بالنسبة لي مرتين عملت حقن مجهري ومره تلقيح صناعي كلها عند أماني شلتوت بس ولا مره كملت العملية كلها معاي يعني اما السحب إيمان عمران والترجيع هي وإما العكس صح انسانه ذوق وطيوبه بس اخر مره زوجي كره التعامل معاهم تخيلوا رمضان الماضي عملت التنشيط واخر يوم  كان السحب هي اللي عملته لي وبعدها سافرت واحنا سألنا المستشفى تكلمونا اذا تم الاخصاب عشان الترجيع قالوا لو ما تلقحت نبلغكم عشان ماتجون فعلا مااتصلوا وثالث يوم العيد طلعنا انا وزوجي الصباح وجينا جده وتعرفوا أيام العيد تجمعات والكل يسأل وينكم ؟!! المهم وصلنا المركز عشان الترجيع دخلوني غرفه وجلست نص ساعه تقريبا وشوي تجيني الدكتوره ايمان تقول ماتلقحت طيب ليه ماكلمونا وبلغونا بدل مانسافر وطبعا مارجع شي من فلوسنا والحمدلله  ربي يعوضني في محاولتي ذي ي رب 🌹

A-t
والله غريب تعاملهم معاك انا اشوف المركز ككل ممتاز لامن ناحية الموظفات ولاالممرضات
 ولا الدكتوره اماني ولاقد شفت الا الدكتوره اماني 
كل تعاملي معاها ماقد ارسلت لي دكتوره ثانيه 
كانت هي في المراجعات وفي السحب والترجيع 
عموما ربي يعوضك بتجربتك هذي وتنجح عمليتك 🌹

بنت ابوها وش هالمعاناه الله يساعدك


اكيد ولا تفكري ترجعي له مجنون هذا ومنسقيه


يا اختاري اختارو لكم دكتور شاطر واثبتو عليه


انا كنت مع دكتوره عملت لي تلقيح صناعي وسببت لي كيس من التنشيط


غيرتها عند دكتوري الحالي حالتي انا وزوجي صحيح العمليات ما نجحت معه برضو بس مرتاحه لا وماافكر اغيره


الله يعطيك ويعطينا

الله يرزقكم جميعا ويرزقني معكم ولايضيع لنا تعب ويجعله في ميزان حسناتنا



انا اول مرة اشارك بهذا الموضوع....ودي اعطيكم اقتراح ..

اللي تفشل عمليتها اكثر من مرة ليش ماتجرب تسوي عمليتها في لندن ولا بلجيكا ولا المانيا....فيه هناك اطباء جدا ممتازين ومعامل وخبرة ماشاءالله...ونسبة نجاح عملياتهم ماشاءالله كبيرة...انا ماابخس اللي عندنا...صح فيةكثير ممتازين هنا ومعامل...بس مافيها شي نجرب ونحاول...
والله اتمنى ان حالتي تسمح بالحقن المجهري كان سويتها ....بس انا على كلام الاطباء عقيم ومالي امل في العلاج.لكن املي بالله كبير..لأن مايطلع لي بويضات...وبويضاتي خلصت بسرعة...الدورة ماتنزل علي...وإذا نزلت بحبوب...الحين تركت الحبوب الهرمونية لاني مليت منها تعبتني ولي 8 شهور مانزلت الدورة..شكل مبايضي ضمرت...اخذ ابر تنشيط بس مايطلع بويضات نهائي...

عشان كذا اقول لاتضيعون الفرص واستغلو المتبقي من البويضات وادعو ربكم وسافرو تعالجو بلندن او بلجيكا او امريكا....

فيه في لندن دكتور ممتاز اسمة الطرانيسي عربي ونسبة النجاح عنده عاليه جدا بمشيئ الله وفضله...وفية في بلجيكا ...ابحثو بقوقل واسألو واستخيرو ...وتوكلو على ربكم


نصيحة لاتضيعون الفرصة ...البويضات تنقص ماتزيد

الله يعوضكم يارب بالحمل السليم المعافى وجعل مااصابكم تكفيرا لكم يارب


أعارض السفر للخارج للعلاج عندنا إمكانيات واجهزه أفضل من هناك بكثير وهذا كلام دكتور مختص قبل كم سنه صحيح هما تفوقوا علينا ام الان نحمد لله كله بتوفيقه .. وهما مجرد أسباب والله والله يرزقنا فين ما نكون هنا والا هناك



نحتاج لصدق النيه مع أنفسنا بحسن التوكل ع الله " أنا عند ظن عبدي بي فليظن عبدي بي مايشاء " وحسن العمل بالأسباب
من قراءه البقره والقران عموماً بنيه الشفاء " وننزل من القران ماهو شفاء ورحمة " وكثره الاستغفار بحضور القلب " فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ... الايه " والرقيه ومنها قراءاه الفاتحة رقيه سبع مرات من أسمائها الواقية والشافية والكافية وغيرها الكثير .. والصدقه فيها تيسير لكثير من الأمور وقيام الليل " وفيه يقول هل من سائل فأعطيه .. وقت الهبات الالهيه بين أيدينا .. كثير من النعم وكثير من الأجور بين أيدينا تقربنا لاهدافنا وغايتنا لكننا غير مدركين لها ..

أقروا كثيراً عن هاذي المواضيع واستيزدوا منها .. كعلمنا عدد الجرعات وأنواع النظام وجوده البويضات وغيرها مايخص ذلك


نحتاج نركز على الجانب الديني والروحي اللي يقربنا لله الله يرزقنا من واسع فضله ويسهل لنا الأمور ولا يحوجنا لأحد من خلقه ..ويسخر لنا خلقه ويسخر لنا من يبشرنا ويبصرنا لعلاجنا .. انه الواحد الأحد القادر على ذلك


وافوض امري الى الله والله بصير بالعباد 💗


دعواتي لكم ولاتنسوني من دعواتكم بالحمل السليم المعافى يارب العالمين وإياكم

كلمات بسيطه من قلب يعيش مثلكم تماماً اسأل الله ان يبشرنا خيرا ويعوض لنا بالتعب أجرا يارب

ربي هب لي من لدنك ذرية طيبه انك سميع الدعاء
رب لاتذرني فردا وانت خير الوارثين
رب هب لي من الصالحين
ربنا هب لنا من ازواجنا وذرياتنا قرة أعين واجعلنا للمتقين إماما