انا ماعندي ضعف المشكله بزوجي

اللحين انا ابر تحضيريه لسه ماخذت المنشطه

بنات
امس كان عنديموعد مع الدكتور باليوم السابع
مالقى الا اربع بويضات ومقاسهم صغيير 8
وعطاني موعد الخميس وعطاني ثلاث ابر مع اني اخذت 25 ابرة ولا طلع معاي الا اربع وصغار لاحول ولا قوة الا بالله

عطاني موعد الخميس ويقول حشوف ادا بنكمل والا تتلغي العمليه

بنات هل ممكن تطلع بويضات ثانيه يوم الخميس وهل ممكن تكبر

كمان طلب مني تحليل الاستراديون ~~~> قال حنشوف وبعدين نقرر كم نسبه الطبيعيه للتحليل

مون تطلع جديدة ماقد حصلت معي بس يكبر حجمها عادي ان شاء الله يارب ياجبار يفرح قلبك باللي يسرك


أتمنى كل التوفيق للمقبلات على العمليه


بنات عادي الافرازات ويطلع حمل انتبهوا لانفسكم معي وحده نزيف حاد الى الان وهي بالشهر الرابع والطفل سليم


اللي سألت عن الأعشاب الأفضل لا كفايه التنشيط انا اخر مره استخدمت الاناناس الطبيعي مع التنشيط وبعدين خفت 3 أيام ووقفته


والدوره الاخيره الشهر اللي راح لان كانو ماخذين عينه الاجسام المضادة فنزل بني خفيف ومانزلت عدل مشيت وشربت اناناس والله جاني نزيف 5 أيام فالحين صايره أخاف من الاناناس


زوجي يقول حتى مطاره المويه الحاره مع الدورة مش كويسه بس انا ماادري وش رايكم ؟؟

شوق الحزينه

ماله علاقه الدم..الفيصل بحالتنا حنا هو تحليل الدم الرقمي وماتحكمين من اول تحليل بعد لازم تعيدينه..ان شاء الله انك شوق السعيده ❤️

بنات من حسن الظن بالله وقانون الجذب انكم تسمون انفسكم اسامي قيها تفائل..ليش بس تسمين نفسك شوق الحزينه انتي ومتى تضحك لي الدنيا..سموا انفسكم اسامي فيها تفاؤل..اشوف الأجانب الي يسوون تلقيح وانابيب في انستجرام يسمون نفسهم سأصبح أماً..لن تقف الحياة في وجهي..سعيدة مهما كانت النتائج..يوماً ما سيحصل..طبعا مترجمتها انا 😂

كيف اجانب ويعرفون حسن الظن احسن مننا؟

بعدين عندي سؤال لو ربي ماكتب اطفال خلاص بتوقف الحياة؟ ماراح تكون زي اذا فيه اطفال طبعاً لكن لاتوقفون حياتكم ترا والله ان الأمهات يرحموننا ويدعون لنا بالذرية الصالحه لكن يحسدوننا على الراحة الي حنا فيها
نطلع براحتنا-نتعبد براحتنا-نسافر مانشيل هم الأولاد-شغل البيت علينا اخف-ولا وحده من الي جابوا اطفال قريبه من زوجها زي ماقربتنا هالأزمه لأزواجنا..

الواحد قبل لايبدا بالانابيب والحقن والتنشيط لازم يحط نسبة٥٠٪ انها ماتنجح ويتفائل ويتوكل على الله..

بس من البداية كذا تحطون اسامي فيها سلبية وتجون محبطين ماينفع..اقبلوا على الحياة تقبل عليكم ❤️

فيه تدريب احب اسويه تعلمته من الأجانب انهم يوميا يذكرون ٣ نعم عشان يحسون بالسعادة

وانا صرت اعدد اكثر من ٣ وبدال التعداد احمد ربي عليهم وصرت احس بالرضى والحمدلله❤️

اللهم لك الحمد على الصحة والعافية والمقدرة
اللهم لك الحمد على نعمة العائلة
اللهم لك الحمد على نعمة الزوج
اللهم لك الحمد على الأمن والأمان
اللهم لك الحمد على الدفيء في بيوتنا
اللهم لك الحمد على العلم الذي اعطيته البشر وسخرته لنا تعددت التقنيات وكل شيء صارله علاج وحل

الحمدلله الحمدلله الحمدلله ❤️