فدوى فؤاد الله يتمملك عمليتك على خير نصيحة ادعي واقري قران الين تتخدري قبل العمليه قالولي 7بويضات بس وبعد العمليه غفت عيني وانا اقراء وادعي وبعدين قالولي 12بويضه سبحان الله كنت قبل السحب استغفر وقريت كم مره البقرة وكم مره سورة مريم لكن مو يومي الصراحة والحين كمان اقراهم واستغفر وشكرا على الدعاوي والمباركة الله يسعدك مسك حبيبتي الله يسمع منك يارب والله انا الا الان مدري هو صح التحليل او غلط واروح اطالعله ممكن اختفى الخط الثاني الاقيه موجود هههههه وسوست خلاص تحليلي يوم السبت بإذن الله كنت بسافر الاربعاء جدة لكن كنسلت السفر لي 15سنة انتظر الله لايخيب تعبنا ورجانا ويارب يامسك تبشرينا بالتؤام السليم المعافى انتي وانا وكل بنات المنتدى

متفائله
اسال الله العظيم ان يرزقك من اوسع ابوابه ويرزقك با احلى توائم يارب ويعوض صبرك خير يارب

همس جزاك الله الجنة ونعيمها يارب ورزقك الذرية التامة الخلق والخلقة اللهم امين كلامكم مرررره فرحني والله حسيت اني مع اخواتي بجد انا ماحد يدري من اهلي حتى امي واخواتي بس انا وزوجي ولما دخلت ولقيت ردودكم حسيت بالفرح الله

الف مبروووك متفائله والله يثبت اجنتك ويرزق المقبلات على العمليه بالذريه الصالحه ،بنات تذكرت شي سويت قبل لا ادخل للارجاع قرأت البقره كامله من بعد صلاة الظهر وكل ما وقفت نفثت ع صدري ودخلت الحمام 2وكملت قرأه الين جات الممرضه كان توه اذن بالعصر والممرضه تقولي يالله تجهزي صليت وفي اخر سجده دعيت ربي لاتذرني فردا وانت خير الوارثين 41وقبل ما ادخل كنت ع وضوء وقلت لزوجي يقول نفس الدعاء وبالنسبه للمويا دخلت الحمام قبل ساعتين من الارجاع وبعد ساعتين ونص من من الارجاع وجلست اقرا في مصحفي سورة يوسف ومريم اتحملو لاتقومون بسرعه وخلي زوجك يجيبلك عربيه وبالسياره تجلسي ورا وتنسدحي ع ظهرك ،،،والله يكتب لنا ولكم الذريه الصالحه السليمه المعافاه

بنات انا محتارة بكرة السحب وما عطاني الدكتور الابرة التفجيرية أعطاني ديكاببتيل حقنتين أخذتهم لبارح وبعد 36ساعة يعني راح يسحبولي بويضات شو تفسيركم