة سليمة وبرضو ما ينجح الحقن ..

اتمنى تستفيدو من كﻻمي اللي نقلته من الدكتور هشام .. وتدعو لي بالخير .. وربي يرزقني واياكم بالذرية الصالحة ..