إحساس جميل
إحساس جميل
ايوا باذن الله نكون موجودين نخدم بعض ونتفاءل ونتذكر أنا عند حسن ظن عبدي بي فليظن بي مايشاء حسن الظن بالله والتوكل عليه بيقين .. وكثره الاستغفار والصدقه والمداومه ع الأذكار

أنا فشلت محاولتين وبأذن الله مقدمه ع الثالثه الله يكتب لها النجاح والحمل السليم وإياكم يارب


وفي خدمتكم لو تحتاجوا شي تذكرت كلمه وحده ربنا انعم عليها كانت تساعد البنات من باب كان الله في عون العبد مدام العبد في عون أخيه .. وأعجبتني كثير وكنت ادعي لها الله يسخر لها ويحفظ لها ولا يحرمنا يارب


ربي هب لي من لدنك ذرية طيبه انك سميع الدعاء
رب لاتذرني فردا وانت خير الوارثين
رب هب لي من الصالحين
ربنا هب لنا من ازواجنا وذرياتنا قرة أعين واجعلنا للمتقين إماما
khookhah20
khookhah20
رحت المستشفئ وقالو لي مابين الكيس لان لسئ ماخذت ثلاث اسابيع حتئ عشان كذا ماقدرو يشوفون اذا خارج الرحم او لا
احاسيس غير
احاسيس غير
حبيبتي اختي "متى تضحك لي الدنيا"

ﻻ تخلين هالموضوع يتغلب عليج
فالنهاية هألشي كتبه من قبل خلق السموات والارض واحنى راضيين
وصدقيني ي قلبي خيرة
ﻻن الله فالقران يقول

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ

هذا قضاء الله وبني ادم مايملك ﻻ الضر وﻻ النفع
والاطبا والعمليات كلها ﻻتعادل شي امام ارادة الله
ونجاح الانابيب عبارة عن "ذلك فضل الله يؤتيه من يشاء"

الحمدلله انتي احسن عن غيرج بوايد وعندج طفل الله يبلغج فيه عريس
وماعندج مشكلة مستعصيه .. الامل جدامج تقدرين تجربين الانابيب مره ومرتين وثﻻث وعشر
صحيح متعبه بس جمدي اجنه او بويضات راح يختصر لج اطريق العﻻج

انا ي اختي يمكن اصعب عن وضعج بوايد
متزوجة وﻻ عندي طفل وكل ما اروح مكان يمسكوني الحريم ع زاويه وينصحوني بعلاجات
ولللي ينصح بادويه ويوصفون لي اسما مستشفيات واسما اعشاب وادةيه وكبسوﻻت
وغير اللي تقول لي اللي ماتحمل زوجها مايبيها ﻻنه مايقاربها وهالكﻻم
وانا صابرة وﻻ ارد وجربت كلشي يخطررررر ع بالج
واخر شي جربت الحقن المجهري وكنت متأمله فيه حيييل
وخذت 12 ابرة تنشيط وابر تفجير ومدري ايش
وبالسحب صار معاي فرط واحتباس سؤائل ونزل وزني 5 كيلو بأسبوع
وجاتني حمى و24 ساعه طواري وتعبانة حتى الماي مااقدر ابلعه
وعقب ارجاع وتعبت نفسيتي من البيت والقلق والتوتر والضغط
وتحملت اشيا وايد وعقب حللت وطلع سااااالب يارب رحمتك
صحيح قلبي تقطع بس صدقيني اللي خﻻنا نحزن ف يوم
بيخلينا اسعد خلقه ف يوم



مافي شي يدوم مرد الصبح بعد الليل
تفائلي ي قلبي
قصة احلامي
قصة احلامي
هلا سحر الكلام رحت موعدي اليوم سويت التحليل الحمدالله زين بس زودت لي ابرتين زيادة كل أبره  سته بودر وثلاثة ماي والاثنين موعدي أسوي تحليل مرة ثانيه وبعدين تقرر السحب ياالأربعاء قالت لي يالخميس الإبر جدا متعبه
وانتي بشريني عنك متي الترجع *****الله يارب يفرح قلبك بذرية الصالحة
سحر الكلام 88
سحر الكلام 88
يالله الله يساعدك عن جد متعبه اﻷبر. ..حطي لك كمادات بارده أنا أرتحت عليها. ... الله يعوض تعبنا يارب. .. أنا قالت بتتصل علينا اﻷثنين. .. ﻷن مسوين أحنى دراستين للأجنه عن التكسر وعن التشوهات على الله يطلع على اﻷقل واحد سليم .... والله حاطه أيدي على قلبي. .. الله يفرج علينا وعليكم يارب...